កំពង់ធំ=ប្រជាពលរដ្នកើតក្ដីសង្ស័យថា ព្រៃឡង់គឺជាព្រៃដែលរាជរដ្ឋាភិបាលរក្សាទុក ហាមមិនអោយកាប់ព្រៃ ឈូសឆាយ ឫដុតបំផ្លាញព្រៃឈើ ប៉ុន្តែ ព្រៃនេះត្រូវបានជនឈ្លៀតឪកាសនិយម ចូលជ្រៀតជ្រែក រុករាន កាប់និងដុតបំផ្លាញព្រៃដើម្បីយកដីលក់ ដោយបង្កើតឈ្មោះ ជាភូមិ (សហគមន៍ជួយសង្គ្រោះប្រជាពលរដ្នខ្មែរដើម្បីអភិវឌ្ឍន៍)ដោយចងជារចនាសម្ព័ន្ធ ជាបក្សពួក ជាក្រុម ។
បើតាមប្រភពត៍មានពីប្រជាពលរដ្នក្នុងស្រុកសណ្ដាន់និងស្រុក ប្រាសាទសំបូរ បានខ្សប់ប្រាប់អ្នកសារពត៍មានថា លោកសៅ វណ្ណីជាប្រភពមេក្លោងធំក្នុងការបើកភ្លើងខៀវ អោយជនឈ្លៀតឪកាសនិយមបានចូលកាប់បំផ្លាញព្រៃនិងដុត វាតយកដីលក់ ក្នុងនោះមានការរៀបចំជាខ្នងផ្ទះរាប់រយខ្នងផ្ទះដែលមានលក្ខណះជាជួរ និងមានផ្លូវខ្វាត់ខ្វែងបង្កើតជាភូមិ(សហគមន៍ជួយសង្គ្រោះប្រជាពលរដ្នខ្មែរដើម្បីអភិវឌ្ឍន៍) ក្នុងនោះដីដែលបានកាប់ដុតនិងសាងសង់ផ្ទះរួច
មានទំហំ៥ហិចតា និងដីដែលបានកាប់បំផ្លាញដើមឈើរួចស្រាច់ទុកអោយឈើងាប់មានចំនួន ជិត២០ហិតតា ដោយក្នុងសហគមន៍នោះមានឈ្មោះ ម៉ាយ៉ាន ជាប្រធានសហគមន៍, ហូថា ជាទីប្រឹក្សាផ្នែកច្បាប់ , ទឹមយ៉ា អនុប្រធានសហគមន៍ ,ជួមជន់ជា អ្នកប្រឹក្សាភិបាល ,ពេជ្រដា ប្រធានរដ្ឋបាល ,ញែមវណ្ណី ប្រធានហិរញ្ញឹក ,យក់ដេ ប្រធានលេខាធិការ ដែលសហគមន៍នេះមានអាស្រ័យដ្ឋានផ្ទះលេខ ៦៤ក្រុមទី៧ ផ្លូវជាតិលេខ៦អា ភូមិ៧មករា ឃុំតាំងក្រសាំង ស្រុកសន្ទុក ខេត្តកំពង់ធំ ពួកអ្នកទាំងអស់នេះមានលោក សៅវណ្ណី ជាអ្នកនៅពីក្រោយខ្នង
មិនតែប៉ុណ្ណោះ លោក សៅ វណ្ណីក៏ជាមេឈ្មួញឈើប្រណិត ដែលបានបើកភ្លើងខៀវអោយឈ្មួញឈើផ្សេងៗទៀតចូលកាប់ឈើ ដឹកជញ្ចូនចេញពីទឹកដីដែលខ្លួនគ្រប់គ្រោង ក្នុង១យប់១ថ្ងៃទាំងគោយន្ដ រថយន្ដកូរ៉េ និងទន្លេថង មិនតិចជាង១០គ្រឿងនោះទេ រហូតមកដល់ពេលនេះ លោក សៅ វណ្ណី បានដើរតួជាអ្នក ដឹកនាំក្នុងការបោស សំអាត សំណង់ អាណាធិតិយ្យ នៅក្នុងព្រៃឡង់ទីវិញ ដោយធ្វើពុតជាអ្នកមិនដឹងរឿង។
ប្រជាពលរដ្ន ដែលផ្អើលមកពីរខេត្តព្រះវិហារ បន្ទាយមានជ័យ ខេត្តកណ្ដាល កំពង់ចាម ស្រុកសណ្ដាន និងខេត្តមួយចំនួនទៀត បានប្រាប់ អ្នកយកពត៍មានយើងដែរថា សមាគមន៍នេះបានកៀងកូរប្រជាពលរដ្ន មកចាប់យកដីក្នុងទំហំ ៤០គុណ ៧០ម៉ែត្រ ក្នុងតំលៃតែ២០០០០០ទៅ៣០០០០០រៀលតែប៉ុណ្ណោះក្នុង១ឡូ ក្នុងនោះក៏មានលោកមេភូមិ និងមេឃុំ ព្រមទាំងអាជ្ញាធ័រស្រុកល្វៀងក្នុងទឹកដីខេត្តព្រះវិហារ ជាអ្នកបោះត្រានិង អនុញាតិអោយធ្វើការកាប់បំផ្លាញព្រៃដើម្បីឈូសឆាយ យកដីលក់ធ្វើជាសំណងអាណាធិតិយ្យក្នុងទឹកដីព្រៃឡង់នេះផងដែរ។
តែបើតាមសំដីលោក អ៊ុន បុត អភិបាលស្រុក សណ្ដាន់ បានប្រាប់អោយដឹងថាក្នុងបញ្ហាទាំងនេះគឺប្រជាពលរដ្នបានទៅតាមលោកម៉ាយ៉ាន ជាប្រធានសហគមន៍ ក្នុងការកាប់ព្រៃ ដើម្បីយកដីលក់ ចំណែកអាជ្ញាធ័រស្រុក និងលោកមេព្រៃពុំបានដឹងទេ មានតែបុតដៃដុត ក្នុងការចុះបង្ក្រាបតែប៉ុណ្ណោះ តែសំដីនេះពលរដ្នរិះគន់ថាជាសំដីដោះសារយករួចខ្លួនតែប៉ុណ្ណោះ។
អ្នកសារពត៍មានយើង បានព្យាយាមទំនាក់ទំនងតាមទូស័ព្ទដៃទៅលោកសៅវណ្ណី ចំនួន៥ដង់ ដើម្បីអោយ លោកស្រាយបំភ្លឺ ក្នុងករណីចោត ថាលោកជាមេក្លោង តែលោកពុំបានលើកទូស័ព្ទនោះទេ ពុំដឹងថាលោករវល់ឫកិចវែសពីការពិតឫយ៉ាងណានោះទេ៕ ប៊ុនរិទ្ធី
