ខេត្ដកំពង់ស្ពឺ ៖ សាលាដំបូងខេត្ដ កំពង់ស្ពឺបានចេញដីកាដោះលែងក្មេងស្រីដែលចាប់កុមាអាយុ៣ឆ្នាំ ជ្រមុជទឹក សម្លាប់យកក្រវឹលមាស២ហ៊ុន នៅភូមិ ក្រាំងស្វាយ ឃុំរលាំងគ្រើល ស្រុកសំរោងទង បន្ទាប់ពីបានសាកសួរអស់ មួយព្រឹកថ្ងៃទី៧មករា ប៉ុន្ដែតុលាការបាន បង្គាប់ឱ្យម្ដាយឪពុកក្មេងស្រីដៃដល់ផ្ដល់សំណង២ពាន់ដុល្លារទៅ គ្រួសារក្មេងស្រីរងគ្រោះ ។លោក សម សាក់ នាយនគរបាលព្រហ្មទណ្ឌខេត្ដកំពង់ស្ពឺបានឱ្យដឹងថា ករណីក្មេងស្រីសម្លាប់កុមារីម្នាក់យក ក្រវឹល២ហ៊ុននោះ តុលាការបានចេញ ដីកាមិនឱ្យឃុំខ្លួននោះទេព្រោះថាក្មេងស្រីដៃដល់មានអាយុក្រោម១៤ ឆ្នាំ ។
លោក ប្រាប់ថា តុលាការបានចេញ ដីកាឱ្យក្មេងនោះនៅក្រៅឃុំ ដោយផ្អែក លើច្បាប់ដែលក្មេងអាយុក្រោម១៤ឆ្នាំ មិនអាចឃុំខ្លួនបាន ព្រោះនៅជាអនីតិជននៅឡើយ ប៉ុន្ដែតុលាការបានបង្គាប់ឱ្យ ម្ដាយសងប្រាក់២ពាន់ដុល្លារទៅឱ្យគ្រួសារ ក្មេងរងគ្រោះតែមិនទាន់សងលុយភ្លាមៗទេ ព្រោះជីវភាពក្រីក្រពេក ។
លោក មុត តារា ព្រះរាជអាជ្ញារង អមសាលាដំបូងខេត្ដកំពង់ស្ពឺដែលកាន់សំណុំរឿងនេះបានឱ្យដឹងកាលពីថ្ងៃ ចន្ទថា តាមច្បាប់ក្នុងមាត្រា៩៦និងមាត្រា២១២ ក្រមព្រហ្មទណ្ឌមិនអាចឃុំខ្លួនក្មេងដៃ ដល់បានទេ បើមានអាយុក្រោម១៤ឆ្នាំ តែតុលាការនឹងប្រកាសពីទោសកំហុស របស់គេហើយឱ្យម៉ែឪផ្ដល់សំណង ។
គួរ រំឭកថា កុមារីរងគ្រោះហៀក គឹមឆេង អាយុ៣ឆ្នាំ ត្រូវក្មេងដៃដល់ ឈ្មោះឆេង សេងហុង អាយុ១៣ឆ្នាំ ជាបងប្អូនជីទួតមួយរស់នៅភូមិក្រាំង ស្វាយ ឃុំរលាំងគ្រើល ស្រុកសំរោងទង ចាប់ពកុមារីរងគ្រោះទៅជ្រមុជទឹកអូរ ចម្ងាយពីផ្ទះ១គីឡូម៉ែត្រស្លាប់រួចដោះ យកក្រវិលមាស២ហ៊ុនទៅលក់ទិញ ទូរស័ព្ទដៃ ប៉ុន្ដែបន្ទាប់ពីរកឃើញសាក សព និងការស្រាវជ្រាវរបស់សមត្ថកិច្ច ក្មេងស្រីនេះត្រូវឃាត់ខ្លួននៅថ្ងៃអាទិត្យ កសាងសំណុំរឿងទៅតុលាការ ៕
