ភ្នំពេញៈ បុរសម្នាក់បានចេញពីហាងម៉ាស្សាមួយកន្លែងហើយបានបើករថយន្តក៏ជ្រុលទៅបុករបងផ្ទះប្រជាពលរដ្ឋនៅជិតទីនោះបណ្តាលឱ្យរប៉ើករងការខូចខាតយ៉ាងដំណំប៉ុន្តែសំណាងល្អមិនមានអ្នករងរបួសនោះដែលហេតុការណ៍នេះបានកើតឡើងកាលពីវេលាម៉ោង៧នឹង៥០
នាទីយប់ថ្ងៃទី៧ខែមករាឆ្នាំ២០១៥នៅចំនុចផ្ទះលេខ៥៧C Eoតាមបណ្តោយផ្លូវលេខ១៩៣
ស្ថិតក្នុងសង្កាត់ទួលស្វាយព្រៃទី១ខណ្ឌចំការមន។ ប្រភពពត៌មាននៅកន្លែងកើតហេតុបានឱ្យដឹងថានៅមុនពេលកើតហេតុគេបានឃើញបុរសម្នាក់បានបើករថយន្តMITSUBISHI TRITON ពណ៍ខ្មៅមួយគ្រឿងចេញពីហាងម៉ាស្សាមួយកន្លែងយីហោដោយបានចេញរថយន្តបើកតាមបណ្តោយផ្លូវលេខ១៩៣ក្នុងទិសដៅពីជើងទៅត្បូងតែចេញពីក្នុងហាងម៉ាស្សាបានប្រមាណជា២០ម៉ែត្រស្រាប់តែរថយន្តរេចង្កូតជ្រុលទៅបុករបងផ្ទះប្រជាពលរដ្ឋប៉ើងដាច់
ចំណែករថយន្តបានរងការខូចខាតផ្នែកខាងមុខយ៉ាងដំណំបង្កការភ្ញាក់ផ្អើលដល់បងប្អូនប្រជាពលរដ្ឋចំរោមមើលយ៉ាងកុះករប៉ុន្តែមិនបណ្តាលឱ្យនណាម្នាក់រងរបួសនោះទេ។ប្រភពបន្តថានេះពិតជាសំណាងហើយព្រោះថានៅមុននឹងបន្តិចម្ចាស់ផ្ទះបានអង្គុយលេងនៅខាងមុខផ្ទះគ្រាន់តែចូលទៅក្នុងផ្ទះបានមួយសន្ទុះក៏ស្រាប់តែមានគ្រោះថ្នាក់នេះ
កើតឡើងតែម្តងហើយក៏មានប្រជាពលរដ្ឋផ្ទះជិតខាងនៅយ៉ាងច្រើនកុះករតែមិនមានត្រូវបងប្អូនណាម្នាក់ទេគ្រាន់តែខូចខាតទ្រព្យសម្បត្តិតែប៉ុណ្ណោះ។ ក្រោយពេលកើតហេតុក៏មានសមត្ថកិច្ចមូលដ្ឋានបានចុះមកធ្វើការអន្តរាគមន៍ភ្លាមៗដល់កន្លែងកើតហេតុប៉ុន្តែម្ចាស់រថយន្តបង្កមិនរត់ទៅណានោះទេហើយបានយល់ព្រមសងនៅថ្លៃខូចខាតទាំងអស់ដើម្បីបញ្ចប់រឿង៕
