ភ្នំពេញៈ នារីម្នាក់បានស្លាប់នៅកន្លែងកើតហេតុនិងម្នាក់ទៀតរងរបួសធ្ងន់ត្រូវបានដឹកទៅសង្គ្រោះនៅមន្ទីរពេទ្យភ្លាមខណៈពួកគេកំពុងជិះម៉ូតូស្មាសរ៉េវូមួយគ្រឿងហើយត្រូវបានរថយន្តកុងតឺន័ររបស់ក្រុមហ៊ុនផែស្ងូតតិចស្រ៊ុនបត់ចូលក្នុងផែងបានបុកនិងកិន។
ហេតុការណ៍នេះបានកើតឡើងកាលពីវេលាម៉ោង១៧និង៤០នាទីយប់ថ្ងៃទី៧ខែមករាឆ្នាំ២០១៥ នៅចំណុចមុខក្រុមហ៊ុនផែស្ងូតតិចស្រ៊ុនតាមបណ្តោយផ្លូវអូឌឹមស្ថិតក្នុងភូមិជំពូវ័នសង្កាត់ចោមចៅខណ្ឌពោធិ៍សែនជ័យ។ ជនរងគ្រោះដែលស្លាប់ត្រូវបានគេស្គាលឈ្មោះស្រីល័ក្ខភេទស្រីអាយុ២០ស្នាក់នៅជិតកន្លែងកើតហេតុ ចំណែកនាក់រងរបួសភេទស្រីអាយុ២០ឆ្នាំមុខរបសជាកម្មការនីរោងចក្រនៅមិនទាន់ស្គាល់ឈ្មោះពិតប្រាកដនោះទេ
តាមសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេបានឃើញនារី២នាក់ជិះម៉ូតូមួយគ្រឿងម៉ាកស្មាសរ៉េវូពណ៌ខ្មៅគ្មានស្លាកលេខធ្វើដំណើរតាមបណ្តោយផ្លូវអូឌឹមក្នុងទិសដៅពីត្បូងទៅជើងស្របជាមួយរថយន្តកុងតឺន័រពណ៌សពាក់ស្លាកលេខភ្នំពេញ3B-4045 ខណៈមកដល់ចំណុចមុខក្រុមហ៊ុនផែស្ងួតតិចស្រ៊ុនស្រាប់តែរថយន្តបត់ស្តាំចូកក្នុងក្នុងផែរបស់ខ្លួនដោយមិនបានមើលម៉ូតូដែលជិះស្រប់គ្នាក៏បានបុកហើយកិនបណ្តាលឲ្យនារីម្នាក់បានស្លាប់ភ្លាមនៅកន្លែងកើតហេតុនិងម្នាក់ទៀតរងរបួសធ្ងន់ធ្ងរត្រូវបានរថយន្តសង្គ្រោះដឹកទៅមន្ទីរពេទ្យភ្លាម។ចំណែករថយន្តបង្កបានបើកចូលសំងំខាងក្នុងផែ ធ្វើដូចមិនដឹងរឿងអី។
សាក្សីដដែលបានបន្តថាបន្ទាប់ពីកើតហេតុដោយគ្មានម្ចាស់កុងតឺន័រ ចេញមុខមកដោះស្រាយប្រជាពលរដ្ឋជាច្រើនប្រមាណ៤០ទៅ៥០នាក់បានប្រត្តិកម្មដោយគិតថាសមត្ថកិច្ចមិនយកចិត្តទុកដាក់នៅលើរឿងហេតុខាងលើធ្វើឲ្យប្រជាពលរដ្ឋបាននាំគ្នាយកដំថ្មគុបកំទិចរថយន្តរបស់សមត្ថកិច្ចមួយគ្រឿងនិងដុតទីស្នាក់ការប៉ុស្តិ៍សន្តិសុខដែលនៅច្រកចូលផែស្ងូតតិចស្រ៊ុនបណ្តាលឲ្យឆេះខ្ទិចគ្មានសល់ ។
ក្រោយពេលកើតហេតុគេសង្កេតឃើញលោកអធិការខណ្ឌពោធិ៍សែនជ័យលោកយិមសារ៉ាន់បានចុះមកដល់ចំណុកកើតហេតុហើយបានសម្រប់សម្រួលទៅលើប្រជាពលរដ្ឋនិងយករថយន្តបង្កខាងលើ ទៅរក្សាទុកនៅការិយាល័យចរាចរណ៍ជើងគោកដើម្បីរងចាំដោះស្រាយតាមផ្លូវច្បាប់។រីឯសពនារីរងគ្រោះសមត្ថកិច្ចបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
