ពលរដ្ឋគ្រីមៀរាប់ពាន់នាក់នាំគ្នាដង្ហែក្បួតអបអរសាទរនៅជ័យជំនៈក្នុងការបោះឆ្នោតប្រជាមតិកាលពីថ្ងៃទី១៦មីនា ចូលជាមួយប្រទេសរុស្ស៊ីដោយផ្តាច់ខ្លួនចេញពីប្រទេសអ៊ុយក្រែន។ ក្រោយលទ្ធផលបណ្តោះអាសន្នបានប្រកាស់ ពលរដ្ឋនៅទីក្រុងSimferopol តំបន់គ្រីមៀប្រមាណជិត២
មឺននាក់បាននាំគ្នាដង្ហែក្បួន នៅទីលាន ឡេនីន។ ចំនួនពលរដ្ឋចូលរួមកើនឡើងជាបន្តបន្ទាប់។
តំណាងរាស្ត្រប៉ូឡូញលោក Mateush ដឹកនាំក្រុងសង្គេតការអន្តរជាតិបានឲ្យដឹងថាតាមគម្រោងក្រុមសង្គេតការអន្តរជាតិ និងបង្ហាញរបាយការណ៍ចុងក្រោយរបស់ខ្លួនស្ត្រីពីសកម្មភាពបោះឆ្នោតមតិនៅគ្រីមៀ។ លោកបន្តទៀតថាការបោះឆ្នោតនោះប្រព្រិតទៅតាមច្បាប់អន្តរជាតិដែលបានកំណត់។
នៅសប្តាហ៍ក្រោយគ្រីមៀនិងបង្ហាញរូបិយវត្ថុ Ruble របស់រុស្ស៊ីប្រើប្រាស់នៅតំបន់នេះជាផ្លូវការ ទទឹមនិងក្រដាស់ប្រាក់ Hryvnia របស់អ៊ុយក្រែន។ដូច្នេះតំបន់គ្រីមៀនិងប្រើប្រាស់ទាំងប្រាក់អ៊ុយគ្រែននិងរុស្ស៊ី។
នាយករដ្ឋមន្ត្រីគ្រីមៀបានបញ្ចាក់ថា ការដែលសាធារណរដ្ឋគ្រីមៀចូលជាមួយប្រទេសរុស្ស៊ី គឺត្រូវចំណាយពេលយ៉ាងតិច១ឆ្នាំ ហើយវាអាចនឹងកើតឡើងឆាប់ជាងនេះអាស្រ័យទៅលើស្ថានភាពជាកស្តែង។ នាយករដ្ឋមន្ត្រីAksyonov បន្តទៀតថា គ្រីមៀនៅតែរក្សាទំនាក់ទំនងសេដ្ឋកិច្ចជាមួយអ៊ុយក្រែនដដែលមិនមែន«ឆ្លងស្ពាន់រួចរូសស្តានចោល»នោះឡើយ។
ការបោះឆ្នោតប្រជាមតិនៅគ្រីមៀ បានធ្វើឡើងក្រោយពេលបាតុកម្មក្លាយទៅជាអំពើហឹង្សានៅទីក្រុងគីវប្រទេអ៊ុយក្រែនធ្វើឲ្យប្រធានាធិបតី Viktor Yanukovich ត្រូវសភាដកហូតដំណែង។ តំបន់ស្វាយ័តគ្រីមៀដែលមានពលរដ្ឋរុស្ស៊ីភាគច្រើនរសនៅមិនឯកភាពទទួលយករដ្ឋាភិបាលថ្មីរបស់ទីក្រុងគីវ ដោយព្រួយបារម្ភណ៍ថា រដ្ឋាភិបាលនោះមិនការពារផលប្រយោជន៍ដល់ពលរដ្ឋគ្រីមៀ។
នៅពេលនេះគ្រីមៀនឹងក្លាយទៅជាផ្នែកមួយរបស់ប្រទេសរុស្ស៊ីដោយពិតប្រាកដ ដោយសារតែពលរដ្ឋនៅទីនោះរហូតដល់ទៅជាង៩៥ភាគរយបោះឆ្នោតគាំងទ្រដាក់បញ្ចូលតំបន់នេះនៅក្រោមការគ្រប់គ្រងរបស់រុស្ស៊ី។
ប្រធានគណកម្មការបោះឆ្នោតប្រជាមតិលោកMykhaylo Malyshev បានឲ្យដឹងថាតាមលទ្ធផលជាបឋមក្រោយការរាប់សន្លេកឆ្នោតបានជាង៧៤ភាគរយ មានតែសម្លែងប្រឆាំងចូលជាមួយរុស្ស៊ីតែ៣ភាគរយប៉ុណ្ណោះនិង១ភាគរយសន្លឹកឆ្នោងមិនស្រប់ច្បាប់។
នាយករដ្ឋមន្ត្រី គ្រីមៀលោកSergey Aksyonov បានឲ្យដឹងថា លោកបានដាក់លិខិតសំចូលជាមួយប្រទេសរុស្ស៊ីនៅថ្ងៃទី១៧មីនា ។ នៅថ្ងៃនេះដែរលោកក៏បានបញ្ចូនគណប្រតិភូមួយក្រុមទៅកាន់ប្រទេសរុស្ស៊ីពិភាក្សាលម្អិតស្តីពីការដាក់បញ្ចូលគ្រីមៀក្នុងទឹកដីរុស្ស៊ី។ សភាគ្រីមៀនឹងបើកកិច្ចប្រជុំក្នុងពេលដ៏ខ្លីខាងមុខពិភាគ្សាពីបញ្ហាទាំងនោះ។ក្នុងពេលជាមួយគ្មាននេះប្រធានរដ្ឋសភាគ្រីមៀបង្ហាញក្តីសង្ឃឹមថារុស្ស៊ីនិឆ្លើយតបឲ្យបានឆាប់បំផុត។
ប្រធានគណកម្មការសហគមន៍អឺរ៉ុបលោកJose Manuel Barroso ប្រកាស់ថាការបោះឆ្នោតផ្តាល់ប្រជាមតិនៅគ្រីមៀស្តីពីការផ្តាច់ខ្លួនចេញពីអ៊ុយក្រែនចូលជាមួយរុស្ស៊ីគឺជាការខុសច្បាប់ដោយលោកបញ្ចាក់ថាសហគមន៍អឺរ៉ុបមិនទទួលស្គាល់លទ្ធផលបោះឆ្នោតនោះឡើយ។អ៊ឺរ៉ុបនឹងប្រឆាំងប្រទេសរុស្ស៊ីពាក់ព័ន្ធរឿងនេះ។អឺរ៉ុបនឹងដាក់ទណ្ឌកម្មដល់មន្ត្រីមួយចំនួន ក៏ដូចជាបង្កកប្រាក់ បុគ្គល ស្ថាប័នដែលពាកព័ន្ធក្នុងហេតុការនោះ៕
