កំពង់ធំ ៖ កម្លាំងសមត្ថកិច្ចកងរាជអាវុធហត្ថស្រុកបារាយ៍បានធ្វើការឃាត់ខ្លួនជនសង្ស័យ ម្នាក់ នៅចំណុចវត្តត្រពាំងជ្រៃ ភូមិត្រពាំងជ្រៃ ឃុំបល្ល័ង្ក ស្រុកបារាយណ៍ កាលពីវេលាម៉ោង ១០ និង ០០នាទីព្រឹកថ្ងៃទី០៩ ខែមករាឆ្នាំ២០១៥ នៅពេលជនសង្ស័យរូបនេះធ្វើសកម្មភាពលក់ចែកចាយគ្រឿងញៀននៅក្នុងភូមិត្រពាំងជ្រៃនេះ។
លោកវីរះសេនីយ៍ត្រីឃុនប៊ុនហួរមេបញ្ចាការកងរាជអាវុធហត្ថស្រុកបារាណ៍បានអោយដឹងថាក្រោយពីទទួលបានពត័មានពីបណ្ដាញសំងាត់លោកក៏បញ្ចាអោយកំលាំងយើងធ្វើការទំនាក់ទំនងទិញដោយណាត់ជួបគ្នានៅវត្តត្រពាំងជ្រៃបន្ទាប់មកលោកបានអោយកំលាំង៦នាក់ស្លៀកពាក់ស៊ីវិលឃ្លាំចាំមើលរហូតដល់ម៉ោង១២និង១៥នាទីថ្ងៃដដែលលេចជនសង្ស័យម្នាក់លក់ចែកចាយគ្រឿងញៀន ភ្លាមៗនោះកំលាំងយើង បានធ្វើការឃាត់ខ្លួន ព្រមទាំងវត្ថុតាំងមានថ្នាំញៀនប្រភេទម៉ាទឹកក២កញ្ចប់តូចទូស័ព្ទដៃចំនួន២គ្រឿងកាបូបដៃ១ ដោយជនសង្ស័យ
រូបនេះមានឈ្មោះ ញ៉ក់ សេក អាយុ ២០ឆ្នាំ រស់នៅភូមិ យាយទៀង ឃុំបល្ល័ង្ក ស្រុកបារាណ៍ ខេត្តកំពង់ធំ បានឆ្លើយសារភាពថាមេក្លោងរបស់ខ្លួនមានឈ្មោះ លេង មន អាយុ ២៧ឆ្នាំ រស់នៅភូមិយាយទៀង (ចាស់)ឃុំស្រុកជាមួយ បន្ទាប់មកយើងបានសុំការអនុញាតិ ធ្វើការឆែកឆេរ ផ្ទះ លេង មន បានរកឃើញមាន វត្ថុតាំងមួយចំនួនសំរាប់ ប្រើប្រាស់ជក់គ្រឿងញៀន ហើយក៏បានប្រមូល វត្ថុតាំងទាំងនោះ នៅនិងមុខសាក្សីមក ដើម្បីធ្វើកំណត់ហេតុ កសាងសំនុំរឿង បញ្ចូនមកតុលាការ ចំណែក មេក្លោង និងប្រពន្ធ បានរត់កិច ខ្លួនបាត់ ។
រហូតមកដល់ថ្ងៃទ១០ ខែមករា ឆ្នាំ២០១៥ វេលាម៉ោង១១ថ្ងៃ ជនល្មើសឈ្មោះ ញ៉ក សេក ត្រូវបានបញ្ចូនមកកាន់បន្ទាយកងរាជអាវុធហត្ថខេត្តកំពង់ធំដើម្បីឃុំខ្លួនបណ្ដោះអាសន្នរងចាំតុលាការចាត់វិធានការតាមច្បាប់៕ ប៊ុនរិទ្ធី
