ក្រុមចោរប្លន់ប្រដាប់អាវុធមានគ្នា៣នាក់ជិះម៉ូតូ២គ្រឿងប្រដាប់ដោយកាំភ្លើងខ្លី៣ដើមបានធ្វើសកម្មភាពភ្ជង់ប្លន់យកម៉ូតូMSX ពីបុរសម្នាក់ហើយគេចខ្លួនបាត់ដោយសុវត្ថភាព។ហេតុការណ៍នេះបានកើតឡើងកាលពីវេលាម៉ោង២និង៥០នាទីរំលងអាធ្រាតឈានចូលថ្ងៃទី១៣ខែមករាឆ្នាំ២០១៥នៅចំណុចមុខទីស្តីការកណៈរដ្ឋមន្ត្រីតាមបណ្តោយផ្លូវសហព័ន្ធរុស្សីស្ថិតក្នុងសង្កាត់មិត្តភាពខណ្ឌ៧មករា។
ជនរងគ្រោះឈ្មោះមាសវណ្ណដែនភេទប្រុសអាយុ២៨ឆ្នាំស្នាក់នៅម្តុំវង់មូលទួលគោកខណ្ឌទួលគោកជិះម៉ូតូម៉ាកMSX ពណ៌សគ្នាស្លាកលេខ។ចំណែកជនសង្ស័យមានគ្នា៣នាក់ជិះម៉ូតូ២គ្រឿងមិនចាំស្លាកលេខ ប្រដាប់ដោយកាំភ្លើងខ្លី៣ដើមមិនចាំម៉ាក។
តាមសំដីជនរងគ្រោះបានឲ្យដឹងថាមុនពេលកើតហេតុរួបគេបានជិះម៉ូតូម៉ាកMSX ពណ៌សគ្នាស្លាកលេខដែលទើបតែនិងទិញធ្វើដំណើរតាមបណ្តោយផ្លូវសហព័ន្ធរុស្ស៊ីក្នុងទិសដៅពីលិចទៅកើតខណៈមកដល់ចំណុចមុខទីស្តីការខណៈរដ្ឋមន្ត្រីស្រាប់តែមានជនសង្ស័យ៣នាក់ជិះម៉ូតូ២គ្រឿងមិនចាំម៉ាកបានជិះមកក្បែរហើយគៀរឲ្យឈប់និងដកកាំភ្លើងខ្លីមកភ្ជងគំរាមមិនឲ្យស្រែកនិងប្លន់យកម៉ូតូនិងឆក់យកខ្សែកផ្លាកទីមួយខ្សែហើយនាំគ្នាចេញម៉ូតូគេចខ្លួនបាត់ដោយសុវត្ថភាព។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ចំណុចកើតហេតុនិងនាំជនរងគ្រោះទៅកាន់ប៉ុស្តិ៍នគរបាលរដ្ឋបាលមិត្តភាពដើម្បីដាក់ពាក្យបណ្តឹងងាយស្រួលតាមចាប់ក្រុមជនសង្ស័យយកមកដាក់ទោសតាមផ្លូវច្បាប់។គួបញ្ជាក់ផងដែរថាក្នុងរយៈពេលត្រឹមតែ២០នាទីមានករណីក្រុមចោរប្លន់ប្រដាប់អាវុធប្លន់យកម៉ូតូអស់២គ្រឿងក្នុងភូមិសាស្ត្រទឹកដីខណ្ឌដូនពេញនិង៧កមរាតែសមត្ថកិច្ចគ្នាសមត្ថភាពតាមជនសង្ស័យបានសូម្បីតែម្នាក់៕
