កំពង់ធំៈ មន្ទីរទេសចរណ៍ខេត្តកំពង់ធំ បានរៀបចំសិក្ខាសាលាស្តីពី ការយកចិត្តទុកដាក់ ចំពោះសុវត្តិភាព កុមារក្នុងវិស័យទេសចរណ៍ និងការជម្រុញឲ្យភ្ញៀវទេសចរណ៍ ជាតិ និងអន្តរជាតិ ចូលទស្សនាប្រាងប្រាសាទ និងរមណីយដ្ឋានធម្មជាតិ និងមរណីយដ្ឋានកែច្នៃក្នុងខេត្តកំពង់ធំ ។
ពិធីនេះត្រូវបានរៀបចំឡើង កាលពីព្រឹកថ្ងៃទី១៣ ខែ មករា ឆ្នាំ ២០១៥ នៅក្នុងក្រុងស្ទឹងសែន ខេត្តកំពង់ធំ ក្រោម អធិបតីភាព ឯកឧត្តម ប្រាក់ សារ៉ាត់ អភិបាលរងខេត្តកំពង់ធំ និងលោក សេង អាន ប្រធានមន្ទីរទេស ចរណ៍ ខេត្តកំពង់ធំ និងតំណាងក្រសួងទេសចរណ៍ ព្រមទាំងម្ចាស់អជីវករ ផ្ទះសំណាក់ សណ្ឋាគារ និងភោជនីយ៍ដ្ឋាន ព្រមទាំងម្ចាស់ហាងក្លឹបខារ៉ា អូខេ និងក្លឹមកំសាន្តជុំវិញខេត្តចូលរួម ក្រោមការជំនួយឧបត្ថម្ភរបស់អង្គការ World Vision ដើម្បីសុវត្តិភាព ក្នុងខេត្តកំពង់ធំ។
បន្ទាប់ពីលោក សេង អាន ប្រធានមន្ទីរទេសចរណ៍ខេត្ត បានអានរបាយការណ៍ស្តីពីចំនួនផ្ទះសំណាក់ សណ្ឋាគារ និងទីកំសាន្តនានារួចមក ឯកឧត្តម ប្រាក់ សារ៉ាត់ អភិបាលរងខេត្តកំពង់ធំ បានមានប្រសាស៍ថា សំណូមពរឲ្យ ប្រឹទ្ធបត្តិករណ៍ ជួយនាំ យកអត្ថន័យក្លឹមសារ នៃកម្មពិធីសិក្ខាសាលាស្តីពីសុវត្តិភាពកុមារក្នុងវិស័យទេសចរណ៍ និងការប្រើប្រាស់ ការងារនៅក្រៅប្រទេស ស្របពេលដែលប្រទេសកម្ពុជាកំពុងតែអភិវឌ្ឍន៍ កម្លាំងពលករត្រូវបានចាកចេញទៅ ធ្វើការនៅក្រៅប្រទេស ចំណែកប្រទេសកម្ពុជានាពេលបច្ចុប្បន្ន កំពុងតែខ្វះខាតកំលាំងពលកម្ម ដោយខ្លះទៅធ្វើការមិនស្របច្បាប់ ខ្លះចាញ់បោកមេខ្យល់ ដែលជាហេតុនាំឲ្យមានការគេងប្រវ័ញ្ចគ្រប់បែបយ៉ាង។
ឯកឧត្តម បានបញ្ជាក់ផងដែរថា ចំពោះកុមារប្រៀបបានដូចជាទំពាំងស្នងឬស្សី សម្រាប់បន្តវេណពីយើងទាំង អស់គ្នា ប៉ុន្តែចំនុចដែលគួរអោយមានការ ព្រួយបារណ៍នោះ ចំពោះកុមារ និងយុវជន បានបោះបង់ការសិក្សា ច្រើនណាស់ និងស្វែងរកការងារធ្វើតែមិនទាន់ដល់អាយុ ដោយសារក្រុមហ៊ុនមួយចំនួនដែលមិនហ៊ានទទួល កុមារដែលមិនទាន់គ្រប់អាយុ ដូច្នេះសូមឲ្យម្ចាស់អជីវករទាំងអស់ រួមគ្នាការពារទប់ស្កាត់ ណែនាំឲ្យកុមារទាំង នោះធ្វើនូវអំពើល្អ ចៀសផុតពីគ្រឿងញៀន និងការជួញដូរផ្លូវភេទ និងសូមឲ្យបងៗទាំងអស់ ចាត់ទុកជាឳពុកម្តាយរបស់ពួកគេ និងជម្រុញឲ្យពួកគេបន្តការសិក្សា។
ក្នុងនោះឯកឧត្ត ប្រាក់ សារ៉ាត់ បានណែនាំឲ្យគ្រប់អាហារដ្ឋានទាំងអស់ ដាក់មេនុយកំណត់តំលៃនៅលើតុ និងមិនត្រូវតំឡើងតំលៃតាមតែអំពើចិត្តនោះទេ ដោយសារតែខេត្តកំពង់ធំ យើងនេះជាខេត្តឆ្លងកាត់ និងមាន កន្លែងទេសចរណ៍ជាច្រើនកន្លែង ដូចជាប្រាសាទសំបូរព្រៃគុប្ព ត្រូវបានបញ្ជូនជាបេតិកភ័ណ្ទពិភោលោក នា ពេលឆាប់នេះ ដូច្នេះក្នុងយើងជាម្ចាស់អាហារដ្ឋាន សណ្ឋាគារ ត្រូវមានអានាម័យតំលៃសមរម្យ និងផ្សព្វផ្សាយពីសក្កានុពលក្នុងវិស័យទេសចរណ៍ ក្នុងខេត្តកំពង់ធំ ដើម្បីឲ្យភ្ញៀវស្នាក់នៅមានយូអង្វែង ដោយសារតែវិស័យទេសចរណ៍ គីជាលក្ខណៈប្រព័ន្ឋផ្សារភ្ជាប់ជាមួយនិងប្រជាពលរដ្ឋ ។
ដោយ ប៊ុន រដ្ឋា
