ខេត្តសៀមរាប: កម្លាំងសមត្ថកិច្ច អាវុធហត្ថ ខេត្តសៀមរាប នៅថ្ងៃ13មករា នេះ បានសម្រេច បញ្ជូនខ្លួន ជនសង្ស័យ ប្រុសស្រី 4នាក់ទៅស្ថាប័ន តុលាការ ពាក់ព័ន្ទ ទៅនិងជួញដូរ គ្រឿងញៀន ដោយខុស ច្បាប់។
មន្ត្រីអាវុធហត្ថ បានឲ្យដឹងថា ការបង្ក្រាប ក្រុមជួញដូរ គ្រឿងញៀន នេះធ្វេីឡេីង នៅម៉ោង5និង30នាទី ល្ងាចថ្ងៃទី12មករា ឆ្នាំ2015 ចំណុចភូមិ ត្រពាំងសោះ សង្កាត់
ស្វាយដង្គុំ ក្រុង សៀមរាប ដឹកនាំដោយ លោកស្រីយូរ៉ា មេបញ្ជាការ កងរាជអាវុធហត្ថខេត្ត
និងបញ្ជារ ផ្ទាល់ដោយលោក សុក កែវបណ្ឌិត ព្រះរាជ អាជ្ញារង អមសាលា ដំបូង ខេត្តសៀមរាប។
មន្ត្រីអាវុធហត្ថ បន្ថែមថា ជនសង្ស័យ ទី1ឈ្មោះសំសុង ភេទប្រុស អាយុ20ឆ្នាំ មុខរបរ រត់ម៉ូតូឌុប រស់នៅភូមិ សាលាកន្សែង សង្កាត់ ស្វាយដង្គុំ ក្រុង សៀមរាប ទី2ឈ្មោះ
ថនស៊ីយៀន (ហៅនូស៊ីម៉ី) ភេទស្រីអាយុ23ឆ្នាំ មុខរបរ មេផ្ទះ រស់នៅ ភូមិសាលាកន្សែង សង្កាត់ស្វាយដង្គុំ ក្រុង សៀមរាប ទី3ឈ្មោះហង្សលីលី ភេទស្រីអាយុ23ឆ្នាំ មុខរបរ អ្នកគិតលុយ នៅហាងចិន រស់នៅភូមិ វត្តបូរ៍ សង្កាត់ សាលាកំរេីក ក្រុង សៀមរាប ទី4ឈ្មោះ ប្រុសម៉េង ភេទស្រី អាយុ 28ឆ្នាំ មុខរបរមិនពិតប្រាកដ រស់នៅ ភូមិ តាភុល សង្កាត់ស្វាយដង្គុំ ក្រុង សៀមរាប។
មន្ត្រី បញ្ជាក់ថា ក្រោយ សមត្ថកិច្ច ឃាត់ខ្លួន ឆែកឆេរ រកឃេីញ វត្ថុតាង ម្សៅគ្រេីមព័ណសរ (ម៉ាទឹកកក) ចំនួន5កញ្ចប់ ស្មេីនិង1,4ក្រាម ទូរស័ព្ទ 05គ្រឿង ម៉ូតូ03គ្រឿង និងឧបករណ៍ប្រេីប្រាស់ សម្រាប់ជក់មួយចំនួន៕
