យុវជនម្នាក់បានស្លាប់ភ្លាមៗយ៉ាងអាណោចអាធម៌នៅកន្លែងកើតហេតុដោយសារតែរួបគេជិះម៉ូតូស្មាសមួយគ្រឿងខណៈមកដល់ចំណុចផ្លូវកែងត្រូវបានរថយន្តក្រុមហ៊ុនស៊ិនទ្រីបើកបុកនិងកិនចំពាក់កណ្តាលខ្លួនកាលពីវេលាម៉ោង២៣និង៣០នាទីយប់ថ្ងៃទី១៣ខែមករា ឆ្នាំ
២០១៥នៅចំណុចស្តុបដើមគរតាមបណ្តោយផ្លូវម៉ៅសេទុងកែងផ្លូវមុន្នីរេតស្ថិតក្នុងសង្កាត់ផ្សារដើមគខណ្ឌទទូលគោក។ ជនរងគ្រោះត្រូវបានគេស្គាលឈ្មោះហៀងភេទប្រុសអាយុ២០ឆ្នាំស្នាក់នៅម្តុំវត្តពោធិ៍ចិនតុងសង្កាត់ចោមចៅខណ្ឌពោធិ៍សែនជ័យ។
តាមសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេបានឃើញម៉ូតូស្មាស់មួយគ្រឿងពណ៌ខៀវលាយខ្មៅពាក់ស្លាកលេខភ្នំពេញ1AC-9967 ជិះដោយឈ្មោះហៀងបានធ្វើដំណើរតាមបណ្តោយផ្លូវម៉ៅសេទុងក្នុងទិសដៅពីជើងទៅត្បូងខណៈមកដល់ចំណុចកើតហេតុស្រាប់តែបានព្យាយាមវ៉ាម៉ូតូម៉ូតូទៀត ភ្លាមនោះក៏ត្រូវរថយន្តរបស់ក្រុមហ៊ុនស៊ិនទ្រី ធ្វើដំណើរតាមបណ្តោយផ្លូវមុន្នីរ៉េតក្នុងទីសដៅពីកើតទៅលិចបានបុកចំពេញទំហឹងហើយកិនចំពាក់កណ្តាលខ្លួនបណ្តាលឲ្យស្លាប់ភ្លាមនៅកន្លែងកើតហេតុចំណែកម៉ូតូរងការខូចខាតស្ទើទាំងស្រុង។
បន្ទាប់ពីកើតហេតុតៃកុងរថយន្តបង្កបានចុះពីលើរថយន្តហើយគេចខ្លួនបាត់ស្រមោលតែម្តងបន្សល់ទុករថយន្តនៅកន្លែងកើតហេតុ។ក្រោយពេលកើតសមត្ថកិច្ចបានចុះមកដល់ចំណុចកើតហេតុនិងសហការជាមួយជំនាញ់ធ្វើការវាស់វែងយករថយន្តទៅរក្សាទុកនៅការិយាល័យជើងគោកដើម្បីរងចាំដោះស្រាយតាមច្បាប់ចំណែកសពសមត្ថកិច្ចបានប្រគល់ជូនក្រុមគ្រួសារយកទៅតម្គល់នៅវត្តពោធិ៍ចិនតុងដើម្បីធ្វើបុណ្យតាមប្រពៃណី៕
