បុរសម្នាក់បានរងរបួសធ្ងន់ត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យភា្លមៗនិងម្នាក់ទៀតរបួសស្រាលដោយសារតែពួកគេបានបើកបររថយន្តសេរីទំនើបមួយគ្រឿងក្នុងល្បឿនយ៉ាងលឿនទាំងស្ថានភាពស្រវឹងស្រាជោគជាំក៏ជ្រុលទៅបុកក្បាលនាគពុះចែកទ្រូងផ្លូវពេញទំហឹងបណ្តាលឱ្យបាក់ដាច់អស់ចំនួន៣កង់ហើយរថយន្តបានក្រឡាប់ផ្អៀងរង
ការខូចខាតទាំងស្រុង។ហេតុការណ៍នេះបានកើតឡើងកាលពីវេលាម៉ោង១០នឹង៣០នាទីយប់ថ្ងៃទី១៣ខែមករាឆ្នាំ២០១៥នៅចំណុចមុខរោងចក្រស្បៀងក្រៀមតាមបណ្តោយផ្លូវជាតិលេខ២ស្ថិតក្នុងសង្កាត់ចាក់អង្រែក្រោមខណ្ឌមានជ័យ ។
ប្រភពពត៌មានពីសាក្សីដែលបានឃើញហេតុការណ៍នេះផ្ទាល់សុំមិនបញ្ចេញឈ្មោះបានឱ្យដឹងថានៅមុនពេលកើតហេតុគាត់បានឃើញរថយន្តសេរីទំនើបម៉ាកMITSUBISHI TRITON ពណ៍ទឹកប្រាក់មួយគ្រឿងពាក់ស្លាកលេខរដ្ឋ17 2-0868ដោយមានបុរស២នាក់នៅក្នុងរថយន្តទំនងជាស្រវឹងស្រាជោគជាំបានបើកក្នុងល្បឿនយ៉ាងលឿនដូចហោះរេពេញផ្លូវតាមបណ្តោយផ្លូវជាតិលេខ២ទិសដោពីជើងទៅត្បូងលុះមកដល់ចំណុចរោងចក្រស្បៀងក្រៀមក៏បានរេចង្កូតជ្រុលទៅបុកក្បាលនាគពុះចែកទ្រូងផ្លូវពេញទំហឹងបណ្តាលឱ្យបាក់ដាច់អស់ចំនួន៣ផ្ទាំងហើយរថយន្តបានក្រឡាប់ផ្អៀងរងការខូចខាតទាំងស្រុងចំណែកអ្នកបើកបរថយន្តរងរបួសស្រាលរីឯបុរសម្នាក់ទៀតរួមដំណើរជាមួយរងរបួសធ្ងន់ធ្ងរត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យភ្លាមៗ។
ក្រោយកើតហេតុសមត្ថកិច្ចមូលដ្ឋានបានចុះមកធ្វើការអន្តរាគមន៍ភ្លាមៗដល់កន្លែងកើតហេតុនិងបានសហការជាមួយជំនាញស្ទូចយករថយន្តបង្កទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរង់ចាំដោះស្រាយនាពេលក្រោយ។
គួរបញ្ជាក់ផងដែរថាគ្រោះថ្នាក់ចរាចរណ៍នេះគឺបង្កឡើងដោយសារតែបុរសទាំង២អ្នកខាងនេះបើកបរទាំងស្ថានភាពស្រវឹងស្រាជោគជាំម្យ៉ាងវិញទៀតបើកក្នុងល្បឿនលឿនមិនគោរពច្បាប់ចរាចរណ៍ទើបបង្កឱ្យមានគ្រោះថ្នាក់ដូច្នេះហើយនេះពិតជាសំណាងល្អហើយដែលមិនប៉ះពាល់ដល់អ្នកដំណើរលើដងផ្លូវណាម្នាក់នោះ៕
