. សៀមរាប.៖ នៅថ្ងៃទី១៤ខែមក្ករាឆ្នាំ២០១៥វេលាម៉ោង៦,៣០នាទីព្រឹកបុរស់ម្នាក់ឈ្មោះអឿន ជឿនអាយុ៣៦ឆ្នាំមានទីលំនៅភូមិខ្វាវ ឃុំខ្វាវ ស្រុកជីក្រែងខេត្តសៀមរាប ។
.ប្រពន្ធឈ្មោះ ព្រួន កឿនអាយុ៣១ឆ្នាំមានកូនចំនួន២នាក់ 
១.ឈ្មោះ ជឿន ស៊ុ ភេទស្រីអាយុ១០ឆ្នាំ, ២.ឈ្មោះ ជឿន រួតភេទប្រុសអាយុ៨ឆ្នាំ ។ តាមសំដីអ្នកស្រីព្រួន កឿនដែលត្រូវជាប្រពន្ធបាននិយាយរាយរ៉ាប់ទាំងទឹកមុខក្រៀមក្រំលាយឡំនឹងទឹកភ្នែកប្រាប់អ្នកពត៌មានយើងថា អ្នកស្រីបាននាំប្តីទៅចាប់ដីនៅចំណុចអូរស្នោក្នុងភូមិសាស្ត្រឃុំខ្វាវ ស្រុកជីក្រង ខេត្តសៀមរាប ។
រៀងរាល់ថ្ងៃប្តីអ្នកស្រីមិនដែលទៅធ្វើការទាំងព្រឹកមុនអ្នកស្រីទេ ទោះបីជាដេញក៏មិនទៅដែរ ទើបតែថ្ងៃនេះគាត់ក្រោកតាំងពីព្រឹកយកម៉ាស៊ីនត្រង់ស៊ីន័រទៅកាត់ឈើក្នុងស្រែ មួយសន្ទុះក្រោយមកលឺស្នូរឈើដួលគ្រាំង អ្នកដែលនៅជិតប្តីអ្នកស្រីរត់មកប្រាប់អ្នកស្រីថា ប្តីអ្នកឯងឈើបាក់សង្កត់ស្លាប់បាត់ហើយ អ្នកស្រីរត់ទៅដល់ឃើញប្តីឈើសង្កត់ពីលើបាក់ដៃ, បាក់ករ, រយាស់មុខមាត់ដាច់ខ្យល់ស្លាប់ភ្លាមៗធ្វើឲ្យអ្នកស្រីមានការរធត់យ៉ាងខ្លាំង ។
អ្នកស្រីបន្តទៀតថា អ្នកដែលកាប់ព្រៃនៅជិតប្តីអ្នកស្រីនិយាយថា ប្តីរបស់ខ្ញុំកាត់ឈើដួលកៀបផ្លែរណាយន្តហើយខំប្រឹងទាញតែទាញមិនបានឈើចេះតែទ្រេតមកខ្លាំងក៏លែញម៉ាស៊ីនរត់ចេញបណ្តោយឈើត្រូវបានដើមឈើដួលសង្កត់ពីលើស្លាប់ភ្លាមៗតែម្តង ។ បន្ទាប់អ្នកស្រីក៏បានទូរស័ព្ទប្រាប់បងប្អូនដែលនៅឯភូមិឲ្យទៅជួយយកប្តីមកផ្ទះដើម្បីរៀបចំធ្វើបុណ្យតាមប្រពៃណី ។ 
ការកាត់ឈើនឹងម៉ាស៊ីត្រង់ស៊ីន័រ តាមប្រភពពត៌មានយើងឃើញថា មានការគ្រោះថ្នាក់ច្រើនណាស់ ហេតុនេះសូមបងប្អូនដែលរករបរកាត់ឈើនឹងម៉ាស៊ីនត្រូវមានការប្រុងប្រយ័ត្នឲ្យបានខ្ពស់បំផុត ជៀសវាងមានការគ្រោះថ្នាក់ដូចឈ្មោះខាងលើនេះ(ដោយ.ព្រំ សុខា)
