ខេត្តកំពង់ស្ពឺ ៖ ជនដៃដល់បង្ករបួសស្នាមលើអ្នកដ៍ទៃម្នាក់ត្រូវបានសមត្ថកិច្ច ឃាត់ខ្លួន បន្ទាប់ពីបានរត់គេចខ្លួន៤ឆ្នាំ។ ការឃាត់ខ្លួននេះធ្វើឡើង២ និង១៥នាទី រសៀលថ្ងៃទី ១៣ មករា ២០១៥ នៅចំណុចភូមិដក់ពរ ឃុំវល្លិស ស្រុកសំរោង ខេត្តកំពង់ស្ពឺ ។ ជនដែលត្រូវឃាត់ខ្លួនខាងលើមានឈ្មោះ ស្ងួន ទិត្យ ភេទប្រុស អាយុ២៧ឆ្នាំ មានទីលំនៅកន្លែងឃាត់ខ្លួន ។
លោកវរៈសេនីយ៍ទោ មិុច សុភាន់ អធិការងស្រុកសំរោងទង បានឱ្យដឹងថាការឃាត់ខ្លួនជនសង្ស័យខាងលើនេះគឺធ្វើឡើងតាមដីការ បង្កាប់ឱ្យឃាត់ខ្លួនលេខ២២៨ ចុះថ្ងៃទី ១៤ តុលា ២០១០ ពីបទបង្ករបួសស្នាមដែលចេញដោយលោកចៅក្រមសើុបសួរសាលាដំបូងខេត្ត កំពង់ស្ពឺ អីុវ បូរិន្ទ ។
លោកអធិការងបានបន្តឱ្យដឹងថា ជនសង្ស័យឃាត់ខ្លួនលើគឺបានបង្កឱ្យអ្នកដ៍ទៃរបួសស្នាមដែលប្រព្រឹត្ត ឡើងនៅក្នុងភូមិគោកណព្នៅ ឃុំវល្លិស ស្រុកសំរោងទង ខេត្តកំពង់ស្ពឺ កាលពីថ្ងៃទី២៣ មករា ២០១០ ។ បច្ចុប្បន្នក្រោយឃាត់ខ្លួនសមត្ថកិច្ចបានបញ្ជូនជនសង្ស័យខាងលើនេះ ទៅកាន់ស្នងការដ្ឋាននគរបាលខេត្តដើម្បីចាត់ការតាមផ្លូវច្បាប់ ។
មជ្ឈដ្ឋានប្រជាពលរដ្ឋរស់នៅភូមិ-ឃុំ ខាងលើបានលើកឡើងថា សុំឱ្យតុលាការចាត់ការលើជនសង្ស័យរូបនេះឱ្យសមទៅនឹងអ្វីដែលគេ បានប្រព្រឹត្ត ព្រោះជនសង្ស័យតែងតែបង្ករបួសស្នាមទៅលើអ្នកដ៍ទៃជារឿយៗ ។ ក្រោយបង្ករបួសស្នាមជននេះបានរត់គេចទៅកាន់រាជធានីភ្នំពេញ បាត់រហូតហើយទើបតែពេលនេះវិលត្រឡប់មកផ្ទះវិញ ក៏ត្រូវបានសមត្ថកិច្ចចាប់ខ្លួនបានមិនខុសពីពាក្យចាស់លោកថា << ជង់មិនដែលភ្លេចកុក មានតែកុកទេដែភ្លេចជង់ >>
សុខសុភ័ណឌ
