កំពង់ឆ្នាំង៖ បុរសចំណាស់ម្នាក់បានយកខ្សែអង្រឹងមកចងកខ្លួនឯងនិងមែកស្វាយសម្លាប់ខ្លួន ដោយមិនដឹងមូលហេតុនៅយប់ថ្ងៃទី១៣ ខែមករា ឆ្នាំ២០១៥ នៅខាងក្រោយផ្ទះស្ថិតក្នុងភូមិសន្ទូច ឃុំស្រែថ្មី ស្រុករលាប្អៀរ លុះពេលជិតភ្លឺឡើង ទើបកូនចៅដឹងនិងមានការផ្អើលឆោឡោកើតឡើង។
ស្ត្រីឈ្មោះ ទិត យុត អាយុ៦៨ឆ្នាំ ជាប្រពន្ធបុរសចំណាស់ធ្វើអត្តឃាតបាននិយាយអោយដឹងនៅព្រឹកថ្ងៃទី១៤ ខែមករា ឆ្មាំ២០១៥ នេះថា៖ ប្តីគាត់ដែលបានធ្វើអត្តឃាតមានឈ្មោះ គង់ វួន អាយុ៧០ឆ្នាំ មានកូនចំនួន៦នាក់ រស់នៅក្នុងភូមិឃុំខាងលើ។
នៅយប់មុនពេលកើតហេតុគាត់បានសំរាននៅលើគ្រែក្រោមផ្ទះជាធម្មតា ជាទំលាប់របស់គាត់នៅម៉ោង៤ទៀបភ្លឺគាត់តែងបើកវិទ្យុស្តាប់ធម៌ទេសនាឮកោកៗ ប៉ុន្តែនៅពេលម៉ោង៤ទៀបភ្លឺថ្ងៃទី១៤ ខែមករា ឆ្នាំ២០១៥នេះគាត់មិនបានឮសូសំលេងវិទ្យុកោកៗដូចរាល់ថ្ងៃឡើយ។នៅពេលនោះកូនស្រីរបស់គាត់ក៍បានចុះពីលើផ្ទះមកដី មិនបានឃើញឪពុកនៅសំរានលើគ្រែក្រោមផ្ទះឡើយ បន្ទាប់មកនាងក៍បានកាន់ពិលបញ្ចាំងដើររកឪពុកពេញភូមិ ក៍ស្រាប់តែប្រទះឃើញសពឪពុកចងកនិងខ្សែអង្រឹងជាប់តេកតោកជាមួយនិងមែកស្វាយនៅក្រោយផ្ទះស្លាប់រឹងខ្លួនទៅហើយ ដែលមិនដឹងថាគាត់បានចងកធ្វើអត្តឃា តបែបនេះតាំងពីម៉ោងណាមកនោះទេ។ពេលឃើញបែបនេះកូនស្រីរបស់គាត់ក៍បានស្រែកយំឆោរឡោឡើងធ្វើអោយមានការផ្ញាក់ផ្អើលដល់អ្នកស្រុកពេញភូមិ។
ក្រោយមកក្រុមគ្រួសារនិងអ្នកស្រុកក្នុងភូមិក៍បាននាំគ្នាជួយកាត់ខ្សែអង្រឹងទម្លាក់យកសពសែងយកមកតំកល់ទុកក្រោមផ្ទះដើម្បីធ្វើបុណ្យតាមប្រពៃណី។
ស្ត្រីជាប្រពន្ធនិងកូនចៅបុរសធ្វើអត្តឃាតបាននិយាយអោយដឹងថា៖ ពួកគាត់មិនបានដឹងអំពីមូលហេតុនៃការធ្វើអត្តឃាតរបស់ប្តី និងរបស់ឪពុកច្បាស់ឡើយ ហើយកន្លងមករូបគាត់ក៍មិនដែលមានរឿងរ៉ាវអ្វីកើតឡើងនៅក្នុងគ្រួសារដែរ។កូនស្រីគាត់បាននិយា យអោយដឹងទៀតថា៖ មុនពេលកើតហេតុនៅពេលល្ងាចឪពុករបស់គាត់បានមកពីជួយធ្វើផ្ទះអោយអ្នកស្រុកក្នុងភូមិ ហើយបានហូបបាយនិងសំរាននៅលើគ្រែក្រោមផ្ទះពេលយប់ដូចធម្មតា ស្រាប់តែពេលជិតភ្លឺឡើងបែរជាឃើញគាត់ស្លាប់ដោយចងកបែបនេះទៅវិញ ធ្វើអោយកូនចៅនៅក្នុងក្រុមគ្រួសារមានការសោកស្តាយខ្លាំងណាស់។
នៅព្រឹកថ្ងៃទី១៤ ខែមករា ឆ្នាំ២០១៥សមត្ថកិច្ចនរគបាលមូលដ្ឋានក៍បានចុះទៅ ពិនិត្យសាកសពបុរសធ្វើអត្តឃាតទៅតាមបច្ចេកទេស ហើយបាននិយាយអោយដឹងថា៖ បុរសឈ្មោះគង់ វួន ពិតជាបានធ្វើអត្តឃាតដោយចងកខ្លួនឯងពិតប្រាកដមែន។ ក្រោយពីពីពិនិត្យរួច សពបុរសធ្វើអត្តឃាតត្រូវសមត្ថកិច្ចប្រគល់ជូនក្រុមគ្រួសារធ្វើបុណ្យតាមប្រពៃណី៕ សន្យា
