យុវជនពីរ ជិះម៉ូតូចេញពីក្លឹបរេចង្កូតបុកឃឿនរង្វងមួល កាំខូសិតធី ដួល បណ្ដាលឱ្យ រងរបួស ស្រាល ពីរនាក់ កាលពីវេលាម៉ោង ១២ នឹង ៣០នាទីយប់ឈានចូលថ្ងៃទី១៤ ខែមករា ឆ្នាំ២០១៥ ស្ថិតនៅចំណុច រង្វងមូលកាំខូសិតធី សង្កាត់បឹងកក់១ ខណ្ឌទួលគោក ។ តាមសាក្សី
ដែលបានឃើញហេតុការណ៍ខាងលើបានឲ្យដឹងថា មុនពេលកើតហេតុ គេឃើញយុវជន ពីរនាក់ខាង លើជិះម៉ូតូស្តុបពីរ មួយគ្រឿង ពណ៌ស ពាក់ស្លាកលេខ ភ្នំពេញ 1CB- 0287 បានធ្វើ ដំណើរចេញពីក្លឹបម្តុំ កាំខូសិតធី ហើយជិះម៉ូតូយ៉ាងលឿនតាមបណ្តោយ ផ្លូវលេខ ៥៩៨ ក្នុងទិស ដៅពីលិចទៅកើត លុះដល់ចំណុចកើតហេតុ ទំនងគេចពីរថយន្ត ទើបរេចង្កូតបុក ឃឿន រង្វងមួល កាំខូសិតធី បណ្តាលឲ្យដួល រងរបួសស្រាល ចំណែកម៉ូតូខ្ទាត ពីចំណុចកើត ហេតុជាង ២០ ម៉ែត្រនិងរងការខូចខាតយ៉ាងដំណំ។
ក្រោយពេលកើតហេតុ មិត្តភ័ក្ររបស់យុវជនខាងលើ បានមកជួយអន្តរាគមន៍ ជួយដឹកពួកគេ យក ទៅព្យាបាលនៅមន្ទីរពេរទ្យ ចំណែកម៉ូតូវិញនោះ ត្រូវបានមិត្តភ័ក្រ អូសយកទៅរក្សាទុកផ្ទះគេវិញដែរ ព្រោះមិនចង់រំខានដល់សមត្ថកិច្ចវែងឆ្ងាយ៕
