ជនសង្ស័យបំណងលួចម៉ូតូរ៉ឺម៉កម្នាក់ត្រូវបានម្ចាស់ផ្ទះឃើញទាន់នៅក្នុងកាមេរ៉ាសុវត្ថិភាព រួចក៏ស្រែកផ្អើលប្រជាពលរដ្ឋដេញចាប់បាន វាយម្នាក់មួយដៃមួយជើង ឡើង ទ្រោមបែកក្បាលហូរឈាមស្រោចខ្លួន ទើបប្រគល់ឱ្យសមត្ថកិច្ចប៉ុស្តិ៍នគរបាលស្ទឹង មាន ជ័យ យកទៅសាកសួរនាំបន្ត កាលពីវេលាម៉ោង២នឹង៣០នាទីរំលងអាធ្រាតឈាន ចូល ថ្ងៃទី១៦ ខែមករា ឆ្នាំ២០១៥ តាមបណ្តោយផ្លូវលូទឹកស្អុយ ក្រោមស្ពានស្ទឹងមានជ័យ ស្ថិតក្នុងក្រុមទី៦ ភូមិព្រៀត សង្កាត់ស្ទឹងមានជ័យ ខណ្ឌមានជ័យ ។
ប្រភពពត៌មានពីម្ចាស់ផ្ទះបានប្រាប់ឱ្យដឹងថា ជារៀងរាល់ថ្ងៃរូបគាត់តែងតែដាក់ ម៉ូតូរ៉ឺម៉កចាក់សោរនៅខាងមុខផ្ទះ ដោយនៅក្រោមដំបូលផ្ទះរបស់គាត់មាន ដាក់កាមេរ៉ា សុវត្ថិភាព និងសេនស័រសម្រាប់បំភ្លឺភ្លើងដោយស្វ័យប្រវត្តិប្រើសិនបើមានអ្នកចូលមក ។ ខណះពេលដែលកមពុងលង់លក់នៅក្នុងដំណេកស្រាប់តែគាត់បានលឺ សម្លេងឆ្កែ ព្រុះ យ៉ាងខ្លាំង ហើយបន្តិចក្រោយមកអំពូលភ្លើងបំភ្លឺផ្ទះរបស់គាត់ក៏បានភ្លឺឡើង ភ្លាមៗនោះ គាត់បានស្ទុះឡើងទៅមើលទូរទស្សន៍កាមេរ៉ាសុវត្ថិភាព ស្រាប់តែបានឃើញជន សង្ស័យ ២ នាក់កំពុងតែធ្វើសកម្មភាព បំរុងអាសោរលួចរ៉ឺម៉ងកង់បីដែលចតទុកនៅមុខផ្ទះ រួចក៏ បានស្រែកថាចោរៗបណ្តាលឱ្យផ្អើលប្រជាពលរដ្ឋដេញចាប់ បានម្នាក់ វាយឡើងទ្រោម បែកក្បាលហូរឈាមស្រោចខ្លួន ទើបប្រគល់ឱ្យសមត្ថកិច្ច ចំណែកជនសង្ស័យម្នាក់ទៀតរត់គេចខ្លួនបាត់ ។
សមត្ថកិច្ចបានឱ្យដឹងថា ជនសង្ស័យខាងលើមានឈ្មោះ អ៊ិន ស្រ៊ុន អាយុ៣៦ បច្ចុប្បន្នស្នាក់នៅកន្លែង ភូមិដើមស្លែង សង្កាត់មានជ័យ ខណ្ឌមានជ័យ ហើយជន សង្ស័យត្រូវបាននាំខ្លួនយកទៅសាកសួរនៅបុស្តិ៍នគរបាលរដ្ឋបាលមាន ជ័យដើម្បីសាក សួរបន្ត និងចាត់ការតាមនីតីវិធី ៕
