បុរសម្នាក់បានរងរបួសនិងរ៉ឺម៉កដឹកបន្លែងក្រឡាប់ផ្ងារជើងច្រងាង ដោយសារតែនារីម្នាក់បើករថយន្តសេរីទំនើបមួយគ្រឿងក្នុងល្បឿនលឿនជ្រុលបុកពេញទំហឹងដឹង កាលពីវេលាម៉ោង២និង២០នាទីទាប់ភ្លឺ ថ្ងៃទី១៦ ខែមករា ឆ្នាំ២០១៥ នៅចំណុចមជ្ឃមណ្ឌលម៉ុងឌីយ៉ាល់ តាមបណ្តោយផ្លូវម៉ៅសេទុង ស្ថិតក្នុងសង្កាត់ផ្សារដេប៉ូ២ ខណ្ឌទួលគោកុំ
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ជិះរ៉ឺម៉កដឹកបន្លែង ឈប់នៅខាងមុខមជ្ឍមណ្ឌលម៉ុងឌីយ៉ាល់ ប្រហែលជាង១០នាទីស្រាប់តែមាននារីម្នាក់ បើករថយន្តសេរីទំនើបមួយគ្រឿងពណ៌ក្រហម ពាក់ស្លាកលេខភ្នំពេញ2Z-8162 ធ្វើដំណើរតាមបណ្តោយផ្លូវម៉ៅសេទុង ក្នុងទិសដៅពីត្បូងទៅជើល ល្បឿនលឿនបានជ្រុលបុកពេញទំហឹងបណ្តាលឲ្យម្ចាស់រ៉ឺម៉ករងរបួស ចំណែករ៉ឺម៉កដឹកបន្លែងដាច់ម្ខាង រីឯរថយន្តរងការខូចខាតផ្នែកខាងមុខជំហៀងខាងឆ្វេង។
ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុធ្វើការវាស់វែងយករថយន្តនិងរ៉ឺម៉កទៅរក្សាទុកនៅអធិការដ្ឋាននគបាលខណ្ឌទួលគោកដើម្បីរងចាំដោះស្រាយពេលក្រោយ៕
