វិទ្យាល័យក្រុងកំពង់ឆ្នាំង បានបើកការហ្វឹកហ្វឺនអប់រំកាយសិក្សាដល់យុវសិស្ស៦៥០នាក់
កំពង់ឆ្នាំង៖ការអប់រំកាយសិក្សាតាមការហ្វឹកហាត់វិញ្ញាសារផ្សេងគឺជាកត្តាសំខាន់ណាស់
សំរាប់ថែទាំសុខភាពនិងបង្កើនដល់ប្រាជ្ញាស្មារតីរបស់សិស្សក្នុងការរៀនសូត្រ ដោយយ ល់បានអំពីបញ្ហានេះ លោកនាយកវិទ្យាល័យក្រុងកំពង់ឆ្នាំង ទទួលយកនិសិត្សស្មគ័ចិត្ត២
រូបរបស់ជនជាតិជប៉ុនដែលបានមកធ្វើ កម្មសិក្សាជាមួយអង្គការចៃកានៅក្នុងខេត្តកំពង់ ឆ្នាំង ដើម្បីធ្វើការហ្វឹកហាត់វិញ្ញាសារកីឡាអប់រំកាយប្លែកៗរបស់ជប៉ុន ដល់យុវសិស្សសំ ដៅធ្វើអោយយុវសិស្សទាំងអស់មានសុខភាពមាំមួនល្អ ដើម្បីបន្តការសិក្សាសំរេចនូវបំ ណងប្រាថ្នារបស់ខ្លួន និងជៀសវាងបានពីការសេពគ្រឿងញៀនដែលអាចប៉ះពាល់ដល់ អនាគតយុវជនដែលជាទំពាំងស្នងឬស្សីរបស់ជាតិ។
លោកនាយកវិទ្យាល័យក្រុងកំពង់ឆ្នាំង បាននិយាយអោយដឹងនៅព្រឹកថ្ងៃទី២៣ ខែមករា ឆ្នាំ២០១៥នៅក្នុងទីលានហ្វឹកហាត់កីឡាថា៖ជិត៣ខែកន្លងមកនេះ យុវសិស្សរៀនថ្នាក់ទី៧ និងថ្នាក់ទី៨ចំនួន៦៥០នាក់ ត្រូវបាននិសិត្សនារីស្ម័គ្រជនជាតិជប៉ុន២រូប បាន ជួយហ្វឹកហាត់វិញ្ញាសារអប់រំកាយចំនួន១២ប្រភេទប្លែកៗ ដែលអាចធ្វើអោយយុវសិស្ស ហ្វឹកហាត់មានកាយសម្បទាមាំមួន មានប្រាជ្ញាស្មារតីភ្លឺថ្លាវៀងវៃ និងចេះសាមគ្គីគ្នាក្នុង ពេលហ្វឹកហាត់ ដើម្បីដណ្តើមយកចំណាត់ថ្នាក់ល្អរបស់កីឡាអប់រំកាយក្នុងវិទ្យាល័យ។
នៅព្រឹកថ្ងៃទី២៣ ខែមករា ឆ្នាំ២០១៥ លោកនាយកវិទ្យាល័យបានរៀបចំអោយយុវសិស្សថ្នាក់ទី៧និងថ្នាក់ទី៨ទាំង៦៥០នាក់នៅក្នុងវិទ្យាល័យប្រកួតប្រឡងយកចំណាត់ថ្នាក់ពីលេខ១ដល់លេខ៣ ដើម្បីទទួលរង្វាន់និងដើម្បីសាកល្បងបញ្ចេញនូវសមត្ថភាព របស់ខ្លួនដែលខិតខំហ្វឹកហាត់ជិត៣ខែកន្លងមក។
វិញ្ញាសារដែលលើកយកមកប្រកួតនៅព្រឹកថ្ងៃទី២៣ ខែមករា ឆ្នាំ២០១៥នេះ តាម បែបវិញ្ញាសារ អ៊ុនដោកៃជប៉ុន មាន១២វិញ្ញាសាររួមមាន៖ការប្រកួតរត់បណ្តាក់កាន់ហិប រត់បណ្តាក់ប្រមៀលកង់ឡាន រត់បណ្តាក់ដាក់កូនបាល់ក្នុងវែក រត់បណ្តាក់មនុស្សកាន់របា រត់បណ្តាក់មនុស្សកៀបបាល់តែមួយ រត់បណ្តាក់ដាក់បាល់លើក្តាសែងគ្នា៤នាក់ រត់ បណ្តាក់ដូចសត្វកង្កែប រត់បណ្តាក់កាន់របារត់វិលជុំវិញរង្វង់ រត់បណ្តាក់ខ្ចីមនុស្ស និងសំ ភារៈ រត់បណ្តាក់ចងជើងជាប់គ្នា រត់បណ្តាក់លីហិបទៅមុខលោតអន្ទាក់ និងទាញព្រាត់។
ការហ្វឹកហាត់កីឡាអប់រំកាយខាងលើនេះ គឺជាគំរូល្អមួយដែលគួររៀនសូត្រតាម ដើម្បីទាក់ទាញស្មារតីរបស់យុវសិស្សអោយចេះសាមគ្គីគ្នាដើម្បីយកជ័យជំនះក្នុងពេលប្រកួតកីឡា ខាងមុខរបស់ខេត្ត និងក្រសួងអប់រំ ដើម្បីនាំមកនូវជ័យជំនះដល់ក្រុម ថ្នាក់ របស់ខ្លួន និងម្យ៉ាងទៀតដើម្បីអប់រំយុវសិស្សទាំងអស់ជៀសវាងបានពីការសេពគប់មិត្តមិន ល្អដែល ប្រើប្រាស់គ្រឿងញៀន៕ សន្យា
Ads
