ភ្នំពេញ៖ បុរសម្នាក់ត្រូវរងរបួសធ្ងន់ធ្ងរខណៈរូបគេជិះម៉ូតូមួយគ្រឿងម៉ាក Nex ពណ៌ស ពាក់ស្លាកលេខភ្នំពេញ 1BX-4078 ត្រូវរថយន្តមិនស្គាល់ម៉ាកមួយគ្រឿងបើកបុកពេញទំហឹង កាលពីវេលាម៉ោង ២១និង៣០នាទីយប់ថ្ងៃទី ២៣ មិនា ឆ្នាំ២០១៤ ស្ថិតតាមបណ្តោយផ្លូវ៤៣២ ក្នុងសង្កាត់ទួលទំពូងទី១ ខណ្ឌចំការមន។
យោងតាមសាក្សីដែលបានឃើញហេតុការណ៍បានឲ្យដឹងថា នៅមុនពេលកើតហេតុគេសង្គេតឃើញបុរសខាង លើជិះម៉ូតូមួយគ្រឿងម៉ាក Nex ជិះធ្វើដំណើរតាមបណ្តោយផ្លូវ៤៣២ ទិសដៅពីលិចទៅកើត លុះមកដល់ចំណុចកើត ហេតុខាងលើស្រាប់តែមានរថយន្តមិនស្គាល់ម៉ាកមួយគ្រឿង បានបើកមកបុកពីក្រោយពេញទំហឹងបណ្តាលឲ្យបុរសជា ម្ចាស់ម៉ូតូដួលបោកផ្ទប់
ទៅនឹងថ្នល់រងរបួសធ្ងន់ធ្ងរ រីឯម៉ូតូរងការខូចចខាតផ្នែកខាងមុខ។ ចំណែកឯរថយន្តបានព្យាយាម បើ់ករត់គេចខ្លួនបាត់ស្រមោលសូន្យឈឹង។ ក្រោយកើតហេតុសមត្ថកិច្ចមូលដ្ឋាន បានចុះអន្តរាគមន៍វាស់វែង និងដកហូតយកម៉ូតូជនរងគ្រោះទៅរក្សាទុកនៅ ប៉ុស្តិ៍រដ្ឋបាលទួលទំពូងទី១ រងចាំសាច់ញាតិមកទទួលយកទៅវិញ៕ 
