ស្ទឹងត្រែង៖បងស្រីទៅដឹកប្អូនមកពីសាលារៀនត្រឡប់មកវិញ ឆ្លងកាត់ផ្លូវបំបែកចូលខេត្តស្ទឹងត្រែងព្រះវិហារ ត្រូវបានរថយន្តយីឌុប បុកកិនពីលើម៉ូតូបណ្តាលអោយ ប្អូនស្រីម្នាក់បានស្លាប់ និងបងប្រុសស្រីពីរនាក់រងរបួសធ្ងន់ កាលពីវេលាម៉ោង១១និង៣០នាទីថ្ងៃត្រង់
ត្រង់ចំនុចផ្លូវបំបែកគីឡូបួន ស្ថិតក្នុងភូមិរាជានុកូលសង្កាត់ក្រុងស្ទឹងត្រែង។
ឪពុកម្តាយជនរងគ្រោះបានអោយដឹងថាកូនគាត់ទាំង៣នាក់ដែលត្រូវរថយន្តបុកនោះមានទី១ឈ្មោះជូត ស៊ីវ ភេទស្រី អាយុ១៨ឆ្នាំ ជាអ្នកបើកម៉ូតូរងរបួសធ្ងន់ ទី២ឈ្មោះជូត រត្ថា ភេទប្រុស អាយុ១៣ឆ្នាំ រួមដំណើរ រងរបួសធ្ងន់ និងទី៣កុ ម៉ារី ឈ្មោះជូត ខាត់ណា អាយុ៦ឆ្នាំ ទើបចេញពីរៀនរួមដំណើរជាមួយបានស្លាប់ភ្លាមៗក្នុងហេតុការណ៍គ្រោះថ្នាក់ចរាចរនោះ បងប្អូនបង្កើតទាំង៣នាក់ រស់នៅភូមិរាជានុកូល សង្កាត់/ក្រុងស្ទឹងត្រែង។ចំណែករថយន្តបង្កមានគ្នា៣នាក់រួមប្រពន្ធនិងព្រូបុរសបើកបរមានឈ្មោះឡាំថន ភេទ ប្រុស អាយុ៣៦ឆ្នាំ និងប្រពន្ធឈ្មោះហ៊ាន់ ហួន និងព្រូររថយន្តម្នាក់ទៀត ជាអ្នករួមដំណើរជាមួយ អ្នកទាំងបីមានស្រុកំណើតនៅភូមិវត្តត្រាច ឃុំកោះត្រេត ស្រុក ព្រៃវែង ខេត្តព្រៃវែង។
បើតាសាក្សីនៅក្បែរកន្លែងកើតហេតុបាននិយាយថា៖មុនកើតហេតុជនរងគ្រោះត្រូវជាបងឈ្មោះជូត ស៊ីវបានជិះម៉ូតូម៉ាកឌ្រីមសង់ ពណិ៍ខ្មៅ សេរីឆ្នាំ២០១០ពាក់ស្លាកលេខ ស្ទឹងត្រែង1A 4630 ឌុបប្អូនប្រុសឈ្មោះជូត រដ្ឋាទៅយកប្អូនស្រីឈ្មោះជូត ខាត់ណាចេញពីសាលារៀន។ខណកំពុងធ្វើដំណើរឆ្លងកាត់ផ្លូវបំបែក ក៏មានរថយន្តម៉ាកហ៊ីយ៉ាន់ដាយ ប្រភេទយីឌុប ក្បាលពណិ៍សលាយបៃតងទ្រុងពណិ៍ប្រផេះ ពាក់ ស្លាកលេខ កំពុងចាម3A 3429 បើកបរក្នុងទិសដៅពីកើតមកលិច ម៉ូតូបើកបរពីជើងមកត្បូង ពេលមកដល់ចំណុចកើតហេតុ ម៉ូតូជនរងគ្រោះបើកកាត់មុខជាន់ហ្វ្រាំងដែរ តែមិនអាចគ្រប់ គ្រងស្ថានភាពបាន ក៏បុកចំម៉ូតូបណ្តាលអោយប្អូនស្រីម្នាក់ត្រូវរថយន្តកិនចំក្បាលស្លាប់នៅនិងកន្លែងបង២នាក់បាកដៃជើងរបួសធ្ងន។
ក្រោយកើតហេតុ ត្រូវរថយន្តសង្គ្រោះរបស់ស្នងការដ្ឋាននគរបាលចរាចរណ៍ បានមកដឹកអ្នករបួសពីរនាក់ដែលមានសភាពធ្ងន់ធ្ងរត្រូវបានដឹកយកទៅសង្គ្រោះនៅមន្ទីរពេទ្យបង្អែកខេត្តស្ទឹងត្រែង រីឯកុមារីដែលរងគ្រោះរហូតដល់ស្លាប់នោះ ក៏ត្រូវបានសមត្ថកិច្ចប្រគល់ឪពុកម្តាយ យកទៅធ្វើបុណ្យ។ចំណែកម៉ូតូរថយន្តបង្ករួមនិងម្ចាស់ត្រូវបាននាំយកមករក្សាទុកនៅការិយាល័យចរាចរផ្លូវគោកនៃស្នងការដ្ឋានគរបាលខេត្តចាត់ការតាមនីតិវិធី៕
