ស្ទឹងត្រែង៖កំលាំងការិយាល័យប្រឆាំងគ្រឿងញៀននៃស្នងការដ្ឋាននគរបានខេត្តបានប្រើប្រាស់ជំនាញបន្តឃាត់ខ្លួនជនសង្ស័យចំនួន២ នាក់និងគ្រឿងញៀនប្រភេទមេតំហ្វេតាមីន(WY)ចំនួន១២១គ្រាប់បន្ថែមទៀត។បន្ទាប់ពីសមត្ថកិច្ចបានឃាត់ខ្លួនជនង្ស័យម្នាក់ឈ្មោះរ៉ន រិន
ណាកាលពីថ្ងៃទី៩ខែកុម្ភៈកន្លងមកនេះ។
ជនសង្ស័យ២នាក់ត្រូវបានសមត្ថកិច្ចឃាត់ខ្លួន ង់កាលពីវេលាម៉ោង១២និង១០នាទីថ្ងៃត្រថ្ងៃទី១០ខែកុម្ភៈឆ្នាំ២០១៥នៅចំណុចភូមិស្រែឬស្សី ឃុំស្រែឬស្សី ស្រុកថាឡាបរិវ៉ាត់ ខេត្តស្ទឹងត្រែងបន្ទាប់ពីឈ្មោះរ៉ន រិនណាបានឆ្លើយថាទិញពីជនសង្ស័យ២នាក់នេះ។ លោកនូ ហួរនាយករិយាល័យប្រឆាំងគ្រឿងញៀនខេត្តបានអោយដឹងថាជនសង្ស័យដែលសមត្ថកិច្ចឃាត់ខ្លួនពីនាក់បន្ថែមទៀតមាន១ឈ្មោះវុធ សាលើម ភេទប្រុសអាយុ២៤ឆ្នាំមុខរបរយោធិន មានទីលំ នៅក្នុងភូមិស្រែឃុំស្រែឬស្សី ស្រុកថាឡាបរិវ៉ាត់ខេត្តស្ទឹងត្រែង ២ឈ្មោះវុធ ម៉ង់ ភេទប្រុសអាយុ២៦ឆ្នាំគេទាំង២នាក់ជាបងប្អូនបង្កើតមានទីលំនៅក្នុង ភូមិកោះស្នែង ឃុំកោះស្នែង ស្រុកថាឡាបរិវ៉ាត់ ខេត្តស្ទឹងត្រែង។ លោកនាយការិយាល័យបានបន្តថាបន្ទាប់ពីកំលាំងរបស់លោកបានធ្វើការឃាត់ខ្លួនជនសង្ស័យឈ្មោះរ៉ន រិនណាជាមួយគ្រឿងញៀន១៨គ្រាប់កាលពីថ្ងៃទី៩ខែកុម្ភៈបាន១ថ្ងៃនៅថ្ងៃទី១០កំលាំងជំនាញបានប្រើប្រាស់ជំនាញរបស់ខ្លួន ឈានទៅធ្វើការឃាត់ខ្លួនជនសង្ស័យឈ្មោះវុធ សាលើម រួចបានបន្តទៅធ្វើការឃាត់ខ្លួន២នាក់បន្តទៀត តែឈ្មោះសុំបូរីបានរត់គេចខ្លួន ឃាត់បានតែឈ្មោះវុធម៉ង់ត្រូវជាបងរបស់គេរួមមួយគ្រឿងញៀន១២១គ្រាប់បញ្ជូនមកស្នងការខេត្តធ្វើការសាកសួរ។ជនសង្ស័យទាំង២នាក់បានឆ្លើយសារភាពចំពោះមុខសមត្ថកិច្ចថាថ្នាំញៀនពិតជារបស់ខ្លួនពិប្រាកដមែន ដែលគេបានចែកចាយទៅអោយពួកគេចែកចាយបន្ត ហើយក៏ត្រូវបានសមត្ថកិច្ចឃាត់ខ្លួនតែម្តង។ នៅព្រឹកថ្ងៃទី១១កុម្ភៈនេះជនសង្ស័យទាំង២នាក់ត្រូវបានការិយាល័យប្រឆាំងគ្រឿងញៀនខេត្តបានរៀបចំសំណុំរឿងបញ្ជូនខ្លួនទៅកាន់តុលាការដើម្បីចាត់ការតាមផ្លូវច្បាប់។ចំណែកឈ្មោះសុំបូរីដែរបានរត់គេចខ្លួនសមត្ថកិច្ចកំពុងស្រាវជ្រាវស្វែងចាប់ខ្លួនដើម្បីចាត់ការតាមច្បាប់ផងដែរ៕
