ខេត្តឧត្តរមានជ័យ៖ឯកឧត្តមឧត្តមសេនីយ៍ទោ នួន នៅ ប្រធានគណបញ្ជាការឯកភាពទិសទី២ នៃភូមិភាគទី៤ បានជួបឧបទ្ទវហេតុគ្រោះថ្នាក់ចរាចរស្លាប់បាត់បង់ជីវិត នៅពេលបំពេញភារកិច្ចណាត់ជួបប្រជុំជាមួយថៃ អំពីកិច្ចទំនាក់ទំនងព្រំដែន ក្នុងអំឡុងម៉ោង២ រសៀល ថ្ងៃទី២៧ ខែកុម្ភៈ ឆ្នាំ២០១៥ នៅចង្កេះភ្នំដងរែក នៅក្បែររូបសំណាក់លោកយាយម៉ៅ ក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
នៅក្នុងគ្រោះថ្នាក់ចរាចរនេះ ដែលរថយន្តរបស់ឯកឧត្តម ម៉ាកវីហ្គោ បុកជាមួយរថយន្តបែកដឹកដីរបស់ក្រុមហ៊ុនលឹមហេងកាស៊ីណូ ដែលមានមនុស្ស ៣នាក់បានស្លាប់បាត់បង់ជីវិត ហើយក្នុងនោះក៏មានអ្នកបើកបររថយន្តម្នាក់ទៀត និងម្នាក់ទៀត ជាតៃកុងរថយន្តបែនដឹកដី ដែលត្រូវគាប់ជាប់ក្នុងរថយន្តទាំងអស់គ្នាធ្លាក់ចូលទៅក្នុងជ្រោះភ្នំដងរែក។
ក្នុងឧបទ្ទវហេតុគ្រោះថ្នាក់ចរាចរនេះ ក្នុងបេសសកម្មទំនាក់ទំនងព្រំដែន ឯកឧត្តម បានណាត់ជួបប្រជំគ្នាជាមួយយោធា និងអភិបាលខេត្តថៃ នៅរសៀលថ្ងៃទី២៧ ខែកុម្ភៈ នៅមាត់ច្រកអន្តរជាតិជាំសាង៉ាំ ហើយក្នុងនោះក៏មានក្បួនរថយន្ត ថ្នាក់ដឹកនាំក្នុងខេត្តឧត្តរមានជ័យ និងរថយន្តរបស់មន្ត្រីយោធាជាច្រើននាក់ ដែលធ្វើដំណើរឡើងលើភ្នំដងរែកមុន ដើម្បីរងចាំខាងភាគីថៃមកជួបប្រជុំ ចំណែករថយន្តរបស់ឯកឧត្តមក៏បានធ្វើដំណើរឡើងភ្នំ តាមពីក្រោយ
របស់រថយន្តគណៈប្រតិភូដែរ តាមរថយន្តម៉ាកវីហ្គោ ហើយនៅពេលធ្វើដំណើរជិតរូបសំណាក់យាយម៉ៅ ក៏ស្រាប់តែមានរថយន្តប្រភេទបែនដឹកដី ធ្វើដំណើរចុះពីលើភ្នំ មកដល់ត្រង់ផ្លូវកែង ក្រោយយាយម៉ៅប្រហែល ៣០ម៉ែត្រ រថយន្តបែន ក៏បុករថយន្តវីហ្គោ គាប់ជាប់គ្នាអូរធ្លាក់ចូលជ្រោះភ្នំដងរែក ហើយរថយន្តវីហ្គោខ្ទេចមូរចូលគ្នាដូចសំពាតចេកចៀន ដែលឯកឧត្តម និងមានតៃកុងរថយន្តម្នាក់ឈ្មោះ ឡាយ លី ឋានៈជាអនុសេនីយ៍ឯក ក៏បានស្លាប់គាប់ជាប់នៅក្នុងរថយន្តដែរ រីឯតៃបើកបររថយន្តបែកក៏បានស្លាប់ជាប់នៅក្នុងរថយន្តធ្លាក់ជ្រោះដែរ(៕
