ខេត្តព្រះសីហនុ
លោកវរសេនីយទោ សៅ ស៊ាន នាយការិយាល័យនគរបាលស្ថិតិ និងអត្តសញ្ញាណបណ្ណ័ នៃស្នងការដ្ឋាននគរបាលខេត្តព្រះសីហនុ បានឲ្យដឹងថា រាជរដ្ឋាភិបាលកម្ពុជាបានចាប់ផ្តើមឲ្យប្រជាពលរដ្ឋធ្វើអត្តសញ្ញាណប័ណ្ណគំរូថ្មីចាប់ពីខែមេសា ឆ្នាំ២០១២មក រហូតមកដល់បច្ចុប្បន្នខេត្តព្រះសីហនុមានប្រជាពលរដ្ឋគ្រប់អាយុ១៥ឆ្នាំឡើង ដែលត្រូវមកប្តូរ និងធ្វើអត្តសញ្ញាណប័ណ្ណប្រភេទគំរូថ្មីមានចំនួន ១៥១.៧៧៨នាក់ ។
លោកវរសេនីយទោ សៅ ស៊ាន បានឲ្យដឹងបន្តថា គិតមកត្រឹមថ្ងៃទី៥ ខែមិនា ឆ្នាំ២០១៥ ប្រជាពលរដ្ឋចំនួន៦៤.៥៧៣នាក់ បានបំពេញបែបបទប្តូរ ធ្វើអត្តសញ្ញាណប័ណ្ណគំរូថ្មី និងទទួលបានអត្តសញ្ញាណប័ណ្ណគំរូថ្មីចំនួន ៦៤.៥៧៣នាក់ តាមប្រព័ន្ឋបច្ចេកវិទ្យាទំនើបនៅស្នងការដ្ឋាននគរបាលខេត្តព្រះសីហនុ ក្នុងចំណោមក្រុង១ និងស្រុក០៣ ។ ក្នុងងនោះក្រុងព្រះសីហនុមានប្រជាពលរដ្ឋមានចំនួន ៧០.៧១៧នាក់ ប្រុស ៣៤២៤០នាក់ ប្រជាពលរដ្ឋមានអត្តសញ្ញាណប័ណ្ណគំរូចាស់ចំនួន ៤៦៣៧៦នាក់ និងអ្នកមកធ្វើ និងប្តូរអត្តសញ្ញាណបណ្ណ័គំរូថ្មីបានចំនួន ២០.៩២០នាក់ ស្រុកស្ទឹងហាវ មានប្រជាពលរដ្ឋចំនួន ១៦.៧៦២នាក់ ប្រុស ៨.៤១៧នាក់ អ្នកមានអត្តសញ្ញាណបណ្ណ័គំរូចាស់ចំនួន ៩.១១០នាក់ និងមកធ្វើ និងប្តូរយកអត្តសញ្ញាណប័ណ្ណគំរូថ្មីបានចំនួន ៦.៨៥៦នាក់ ស្រុកកំពង់សិលា មានប្រជាពលរដ្ឋចំនួន ១៤.៩៣៤នាក់ ប្រុស ៧.៣៦០នាក់ ប្រជាពលរដ្ឋមានអត្តសញ្ញាណប័ណ្ណចាស់ចំនួន៦.៧៧១នាក់ អ្នកបានប្តូរ និងធ្វើអត្តសញ្ញាណបណ្ណ័គំរូថ្មីបានចំនួន ៦.៣៥៦នាក់ និងស្រុកព្រៃនប់ មានប្រជាពលរដ្ឋ ៩៩.៥៤០នាក់ ប្រុស ៤៨.៨១៥នាក់ អ្នកដែលមានអត្តសញ្ញាណប័ណ្ណគំរូចាស់មានចំនួន ៥៦.២៣៨នាក់ អ្នកដែលធ្វើ និងប្តូរអត្តសញ្ញាណប័ណ្ណគំរូថ្មីបានចំនួន ៣០.៤៤១នាក់ ។
លោកវរសេនីយ៌ទោ សៅ ស៊ាន បានបន្តថា រាជរដ្ឋាភិបាលកម្ពុជា និងក្រសួងមហាផ្ទៃបាន
អនុវត្តន៍ការធ្វើអត្តសញ្ញាណប័ណ្ណគំរូថ្មី ដោយតម្រូវឱ្យប្រជាពលរដ្ឋបង់លុយក្នុងម្នាក់ចំនួន១០.០០០រៀល ចាប់ពីខែកក្កដា ឆ្នាំ២០១៤មក ដែលជាថ្លៃអាករថវិកាជាតិ រហូតមកដល់ថ្ងៃទី៥ ខែមិនា ឆ្នាំ២០១៥នេះ មានប្រជាពលរដ្ឋចំនួន៦៤.៥៧៣នាក់ បានធ្វើអត្តសញ្ញាណប័ណ្ណ និងប្តូរអត្តសញ្ញាណប័ណ្ណគំរូថ្មីនៅការិយាល័យនគរបាលស្ថិតិ និងអត្តសញ្ញាណប័ណ្ណបានចំនួន ៦៤.៥៧៣នាក់ ។
ឆ្នាំ២០១៥ ប្រជាពលរដ្ឋមានអាយុពី១៥ឆ្នាំឡើង ត្រូវមកធ្វើអត្តសញ្ញាណប័ណ្ណគំរូថ្មីមានចំនួន ១៥១.៧៧៨នាក់ ប្រជាពលរដ្ឋមានអត្តសញ្ញាណប័ណ្ណគំរូចាស់ចំនួន ១១៨.៤៩៥នាក់ និងបប្រជាពលរដ្ឋទទួលបានអត្តសញ្ញាណប័ណ្ណគំរូថ្មីមានចំនួន ៦៤.៥៧៣នាក់ ។
លោកនាយការិយាល័យ បានធ្វើការផ្សព្វផ្សាយដល់ប្រជាពលរដ្ឋដែលមិនទាន់បានមកធ្វើអត្តសញ្ញាណប័ណ្ណគំរូថ្មី និងត្រូវមកប្តូរយកអត្តសញ្ញាណបណ្ណ័គំរូថ្មីរហូតដល់ត្រីមាសទី១ ឆ្នាំ២០១៦ ព្រោះអត្តសញ្ញាណប័ណ្ណគំរូចាស់នឹងត្រូវអស់សុពលភាពប្រើប្រាស់នៅឆ្នាំ២០១៨ខាងមុខ ។ មន្ត្រីជំនាញយើងនឹងនៅរង់ចាំបំពេញបែបបទ និងធ្វើអត្តសញ្ញាណបណ្ណ័ជូនប្រជាពលរដ្ឋគ្រប់ម៉ោងធ្វើការ ព្រោះអត្តសញ្ញាណប័ណ្ណគំរូថ្មីមានអត្ថប្រយោជន៍សំខាន់ណាស់សម្រាប់ប្រជាពលរដ្ឋយកទៅប្រើប្រាស់តាមតម្រូវការផ្សេងៗដូចការងាររដ្ឋបាល ព្រមទាំងបានគ្រប់គ្រងទិន្នន័យប្រវត្តិរូប កន្លែងស្នាក់នៅ ក្រយៅដៃ អត្តសញ្ញាណ ស្ថានភាពផ្ទាល់ខ្លួនមនុស្សម្នាក់ៗ ព្រោះការធ្វើអត្តសញ្ញាណបណ្ណ័គំរូថ្មីតាមប្រព័ន្ឋបច្ចេកវិទ្យាទំនើបស្តង់ដារអន្តរជាតិ ។ ក្រៅពីនេះវាជាប់ ស្វិត មិនបាក់ រហែក ឬឆេះភ្លើង និងរយះពេលប្រើប្រាស់មានសុពលភាពរហូតដល់រយៈពេល១០ឆ្នាំ ។
លោកវរសេនីយ៍ទោ សៅ ស៊ាន បានឲ្យដឹងបន្ថែមទៀតថា ខេត្តព្រះ សីហនុមាន ក្រុង០១ ស្រុក០៣ សង្កាត់៥ ឃុំ២២ និង ១១២ភូមិ ប្រជាពលរដ្ឋសរុប ៣៩.៧៦៤គ្រួសារ មានមនុស្សសរុបចំនួន ១៩៨.៧២៦នាក់ ស្រី ១០០.៧៣៩នាក់ ៕
