សៀមរាប៖ម្ចាស់ផ្ទះសំណាក់ ម្ចាស់ផ្ទះជួលបន្ទប់និងម្ចាស់ផ្ទះជួលដាច់ដែលមានទីតាំងនៅក្នុងភូមិតាភុល សង្កាត់ស្វាយដង្គំ ក្រុងសៀមរាបកាលពីរសៀលថ្ងៃទី០២ខែមេសាឆ្នាំ២០១៤នេះ បានចូលរួមក្នុងពិធីបើកវេទិកាសាធារណៈស្តីពីការអនុវត្តគោលនយោបាយភូមិឃុំមានសុវត្ថិភាព
ដែលបានរៀបចំធ្វើឡើងនៅក្នុងវត្តកេសសរារាមក្រុងសៀមរាប។ដោយពិធីនេះប្រព្រឹត្តទៅក្រោមអធិបតីភាព លោកស្រី កុយ វិសាល អភិបាលរងក្រុងសៀមរាប លោកវរសេនីយ៍ត្រី ទិត្យ ណារ៉ុងអធិការនគរបាលក្រុងសៀមរាប លោកចៅសង្កាត់ និងមានការចូលរួមពីសំណាក់អស់លោក លោកស្រីជាក្រុមការងារនគរបាលជំនាញពាក់ព័ន្ឋក្នុងការ អនុវត្តគោលនយោបាយភូមិឃុំមានសុវត្ថិភាពដែលអញ្ជើញមកពីស្នងការដ្ឋាននគរបាលខេត្តសៀមរាបនិង អស់លោក លោកស្រី តំណាងមន្ទីរអង្គភាពស្ថាប័នពាក់ព័ន្ធនិងអាជា្ញធរមូលដ្ឋាន ជាច្រើនទៀតបានចូលរួមផងដែរ។លោកវរសេនីយ៍ត្រី ទិត្យ ណារ៉ុង អធិការនគរបាលក្រុងសៀមរាប បានឡើងធ្វើការផ្សព្វផ្សាយនិងធ្វើការបកស្រាយបន្ថែមនូវលក្ខណះសម្បត្តិទាំង៩យ៉ាងរបស់ភូមិឃុំមានសុវត្ថិភាពជូនដល់បងប្អូនដែលមានផ្ទះសំណាក់ ម្ចាស់ផ្ទះជួលបន្ទប់និងម្ចាស់ផ្ទះជួលដាច់នៅក្នុងអង្គពិធីប្រកបដោយភាពយល់ស៊ីជំរៅនិងគ្រប់រូបភាព។ដោយ លោកវរសេនីយ៍ត្រី ទិត្យ ណារ៉ុងបានលើកយកនូវមួយចំណុះម្តងៗមកធ្វើការផ្សព្វផ្សាយនិងធ្វើការបកស្រាយដើម្បីឲ្យបងប្អូនទាំងអស់បានយល់ដឹងកាន់តែច្បាស់ដើម្បីយើងរួមគ្នាពិភាក្សារកគន្លឹះល្អៗយកទៅអនុវត្តបន្តក្នុងការបង្ការទប់ស្កាត់និងធ្វើការបង្ក្រាបឲ្យបានទាន់ពេលវេលានូវរាល់បទល្មើសដែលបំរុងនិងកើតមានឡើងដើម្បីយើងធានាបាននូវការកាត់បន្ថយបទល្មើសគ្រប់ប្រភេទដែលនៅសេសសល់បន្តិបន្តួចអោយអស់ពីភូមិឃុំរបស់យើងក៏ដូចជានៅក្នុងទីតាំងងបើកអាជីវកម្មរបស់បងប្អូនផងដែរ។ក្នុងនោះដែរ លោកវរសេនីយ៍ត្រី ទិត្យ ណារ៉ុង អធិការនគរបាលក្រុងសៀមរាបនិង លោកស្រី កុយ វិសាល អភិបាលរងក្រុងសៀមរាបបានមានប្រសាសន៍បញ្ជាក់ថាគោលបំណងដែលសមត្ថកិច្ចនិងអាជ្ញាធរមានសមត្ថកិច្ចគ្រប់លំដាប់ថ្នាក់ដែលពាក់ព័ន្ឋក្នុងការ អនុវត្តគោលនយោបាយភូមិឃុំមានសុវត្ថិភាពបានរៀបចំធ្វើពិធីនេះឡើងគឺដើម្បីប្រមូលព័ត៍មាននិងចង់ដឹងពីអំស្ថានភាពទូទៅដែលនៅមានការខ្វះខាតក្នុងមូលដ្ឋានចំពោះការ អនុវត្តគោលនយោបាយភូមិឃុំមានសុវត្ថិភាពនេះ។ដោយសមាសភាពគណះអធិបតីទាំងអស់ក៏បានធ្វើការសំណូមពរដល់បងប្អូនទាំងអស់ត្រូវតែមានចិត្តក្លាហានក្នុងការជួយផ្តល់ ព័ត៍មានមកដល់សមត្ថកិច្ចនិងអាជ្ញាធរមានសមត្ថកិច្ចគ្រប់លំដាប់ថ្នាក់នៅពេលដែលបានឃើញឫក៏មានការសង្ស័យនូវករណីទាំង៩ ចំណុចក្នុងការអនុវត្តគោនយោបាយភូមិឃុំមានសុវត្ថិភាពនេះត្រូវប្រញាប់ ទំនាក់ទំនងផ្តល់ព័ត៍ឲ្យបានទាន់ពេលវេលាដើម្បីជាភាពងាយស្រួលដល់សមត្ថកិច្ចជំនាញចុះប្រតិបត្តិការណ៍ធ្វើការបង្ក្រាបឲ្យបានឆាប់រហ័សផងដែរ។ជាពិសេសម្ចាស់ផ្ទះសំណាក់ ម្ចាស់ផ្ទះជួលបន្ទប់និងម្ចាស់ផ្ទះជួលដាច់ទាំងអស់ត្រូវមានការប្រុងប្រយ័ត្ននិងមិនត្រូវមានការថ្វេប្រហែសនូវរាល់ពេលដែលមានអ្នកមកជួលឫក៏មកស្នាក់បណ្តោះអាសន្ននៅទីកន្លែងដែលបងប្អូនប្រកបអាជីវកម្មដោយត្រូវតំរូវឲ្យអ្នកដែលមកស្នាក់នៅទាំងអស់នោះមានអត្តសញ្ញាណប័នឬក៏លិខិតស្នាមផ្សេងៗឲ្យបានច្បាស់លាស់មុននិងឲ្យចូលមកស្នាក់នៅដើម្បីយើងអាចការ ពារធានាបាននូវសន្តិសុខ សុខវត្ថិភាព ប្រកបដោយតម្លាភាពផងដែរ ៕
