ខេត្តបន្ទាយមានជ័យជនសង្ស័យចំនួន៥នាក់ពាក់ព័ន្ធនិងចែកចាយនិងប្រើប្រាស់គ្រឿងញៀនត្រូវបានកម្លាំងនគរបាលស្រុកមង្គលបូរីចាប់ខ្លួននិងដកហូតបានវត្ថុតាងគ្រឿងញៀនព្រមទាំងសម្ភារមួយចំនួន។
ការចាប់ខ្លួនជនសង្ស័យជួញនិងប្រើប្រាស់គ្រឿងញៀនទាំង៥នាក់នេះនៅវេលាម៉ោង៤រសៀលថ្ងៃទី៣១ខែមីនាឆ្នាំ២០១៥ស្ថិតនៅលើផ្លូវលេខ១៥៩B ពីឃុំរហាត់ទឹក ទៅឃុំចំណោម ក្នុង ភូមិខ្ទុំជ្រុំ ឃុំរហាត់ទឹក ស្រុកមង្គលបូរីខេត្តបន្ទាយមានជ័យ។កំលាំងនគបាលជំនាញផ្នែកព្រហ្មទណ្ឌ សន្តិសុខ, និងនគរបាល ប៉ុស្តិ៍ឫស្សី ក្រោក និងប៉ុស្តិ៍រហាត់ទឹកបានសហការណ៍គ្នាពួនស្ទាក់ចាប់មុខសញ្ញាជួញដូរនិងប្រើប្រាស់គ្រឿងញៀនបានចំនួនបីនាក់ដកហូតបាន
ថ្នាំញៀនប្រភេទមេតំហ្វេតាមីនចំនួន3គ្រាប់ ទូរស័ព្ទដៃ2គ្រឿងនិងម៉ូតូ2គ្រឿង។លោកសីុឌីអធិការនគបាលស្រុកមង្គលបូរីបានឲ្យដឹងថាជនសង្ស័យទី១-ឈ្មោះ គង់ វិសាល អាយុ២០ឆ្នាំ ទី២-ឈ្មោះ ច្រឹង កក្កដា អាយុ២០ឆ្នាំ និងទី៣-ឈ្មោះ មុំ ស៊ីឡៃ អាយុ២០ឆ្នាំ អ្នកទាំងបីរស់ នៅភូមិបឹងតូចឃុំសឿ (ប្រើប្រាស់)។ ឆ្លងតាមចម្លើយ របស់ជនល្មើសទាំងបីនាក់ខាងលើកម្លាំង
នគរបាលបានធ្វើការបង្ក្រាបមុខសញ្ញាជួញដូរគ្រឿងញៀនពីរនាក់ប្ដីប្រពន្ធយ៉ាងសកម្មនៅទីតាំងផ្ទះជួញដូរគ្រឿងញៀនមួយកន្លែង ស្ថិតក្នុងភូមិក្រមល់ ឃុំរហាត់ ទឹក ស្រុកមង្គលបូរីនិងតាមបញ្ជាលោកព្រះរាជអាជ្ញារងផាន់ភិរម្យរហូតឈានដល់ការឃាត់ខ្លួនមុខសញ្ញាជួញដូរពីរនាក់រួមមានប្ដី ឈ្មោះនន់ណាក់ អាយុ៣៨ឆ្នាំប្រពន្ធឈ្មោះយឹមផល្លី អាយុ៣៧ឆ្នាំរស់នៅភូមិ
ក្រមល់ឃុំរហាត់ទឹក ស្រុកមង្គលបូរី និងបានដកហូតវត្ថុតាង រួមមានថ្នាំញៀនប្រភេទមេតំហ្វេតាម៊ីន ចំនួន១៨គ្រាប់ទូរស័ព្វដៃ១០គ្រឿងលុយខ្មែរ១លាន២សែនលុយបាត៨០០បាតលុយដុល្លារ៦ដុល្លាម៉ូតូ ១គ្រឿង,អត្តសញ្ញាណ ប័ណ្ណខ្មែរ១សន្លឹក,ប័ណ្ណបើកបរ១ និងសម្ភារ ជក់គ្រឿងញៀន មួយ ចំនួនទៀតបន្ថែមទៀត។លោកឧត្តមសេនីយ៍ត្រី អាត់ ខែម ស្នងការនគបាលខេត្តបានបញ្ជាក់ថាបញ្ហាគ្រឿងញៀនពិតជាបានធ្វើឲ្យប៉ះពាល់យ៉ាងធ្ងន់ធ្ងរដល់សង្គមជាតិ
យ៉ាងខ្លាំងហេតុដូច្នេះហើយទើបលោកបានដាក់ផែនការយ៉ាងម៉ឺងម៉ាត់ទៅកម្លាំងនគរបាលនៅតាមការិយាល័យជំនាញនិងនគរបាលតាមបណ្តាស្រុកក្រុង ចុះស្រាវជ្រាវនិងបង្ក្រាបជាបន្តបន្ទាប់។លោកអាត់ខែមបានបញ្ជាក់ទៀតថានៅពេលខាងមុខលោកនឹងដឹកនាំកម្លាំងនគរបាល ដោយផ្ទាល់ចុះទៅបង្ក្រាបគ្រឿងញៀននៅក្នុងទឹកខេត្តបន្ទាយមានជ័យផងដែរ។ សម្រាប់ ជនសង្ស័យទាំង៥នាក់ ស្ថិតក្រោមការឃុំខ្លួននិងសួរនាំបន្តទៀតនៅអធិការដ្ឋាននគរបាល ស្រុកមង្គលបូរី ដើម្បីកសាងសំណុំរឿងបញ្ជូនទៅកាន់តុលាការចាត់ការតាមផ្លូវច្បាប់៕
