ខេត្តក្រចេះ ៖ រថយន្ត សាំងយ៉ុង ដឹកឈើជន្លង់ម្រេច មួយគ្រឿងបានក្រឡាប់ធ្លាក់ ផ្លូវជាតិ បណ្តាលអោយមនុស្សចំនួន៣នាក់ស្លាប់ បាត់បង់ជីវិតភា្លមៗកាលពីវេលាម៉ោង ១០ព្រឹក ថ្ងៃទី០៦ ខែមេសា ឆ្នាំ ២០១៥ នៅចំណុច ទួលពន្លៃ ភូមិ ឃ្សឹម ឃុំ ឃ្សឹម ស្រុក ស្នួល ខេត្តក្រចេះ ។
ប្រភព ពីកន្លែងកើតហេតុ បានឱ្យដឹងថា មុនពេលកើតហេតុគេ បានឃើញរថយន្ត សាំងយ៉ុងមួយគ្រឿង គ្មានស្លាកលេខ បានផ្ទុកឈើជន្លង់ ម្រេចពេញព្រៀប បើកជែងគ្នាក្នុងល្បឿន យ៉ាងលឿន ក្នុងគោលដៅពីទិសខាងជើង ទៅទិសខាងត្បូង លុះដល់ចំណុចកើតហេតុ ក៏បានរ៉េចង្កូតធ្លាក់ពីលើផ្លូវជាតិ ទៅបុកនិងដើមកាស្យា បណ្តាលអោយអ្នកជិះក្នុងរថយន្តចំនួនបីនាក់បានស្លាប់ភ្លាមៗ ។
សាកសពជនរងគ្រោះ ទី១ មានឈ្មោះ ពៅ អូន ភេទ ប្រុស អាយុ ២៨ ឆ្នាំ ទី២ ឈ្មោះ ដៀង អាយុ ២៣ ឆ្នាំ ទី ៣ ឈ្មោះ បុត្រ អាយុ ២៤ ឆ្នាំអ្នកទាំង៣ រស់នៅក្នុងភូមិ មានជ័យ ឃុំ ស្រែចារ ស្រុកស្នួល ហើយក្រោយពេលកើតហេតុភ្លាមៗ សមត្ថកិច្ចមូលដ្ឋាន បានចុះ ទៅធ្វើការត្រួតពិនិត្យ ជួយទាយយកសពចេញពីរថយន្ត និងប្រគល់ទៅអោយគ្រួសារ សាច់ញាត្តិយកទៅធ្វើបុណ្យតាមប្រពៃណី។
