កំពង់ឆ្នាំង៖សាច់អូនហ៊ុំសម្រាស់ចំនួន៣វង់ប្រវែង២៩៣ម៉ែត្រត្រូវបានបង្ក្រាប ខណះដែលក្រុមជនល្មើសលួចចហ៊ុំសម្រាស់នៅក្នុងដំបន់អភិរក្សបឹងប្រា ស្ថិតក្នុងភូមិក្បាលកន្លង់ ឃុំពាមឆ្កោកស្រុកជលគីរី ត្រូវមន្ត្រីអង្គការអភិរក្សសត្វ ព្រៃឈើ និងជលផល បង្ក្រាបបាននៅវេលាម៉ោង១១និង១០នាទីព្រឹកថ្ងៃទី០៨ ខែមេសា ឆ្នាំ២០១៥ ។
លោក ស៊ឹម សារ៉ាត់ ប្រធានអង្គការអភិរក្សសត្វ ព្រៃឈើនិងជលផលបាននិយាយអោយដឹងថា៖មុនការបង្ក្រាបលោកបានទទួលព័ត៌មានជាក់លាក់ពីប្រជាពលរដ្ឋបានរាយការណ៍អោយ លោកក៏បានដឹកនាំកំលាំងរួមនិងអ្នកយកព័ត៌មានបានឆ្មក់ចុះដល់កន្លែង ពេលនោះក្រុមជនល្មើសកំពុងធ្វើសកម្មភាព ក៏បានបើកការណូតរត់គេចខ្លួនដោយទុកចោលសាច់អួនហ៊ុំសម្រាស់នៅក្នុងបឹងអភិរក្សទាំង៣វង់តែម្តង។
លោកបាននិយាយអោយដឹងបន្ថែមទៀតថា៖ពេលចាប់បានសាច់អួន លោកបានទូរស័ព្ទទៅជំនាញជលផល អោយមកទទួលយកសាច់អួនរបស់ក្រុមជនល្មើស តែទូរស័ព្ទគ្មានណាលើក បន្ទាប់មកក៏បានរាយការជូនលោក ឈូរច័ន្ទឌឿន អភិបាលខេត្តសុំការអន្តរាគមន៍បន្ទាន់ភ្លាមៗ ព្រោះខ្លាចក្រុមជនល្មើសតដៃ ហើយលោកអភិបាលខេត្តក៏លោកបានបញ្ជារកំលាំងជំនាញចុះដល់ទីកន្លែងទទួលយកឧបរណ៍នេសាទខុសច្បាប់នោះ។សា ច់អួនទាំង៣វង់ត្រូវបានប្រគល់អោយជំនាញជលផលសង្កាត់ជល់គីរី រក្សារទុកដើម្បីកសាងសំណុំរឿងតាមនិតិវិធីបញ្ជូនទៅសាលាដំបូងខេត្តចាត់ការតាមផ្លូវច្បាប់។
គួរបញ្ជាក់ថា៖បទល្មើសដាក់សម្រាស់ចាប់ត្រី នៅតែកើតមានដោយជនល្មើសកំពុងធ្វើការហ៊ុំពទ្ធ័ចាប់យកត្រីស្ទើរតែគោគបឹងស្ទឹង ទន្លេសឹងរកផ្លូវបើកការណូតពុំបាននៅក្នុងឃុំសំរោងសែន ស្រុកកំពង់លែង ដែលគេបានយកកំផ្លោកដាក់ពីសម្រាស់លើបន្លំភ្នែកសមត្ថកិច្ច។
ករណីនេះត្រូវបានគេរិះគន់ថាសមត្ថកិច្ចមិនធ្វើការបង្ក្រាបខ្លាំងក្លានោះឡើយ ទើបបទល្មើសសម្រាស់កើតឡើងយ៉ាងអាណាធិបតេយ្យដូច្នេះ។មិនតែប៉ុណ្ណោះសម្រាស់មួយចំនួនត្រូបានហ៊ុំចាប់ត្រីក្នុងដំបន់អភិរក្ស ករណីដូចជារបាំងសាច់អួនក្រឡាញឹកខាងលើនេះជាដើម រឿងនេះតើសមត្ថកិច្ចជំនាញកំពុងធ្វើអ្វី..! ៕
