(ឧត្តរមានជ័យ)ករណីគ្រោះថ្នាក់ចរាចរណ៍ មួយកើតឡើងកាលពីវេលាម៉ោង២០និង០០នាទីយប់ថ្ងៃទី៨ ខែមេសា ឆ្នាំ២០១៥ នៅចំណុចខាងត្បូងបន្ទាយកងពលលេខ៤១ ស្ថិតនៅក្នុងភូមិស្រឡៅស្រោង ឃុំលំទង ស្រុកអន្លង់វែង ខេត្តឧត្តរមានជ័យ នៅលើផ្លូវលំរវាងម៉ូតូបុកម៉ូតូ បណ្តាលឲ្យរងរបួសធ្ងន់ម្នាក់និងស្លាប់ម្នាក់។សមត្ថកិច្ចប៉ូលិសសណ្តាប់ធ្នាប់ស្រុកអន្លង់វែងបានឲ្យដឹងថា មូលហេតុគ្រោះថ្នាក់ចរាចរណ៍ ខាងលើនេះបណ្តាលមកពីឈ្មោះវិញ មិន បើកម៉ូតូមិនប្រកាន់ស្តាំ។សមត្ថកិច្ចប៉ូលិសចរាចរណ៍ស្រុកបានបន្តឲ្យដឹងទៀតថា អ្នកបើកបរម៉ូតC១២៥
ពណ៍ខ្មៅ សេរី២០១៣ ឈ្មោះគឹម ថា នី ភេទប្រុសអាយុ៣៨ឆ្នាំ រស់នៅភូមិជប់តា មោគ ឃុំលំទង ស្រុកអន្លង់វែង ខេត្តឧត្តរមានជ័យ រងរបួសធ្ងន់។រីឯអ្នកបង្កឈ្មោះវិញ មិន ភេទប្រុសអាយុ៦៣ឆ្នាំ បើកម៉ូតូC១២៥ ពណ៍ខ្មៅ សេរីឆ្នាំ២០១៥ បណ្តាលឲ្យស្លាប់នៅនិងកន្លែង រស់នៅភូមិអូរ
គគីលើ ឃុំលំទង ស្រុកអន្លង់វែង ខេត្តឧត្តរមានជ័យ។សមត្ថកិច្ចប៉ូលិសស្រុកអន្លង់វែងបានបន្តទៀតថា វត្ថុតាងត្រូវបានជំនាញយកមករក្សាទុក នៅអធិការដ្ឋាននគរបាលស្រុកអន្លង់វែងរងចាំដោះស្រាយគ្នាទៅតាមផ្លូវច្បាប់៕
