កំពង់ធំ៖ ពិធីសំណេះសំណាល សមាជិកគណថ្នាក់ដឹកនាំ គណបក្សប្រជាជនកម្ពុជា ក្រោមអធិបតីភាព ឯកឧត្តម ផាន់ សុផេង ទីប្រឹក្សាឯកឧត្តម បណ្ឌិត ងួន ញ៉ិល អនុប្រធានទី១រដ្ឋសភា និងជាអនុប្រធានក្រុម ការងារថ្នាក់ខេត្តចុះជួយស្រុក ប្រាសាទសំបូរ ស្រុកសណ្តាន់ និងស្រុកស្ទោង ក្រោមការចូលរួមលោក ខៀវ ប៉ាង ប្រធានគណបក្សស្រុក និងនិងប្រធានក្រុមការងារបក្សមូលដ្ឋាន ចូលរួមជាច្រើននាក់ នៅក្នុងសាល ប្រជុំគណបក្សស្រុកប្រាសាទសំបូរ កាលពីព្រឹកថ្ងៃទី ៥ ខែ មិនា ឆ្នាំ ២០១៤។
លោក ខៀវ ប៉ាង ប្រធានគណបក្សប្រជាជនកម្ពុជា ស្រុកប្រាសាទសំបូរ បានឡើងអាននូវរបាយការណ៍ ស្តី សកម្មភាពរបស់គណបក្សប្រជាជនកម្ពុជា ដែលបានខិតខំប្រឹងប្រែង បម្រើប្រជាពលរដ្ឋ និងរកដំណោះស្រាយសមស្រប ជូនប្រជាពលរដ្ឋ ជាពិសេសសកម្មភាព ពង្រឹងនិងទប់ស្កាត់នូវបទល្មើសផ្សេងៗ ការពារ សន្តិសុខសុវត្តិភាពជូនប្រជាពលរដ្ឋ ។
ពិធីសំណេះសំណាលនេះ បានផ្តោតទៅលើការ ជម្រុញឲ្យក្រុមការងារបក្ស ទាំងអស់ ទទួលខុសត្រូវ ចំពោះមុខថ្នាក់ខេត្ត ក្រុមប្រឹក្សា និងមូលដ្ឋាន ក្នុងការដណ្តើមយកជ័យជំនះ ក្នុងការជ្រើសរើសថ្នាក់ដឹកនាំ ចម្រាប់ បម្រើប្រជាពលរដ្ឋ នៅតាមមូលដ្ឋាន ដើម្បីឈានទៅរកការបោះឆ្នោតអសកល នៅថ្ងៃទី១៨ ខែឧសភា ឆ្នាំ២០១៤ ក្នុងស្រុកប្រាសាទសំបូរ ដើម្បីជ្រើសរើសក្រុមប្រឹក្សា ក្នុងនោះមានគណបក្សចំនួន ៣ ចូលរួម បោះឆ្នោតផងដែរ ។
ឯកឧត្តម បានសំណូមពរ កុំឲ្យមានការពាក់ឯកសណ្ឋានបក្ស ពង្រឹងអង្គបោះឆ្នោត កុំ ឲ្យមានសតិអារម្មណ៍ ចេះយកយល់គ្នា បេក្ខជនត្រូវបំរើបក្ស អង្គបោះឆ្នោតត្រូវស្មោះត្រង់ចំពោះបក្ស គូសឲ្យ ត្រូវចំគោលដៅ ថែរក្សាសុខភាព កុំឲ្យមានបញ្ហាសុខភាព ព្រោះបេក្ខជនទាំង២៣អង្គបោះឆ្នោត ជាបេក្ខជនឈរឈ្មោះ សំខាន់បំផុត ចៀសវាងការផឹកសុរា ឬបង្ករឲ្យមានបាតុភាព ដែលបណ្តាលឲ្យមានការខកខាន ក្នុងការបោះ ឆ្នោត និងត្រូវរៀបចំអ្នកសង្កេតការ ដែលគោរពនូវតួនាទី ដែលបានបែងចែក ចេះសួរនាំ និងជំទាស់នូវសកម្ម ភាពណាដែល បានប្រព្រឹត្តខុសទៅនិងវិន័យនៃការបោះឆ្នោត សមត្ថកិច្ចកងកម្លាំងទាំង៣ ប្រភេទត្រូវការ ពារហឹបឆ្នោតឲ្យមានសុវត្តិភាព និងស្មោះត្រង់ ។
នៃឳកាសនៃពិធីសំណេះសំណាល ឯកឧត្តម ផាន់ សុផេង ទីប្រឹក្សាឯកឧត្តម បណ្ឌិត ងួន ញ៉ិល ឧបត្ថម្ភ សាច់ប្រាក់ជូនដល់អង្គបោះឆ្នោត គណបក្សប្រជាជនចំនួន២៣នាក់ ស្រី៤ នាក់ ក្នុងម្នាក់ទទួលបាន៥០០.០០០រៀល សរុប ១១៥.០០០.០០រៀល ដើម្បីជាការលើកទឹកចិត្ត ក្នុងឳ កាសនៃពិធីបុណ្យ ចូលឆ្នាំប្រពៃណីខ្មែរ ។ 
