ខេត្តបន្ទាយមានជ័យកំលាំងយោធាវរះការពារព្រំដែនលេខ៥១៥ចំនួន៥០នាក់បានធ្វើអន្តរាគមន៍ជួយរើផ្ទះនិងរៀបចំផ្ទះបណ្តោះអាសន្នសាជាថ្មីជូនប្រជាពលរដ្ឋរងគ្រោះដោយខ្យល់កន្ត្រាក់អស់ផ្ទះចំនួន១៨ខ្នងនិងរបួសធ្ងន់ស្រីចំណាស់ម្នាក់នៅព្រឹកថ្ងៃទី៨មេសា២០១៥នៅ ភូមិចំការគ ឃុំស្វាយចេកស្រុកស្វាយចេក ខេត្តបន្ទាយមានជ័យ។ លោកឧត្តមសេនីយ៍ត្រី សេង ធារិន មេបញ្ជាការរងកងពលតូចថ្មើរជើងលេខ៥១បានប្រាប់ឲ្យដឹងថានៅវេលាម៉ោង៦ល្ងាចថ្ងៃទី៨មេសា២០១៥មានភ្លៀងរលឹមហើយលាយឡំដោយខ្យល់កន្ត្រាក់បានបំផ្លាញផ្ទះសំបែងប្រជាពលរដ្ឋអស់ចំនួន១៨ខ្នងមានបាក់សង្គសីនិងឈើប៉ើងដំបូលសាលារៀន១ខ្នងបើុង
សាលាឆាន់១ខ្នងប៉ើងដំបូលនិងបណ្តាលអោយស្ត្រីចំណាស់ម្នាក់អាយុជាង៥០ឆ្នាំរងរបួសធ្ងន់ដោយផ្ទះសង្កត់លើ។លោកសេងធារិនបានបន្តថាក្រោយពេលទទួលបានព័ត៌មានហើយលោកបានចាត់អោយកំលាំងយោធាវរះការពារព្រំដែនលេខ៥១៥ចំនួន៥០នាក់ធ្វើអន្តរាគមន៍ជួយដល់ប្រជាពលរដ្ឋដែលកំពុងរងគ្រោះដោយខ្យល់កន្ត្រាក់បណ្តាលឲ្យបាក់ផ្ទះសំបែងត្រូវបាន
ជួយរុះរើនិងរៀបចំធ្វើជាជម្រកជូនប្រជាពលរដ្ឋអោយមានកន្លែងស្នាក់នៅដោយសុវត្តិភាពសន្តោះអាសន្ន។ លោកឧត្តមសេនីយ៍ត្រី សេង ធារិនបានបន្តថាកំលាំងយោធារក្រៅពីការងារការពារជាតិគឺជួយដល់ប្រជាពលរដ្ឋនៅពេលដែលរងគ្រោះដោយធម្មជាតិនេះជាកត្តប្បកិច្ចរបស់កងកំលាំងយោធា៕
