បុរស់ម្នាក់ឈ្មោះ អ៊ុក ប្រុញ ភេទប្រុស អាយុ៣៥ឆ្នាំ រស់នៅភូមិអូចិញ្ចៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ បានស្លាប់នៅនិងកន្លែងបន្ទាប់ពីជួបគ្រោះថ្នាក់ចរាចរណ៍ នៅពេលកំពុងជិះមូតូរក៍ត្រូវរថយន្តម៉ាកហាយឡែនឌ័រ ពណ៌ស្ករ អត់ស្លាកលេខ បើកបរដោយឈ្មោះយ៉ុង គឹមសាន្ត ភេទប្រុស អាយុ២៥ឆ្នាំ រស់នៅភូមិជ្រោយ ឃុំជ្រោយស្រុកស្រីស្នំ ខេត្តសៀមរាប និងរងរបួសធ្ងន់បន្ទាប់ពីបុកហើយក្រឡាប់ជាច្រើនត្រឡប់ និងអ្នកបើកបរផ្លោងចេញពីរថយន្តជាង១០ម៉ែត្រ ។ ហេតុការណ៍នេះកើតឡើងកាលពីវេលាម៉ោង២រសៀល នាថ្ងៃទី០៨ ខែមេសា ឆ្នាំ២០១៥ នៅចំណុចផ្លូវកោងលើផ្លូវជាតិ១៧១ ស្ថិតក្នុងភូមិថ្មី ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។
តាមសាក្សីនៅកន្លែងកើតហេតុបានអោយដឹងថា មុនពេលកើតហេតុគេឃើញបុរស់រងគ្រោះជិះម៉ូតូសំដៅទៅទីរួមស្រុកអន្លង់វែង មានទឹលដៅពីលិចទៅកើត លុះដល់ចំណុចផ្លូវកោងក៍ស្រាប់តែរថយន្តបង្ករខាងលើបើកបរយ៉ាងលឿនបញ្ច្រាស់ទឹសគ្នាក្នុងស្ថានភាពស្រវឹង បានជ្រុលចង្កូតទៅបុកនិងបង្គោលសុវត្ថភាពខាងស្តាំ រួចបួងចង្កូតជ្រុលមកខាងឆ្វេងនឹងបុកម៉ូតូជនរងគ្រោះយ៉ាងពេញទំហឹងតែម្តង បណ្តាលអោយម៉ូតូនិងជនរងគ្រោះខ្ទាតធ្លាក់ប្រឡាយ
ស្លាប់ភ្លាមៗ និងម៉ូតូខ្ទេចទាំងស្រុង ចំណែករថយន្តបង្ករបានក្រឡាប់ជាច្រើនត្រឡប់ធ្លាក់ប្រឡាយខូចខាតស្ទើរទាំងស្រុង និងម្ចាស់រថយន្តផ្លោងចេញពីរថយន្តជាង១០ម៉ែត្ររបួសធ្ងន់ ។
ក្រោយពេលកើតហេតុកម្លាំងនគរបាលចរាចរណ៍យកម៉ូតូនិងរថយន្តបង្ករទៅរក្សាទុករងចាំការដោះស្រាយគ្នាទៅតាមផ្លូវច្បាប់ រីឯសាសពជនរងគ្រោះត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
