កំពង់ឆ្នាំង៖ លោក ឈួរ ច័ន្ទឌឿន អភិបាលខេត្តកំពង់ឆ្នាំង មានប្រសាសន៍“សារព័ត៌មាន មានសារសំខាន់ណាស់សម្រាប់ប្រទេសដែលប្រកាន់លទ្ឋិប្រជាធិបតេយ្យសម្រាប់កម្ពុជា រាជរដ្ឋាភិបាលបានចាត់ទុកវិស័យនេះ ជាអំណាចទី៤ បន្ទាប់ពីអំណាចនិតិបញ្ញត្តិ និតិប្រតិបត្តិ និងតុលាការ ” លោកអភិបាលខេត្តកំពង់ឆ្នាំង បានថ្លែងបែបនេះនៅក្នុងឱកាសដែលលោកអញ្ជើញជាអធិបតីភាព ក្នុងពិធី ជប់លៀងជួបជុំអ្នកសារព័ត៌មាន ជាមួយថ្នាក់ដឹកនាំខេត្ត មន្ត្រីរាជការ និងប្រជាពលរដ្ឋ អបអរសារទរទិវាបុណ្យចូលឆ្នាំថ្មី ដែលបានប្រព្រឹត្តឡើង កាលពីល្ងាចថ្ងៃទី០៩ ខែ មេសា ឆ្នាំ២០១៥នៅស្ថានីយ៏វិទ្យុ ឬទ្ឋិសែន FM 99.75 មេហ្កាហឺត ស្ថិតក្នុង ភូមិឃ្លាំងប្រាក់ សង្កាត់ប្អេរ ក្រុងកំពង់ឆ្នាំង ។
លោក អភិបាលខេត្តបានបញ្ជាក់ថាៈ សារព័ត៌មានគឺជាកញ្ចក់ឆ្លុះបំភ្លឺនូវព័ត៌មានមួយចំនួន ដែល អាជ្ញាធរខេត្តមិនបានដឹង តែសារព័ត៌មានបានដឹង យកមកចុះផ្សាយ ឧទាហរណ៏ ថ្មីៗនេះ ក្មេងកំព្រា៤នាក់ ត្រូវបានឪពុកម្តាយបោះបង់ចោល អោយគ្នារស់ក្នុងភាពអត់ឃា្លនកណ្តាលព្រៃ សារព័ត៌មានបានដឹង យកមកចុះផ្សាយ ទើបបានដឹងដល់ខេត្ត ដល់ក្រសួងនិងថ្នាក់ដឹកនាំជាតិ ហើយក៏បានយកចិត្តទុកដាក់ លើបញ្ហានេះ ប៉ុន្តែពេលសារព័ត៌មានចុះផ្សាយប៉ុណ្ណឹងហើយ ពេលសួរទៅអាជ្ញាធរមូលដ្ឋាន លោក
ឆ្លើយថាអត់ដឹង ? ។ ទោះយ៉ាងនេះក្តី លោកអភិបាលខេត្តក៏បានលើកឡើងថាៈអ្នកសារព័ត៌មានទាំងអស់ត្រូវសរសេរព័ត៌មានតែការពិត ជាក់លាក់ មិនបំភ្លៃ បើមិនដូចឆ្នោះទេ អ្នកអាន អ្នកស្តាប់ និងអ្នកទស្សនាគេអស់ជំនឿលើ យើងហើយ ។ កន្លងមកលោកក៏សូមអរគុណ ដល់អ្នកសារព័ត៌មានក្នុងខេត្ត ដែលបានចុះផ្សាយ ទិចទានក្នុងន័យ ស្ថាបនា ដើម្បីអោយខេត្តមានការរីកចំរើន និងចុះផ្សាយនូវក្តីកង្វល់របស់ប្រ
ជាពលរដ្ឋ ដើម្បីអោយអាជ្ញាធរបានដឹងនិងចាត់វិធានការដោះស្រាយបន្ទាន់ ។
លោកអភិបាលខេត្តក៏បានផ្តាំផ្ញើរ ដល់បងប្អូនអ្នកសារព័ត៌មានត្រូវចេះសាមគ្គីគ្នា និងចុះផ្សាយព័ត៌មាន ការពិត ជាក់លាក់ ទាន់ហេតុ ការណ៏ អាចទទួលយកបាន និងចាប់ពីពេលនេះតទៅ លោកបានចាត់លោកប្រធានមន្ទីរព័ត៌មានខេត្ត ជាអ្នកនាំពាក្យ របស់សាលាខេត្តកំពង់ឆ្នាំង អ្នកសារព័ត៌មានចង់ដឹងពីសាលាខេត្តមានកម្មវីធីអី សូមទំ នាក់ ទំនងជាមួយលោកប្រធានមន្ទីរព័ត៌មានចុះ ។ជាចុងបញ្ចប់ លោកអភិបាលខេត្ត បានឧបត្ថម ទឹកប្រាក់ ចំនួន ១លានរៀលក្នុងកម្ម វិធីនេះ ផងដែរ ។
តំណាងអ្នកសារព័ត៌មានក្នុងខេត្ត មួយរូប បានឡើងថ្លែងអំណរគុណយ៉ាងជ្រាលជ្រៅចំពោះវត្ត
មានថ្នាក់ដឹកនាំខេត្ត ដែលលោកឈ្លាតឱកាសដ៏មមាញឹក និងមានតម្លៃ ផ្តល់កិត្តិយស ដល់អ្នកសារ ព័តមាន ក្នុងខេត្ត អញ្ជើញចូលរួម លើកទឹកចិត្ត និងផ្តល់ដំបូន្មានល្អៗ ដែលញ៉ាំង អោយពិធីនេះបានប្រព្រឹត្ត
ដោយភាពស្និតស្នាល និងរីករាយក្រៃលែង ។
ក្នុងកម្មវិធីនេះផងដែរ គ្រួសារអ្នកសារព័ត៌មាន ដែលរងគ្រោះផ្សេងៗ ចំនួន៣គ្រួសារក៏បានទទួលអំណោយលើកទឹកចិត្តពីក្រុមអ្នកសារព័ត៌មានទាំងអស់ក្នុងនោះ មាន១, គ្រួសារ លោក សួនច័ន្ទ ភ្នាក់ងារការសែតមាគា៏កម្ពុជា ទទួលមរណៈភាព ក្នុងក្នុងខែកុម្ភៈ ឆ្នាំ២០១៣ ដោយក្រុមលើ្មសព្រួត គា្ន វាយបណ្តាលអោយស្លាប់ ,២. គ្រួសារលោក ជា សុខេន ភ្នាក់ងារ កាសែតសច្ចះ ទទួលមរណៈភាពដោយជម្ងឺលើសឈាម និង៣,លោក ខាន់ សុខុម ភ្នាក់ងារការសែតកម្ពុជាថ្មី ពិការភាពដោយជម្ងឺលើសឈាម ដោយក្នុងមួយគ្រួសារទទួលបានថវិការ១០ម៉ឺនរៀលផងដែរ៕
