ខេត្តបន្ទាយមានជ័យ:
ប្រជាពលរដ្ឋដែលទៅលេងអាងត្រពាំងថ្មនោះបានឲ្យដឹងថាក្នុងឱកាសបុណ្យចូលឆ្នាំមមែក្នុងថ្ងៃទី១៣-១៤-១៥ ខែមេសា ឆ្នាំ២០១៥នេះ ចំនួនភ្ញៀវមកកំសាន្តនៅអាងទឹកត្រពាំងថ្មមិនសូវច្រើនប៉ុន្មានទេ។ ឯតម្លៃសេវាជួលរោង កន្ទេល ពោងកង់ឡាន និងម្ហូបអាហារ មិនទាន់ជាឡើងថ្លៃ ហួសពីធម្មតានៅឡើយ។
ប្រជាពលរដ្ឋបាននិយាយបន្តថាឆ្នាំនេះប្រជាពលរដ្ឋភាគច្រើនបាននាំគ្នាទៅលេងនៅខេត្តឆ្ងាយៗចំណែកអាងត្រពាំងថ្មវិញប្រជាពលរដ្ឋមិនសូវមកលេងនោះទេនៅតាមផ្លូវអាងត្រពាំងថ្មអ្នកធ្វើដំណើរមិនចង្អៀតដូចឆ្នាំមុនៗនោះឡើយ។ចំណែកនំចំណីវាក៏មិនឡើងថ្លៃដែរព្រោះ
មានមន្ត្រីសមត្ថកិច្ច និងអាជ្ញាធរចាំឃ្លាំមើលជាប្រចាំ។ ម្យ៉ាងទៀតទឹកអាងក៏ថ្លាកម្រិតខ្យល់បក់នាំរលកទឹកក៏តិចមិននាំឲ្យទូកឬកាណូតឃ្លោងទេ។ចំណែកប្រជាពលរដ្ឋខ្លះបានធ្វើការតិះទៀនដល់ក្រុមហ៊ុនម៉ៅការធ្វើថ្នាល់ចាក់កៅស៊ូធ្ ើគ្មានគុណភាពថ្នល់ចាក់កៅស៊ូតពីថ្នល់ជាតិរហូតដល់ស្រុកភ្នំស្រុកធ្វើមិនទាន់ទាំងបាន២ឆ្នាំល្អផងខូចស្ទើរខ្ទេចខ្ទីគ្មានសល់។
ប៉ុន្តែប្រជាពលរដ្ឋបានរិះគន់ថាផ្លូវលំកៅស៊ូនោះបានខូចខាតយ៉ាងច្រើននៅចន្លោះព្រៃមាន់ និងទីរួមស្រុក ដែលគួរជួសជុលឡើងវិញ ហើយទប់ស្កាត់បង្ក្រាបឡានដឹកធ្ងន់ហួសកម្រិតកំណត់ផងព្រោះផ្លូវមួយខ្សែៗវាមានតំលៃថ្លៃណាស់ទំរំធ្វើផ្លូវចាក់កៅស៊ូបានមួយខ្សែៗវាចំណាយលុយរដ្ឋអស់រាប់លានដុល្លាឯនោះ។ប្រជាពលរដ្ឋខ្លះទៀតថាឆ្នាំនេះនៅលើអាងមានតាំងលក់ទំនិញ តាំងពិព័រណ៍ចម្រុះ ហើយមានការប្រគុំតន្ត្រី ការលេងល្បែងប្រជាប្រិយប្រចាំភូមិស្រុកផងដែរ។
តែខ្លះទៀតថា ទោះជាថា អាជ្ញាធរខំប្រកាសថា នឹងរៀបចំនៅអាងនេះអោយល្អ បង្កការសប្បាយ ក៏ដូចជាមិនជាឃើញអ្វីគួរអោយ ប្លែកភ្នែក ទាក់ទាញដែរ លើកលែងតែសន្តិសុខ សណ្តាប់ធ្នាប់ សុវត្ថិភាព។តាមប៉ាន់ស្មាន មនុស្សទៅលេងអាងនោះក្នុង ១ថ្ងៃៗ មានប្រមាណ ៨.០០០ ទៅ ១៥.០០០នាក់ប៉ុណ្ណោះ។ នេះបើតាមការអាំអាងរបស់ប្រជាពលរដ្ឋដែលបានទៅលេងអាងទឹកត្រពាំងថ្មនេះ៕
