កំពង់ឆ្នាំង៖លោកជំទាវ កែ ច័ន្ទមុនី អ្នកតំណាងរាស្ត្រគណបក្សប្រជាជនកម្ពុជាមណ្ឌលកំពង់ឆ្នាំង រួមដំ ណើរដោយលោកជំទាវ តុង ណារី សមាជិកក្រុមប្រឹក្សាខេត្ត និងលោកស្រី សោ ភ័ណ្ឌ នៅរសៀលថៃ្ងទី១១ ខែ ឧសភា ឆ្នាំ២០១៥ បានចុះសាកសួរសុខទុក្ខ និងនាំយក
អំណោយជូនគ្រួសារក្រីក្រឈ្មោះ ឃុន ឡូត មានសមាជិក៨នាក់រស់នៅភូមិអូរតាសេក ឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង និងស្ត្រីសំរាលកូន៣នាក់ ផ្សេងទៀតនៅមណ្ឌលសុខភាពព្រែខ្មែរផងដែរ។
លោកជំទាវ តុង ណារី បានអោយដឹងថា៖អំណោយដែលបានផ្តល់ជូនគ្រួសារក្រីក្រមានសមាជិកចំនួន៨នាក់រួមមាន៖ថវិកា២៤ម៉ឺនរៀល និងគ្រឿងឧបភោគបរិភោគមួយចំនួនទៀត។បន្ទាប់មកលោកជំទាវំ កែ ចន្ទ័មុនី តំណាងរាស្ត្រ ក៏បាននាំយកថវិកាជូនស្ត្រីសំរាលកូន៣នាក់ ផ្សេងទៀត នៅមណ្ឌលសុខភាពព្រៃខ្មែរ ដែលក្នុងម្នាក់ៗ១៥ម៉ឺនរៀលនិងគ្រូពេទ្យ៥នាក់ក្នុងម្នាក់ៗ១ម៉ឺនរៀលផងដែរ។
លោកជំទាវ កែ ច័ន្ទមុនី អ្នកតំណាងរាស្ត្របានមានប្រសាន៍ពាំនាំប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាទាំងបី និង សម្តេចកិតិ្តព្រឹទ្ធបណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជា ដល់គ្រួសារប្អូនប្រុស ឃុន ឡូត និងស្ត្រីសំរាលកូន៣នាក់ ដែលកន្លងមកសម្តេចតែងតែនឹករលឹក គិតគូរពីសុខទុក្ខ និងផលលំបាកក្នុងការរស់នៅរបស់ប្រជាពលរដ្ឋក្រីក្រគ្រប់ទីកន្លែង នៅពេលជួបការលំបាកនិងរងគ្រោះថ្នាក់ដោយគ្រោះធម្មជាតិផ្សេងៗ គឺសម្តេចតែងតែផ្តល់ជូននូវអំណោយជូនគ្រប់ៗគ្នាទាំងអស់ ដោយមិនប្រកាន់ពូជសាសន៍ និងនិន្នាការនយោបាយអ្វីឡើយ។
លោកជំទាវ កែ ច័ន្ទមុនី ក៏បានផ្តាំផ្ញើគ្រួសារប្អូនឃុនឡូតនិងស្ត្រីសំរាលកូនទាំង៣នាក់ ត្រូវចេះថែទាំសុខភាពដោយការរស់នៅស្អាតហូបស្អាតផឹកស្អាត បើជួបការលំបាកត្រូវរាយការណ៍អោយបានទាន់ពេលវេលាជូនអាជ្ញាធរដែនដីដែលនៅជិតដើម្បីអាជ្ញាធរមូលដ្ឋានជួយដោះស្រាយនិងរាយការណ៍ជាបន្តទៅថ្នាក់លើទៀត។
អាជ្ញាធរដែនដី ប្អូនប្រុស ឃុន ឡូត និងស្ត្រីសំរាលកូនទាំង៣នាក់ សូមថ្លែងអំណរគុណយ៉ាងជ្រាវជ្រៅដល់សម្តេចអគ្គមហាសេនាទាំងបី សម្តេចកិត្តិព្រឹទ្ធបណ្ឌិតនិ ងលោកជំទាវ តំណាងរាស្ត្រ ដែលបានផ្តល់អំណោយជូនដែលពួកគាត់ដែលពួកគាត់ កំពុងជួបការលំបាក សូមអោយសម្តេចនិងលោកជំទាវមានសុខភាពល្អឈ្នះមាសត្រូវគ្រប់ទិសទី ដើម្បីដឹកនាំកម្ពុជាអោយកាន់តែអភិវឌ្ឍន៍ទទួលបានសមិទ្ធផលថ្មីៗថែមទៀត ប្រកបដោយសុខសន្តិភាព សុខដុម្យរមនា និងឆ្ពោះទៅកាន់វឌ្ឍភាព ដែលជាភាពសម្បូរស ប្បាយរុងរឿងជានិរន្តតទៅ៕
