ខេត្តបន្ទាយមានជ័យ ចំនួន៧ថ្ងៃ ឱកាសពិធីតាំងពិព័រណ៏ពាណិជ្ជកម្មសម្ព័ន្ធមេត្រីភាព កម្ពុជា-ថៃ លើកទី១ រវាងខេត្តបន្ទាយមានជ័យនិងស្រះកែវប្រទេសថៃ ។
តាមរបាយការណ៏បានលើកឡើង ក្នុងពិធីតាំងពិព័រណ៏ពាណិជ្ជកម្ម សម្ព័ន្ធមេត្រីភាពកម្ពុជា-ថៃ គឺមានផលិតផល ជាសម្ភារប្រើប្រាស់ ក៏ដូចជាគ្រឿងហូបចុករបស់ខ្មែរ និងថៃ បានដាក់តាំងលក់ សរុប១៧៥តូប ឬ ស្តង់ ក្នុងនោះផលលិតផលខ្មែរ មានចំនួន៣០ស្តង់ ថៃ១៤០ស្តង់ ហើយទំនិញទាំងអស់ គិតជាទឹកប្រាក់ មាន១០ម៉ឺនដុល្លាសហរដ្ឋអាមេរិក ។
ឯកឧត្តមអភិបាលខេត្ត គោ ស៊ុំសារឿត បានបញ្ជាក់ថា ខេត្តមានចំណូល ពន្ធគយកើនឡើង១៤០លានដុល្លាសហរដ្ឋអាមេរិក ឆ្នាំ២០១៤ តែទឹកប្រាក់ទំនិញនាំ ចេញធៀបទឹកប្រាក់នាំចូល មានកំរិតទាបនៅឡើយ ។
ជាមួយការតាំងពិព័រណ៏ពាណិជ្ជកម្មពេលនេះ ជាការស្ទាបស្ទង់សេចក្ដីត្រូវការ របស់អតិថិជន និងបង្ហាញស្នាដៃថ្មី រួមទាំងការចាប់ដៃគូ ផ្នែកវិស័យពាណិជ្ជកម្ម រវាងខេត្តព្រំដែន ក៏ដូចប្រទេសយើងទាំងពីរ លើទស្សនវិ ស័យសេដ្ឋកិច្ចរួមគ្នា ឆ្ពោះទៅរកការធ្វើសមាហរណកម្ម ក្នុងសហគមន៏សេដ្ឋកិច្ចអាស៊ាន នាចុងឆ្នាំ២០១៥ ។
ម្យ៉ាងសង្ឃឺមការតាំងពិព័រណ៏ពាណិជ្ជកម្ម សម្ព័ន្ធមេត្រីភាពកម្ពុជា-ថៃ លើកក្រោយទៀត មានការទាក់ទាញអតិថិជនបានច្រើនជាងនេះ តាមការស្វែងយល់បាននូវពិសោធន៏ នៅលើកទី១ នៃការតាំងពិព័រណ៏ពាណិជ្ជកម្មសម្ព័ន្ធមេត្រីភាព កម្ពុជា-ថៃ ក្នុងខេត្តបន្ទាយមានជ័យ ៕
