កំពង់ឆ្នាំង៖ លោក សោម វឺន អភិបាលស្រុករលាប្អៀរ កាលពីព្រឹកថ្ងៃទី១៥ ខែឧសភា ឆ្នាំ២០១៥ បាននាំយកអំណោយរបស់សប្បុរសជនទៅផ្តល់ជូន លោកយាយទុរគត៌មានជីវភាពក្រីក្រម្នាក់ដែល ចិញ្ចឹមចៅ២នាក់ រងគ្រោះថ្នាក់ចរាចរណ៏កាលសប្តាហ៏កន្លងទៅ។ ការផ្តល់ជូនអំណោយរបស់សប្បុរសជនខាងលើ គឺនៅក្នុងខ្ទមលោកយាយ ស្ថិតក្នុងភូមិគោកបន្ទាយ ឃុំគោកបន្ទាយ ស្រុករលាប្អៀរ ដោយមានការអញ្ជើញចូលរួម ពីលោកមេឃុំមេភូមិជាអាជ្ញាធរមូលដ្ឋានផងដែរ។លោក សោម វឺន អភិបាលស្រុករលាប្អៀរ បានបញ្ជាក់អោយដឹងថាៈ ក្រោយពីមានសារព័ត៌ក្នុងស្រុកបានផ្សាយពីជីវិតលោកយាយតូច សារ៉ន អាយុ៧៨ ឆ្នាំដែលកំពុងចិញ្ចឹមចៅ២នាក់ ហើយបានជួបគ្រោះថ្នាក់ចរាចរណ៏ទៀតផងនោះ លោក ឧកញ៉ា ស្រី ងួន និងលោកជំទាវ ឧញ៉ា ស្រី វុឌ្ឍី បានជួយឧបត្ថម្ភ លោកយាយតាមរយៈរូបលោកចំនួន១០០ដុលា្ល ចំណែកលោក សូ សាម៉ន ក៏បានជួយឧបត្ថម្ភមកលោកយាយ ចំណួន១០ម៉ឺនរៀល និងអង្ករមួយការ៉ុង២៥គឺឡូផងដែរ ។លោក យឹម យ៉ុន មេឃុំគោកបន្ទាយ បាននិយាយអោយដឹងថាៈ លោកយាយពិតជាក្រីក្រពិតប្រាកដមែន កំពុងរស់នៅជាមួយចៅ២នាក់ ម្នាក់កូនបងធ្វើជាសំណង់ និងម្នាក់ទៀតនៅផ្ទះជាមួយជីដូន ខ្ទមដែលលោកយាយស្នាក់នៅគឺបានសុំដីអ្នកស្រុកស្នាក់នៅតែប៉ុណ្ណោះ គឺលោកយាយគ្មានដីធ្លីអីទេ។ ក្រោយពីបានទទួលអំណោយ
ខាងលើ លោក យាយដែលមិនទាន់ជារបួសដោយគ្រោះថ្នាក់ចរាចរណ៏បានខំលើកដៃប្រណមសំពះ ថ្លែងអំណរគុណដល់សប្បុរសជនទាំងអស់និងលោកអភិបាលស្រុក លោកមេឃុំ លោកមេភូមិ សូមជួបតែពុទ្ឋពរទាំង៤ប្រការគឺអាយុ វណ្ណៈ សុខៈ និងពលៈ ជារៀងរហូតតទៅកុំបីឃ្លាតឡើយ ៕
