ខេត្តបន្ទាយមានជ័យ
កម្លាំងនគរបាលនាយកដ្ឋានសុខាភិបាលរបស់ក្រសួងមហាផ្ទៃ បានសហការជាមួយនគរបាលការិយាល័យសុខាភិបាលនៃស្នងការដ្ឋាននគរបាលខេត្តបន្ទាយមានជ័យនៅរសៀល ថ្ងៃទី១៩ ខែឧសភា ឆ្នាំ២០១៥នេះ បានចុះទៅអប់រំ និងផ្សព្វផ្សាយព្រមទាំងចែកមុងជ្រលក់ថ្នាំការពារជំងឺគ្រុនចាញ់ ដល់កងកម្លាំងនគរបាលនៅតាមវរ:និងអធិការដ្ឋាននគរបាលស្រុកតាមបណ្តាព្រំដែន ។ លោកឧត្តមសេនីយ៏ ត្រីអាត់ខែម ស្នងការនគបាលខេត្តបន្ទាយមានជ័យបានថ្លែងថានៅរដូវវស្សា បានចូលមកដល់ជាបណ្តើរៗហើយនោះធ្វើឲ្យមានការប្រឈមមុខនឹងការឆ្លងជំងឺផ្សេងៗ ជា ពិសេស ជំងឺគ្រុនចាញ់ ដែលអាចកើតមានឡើង ចំពោះកងកម្លាំងនគរបាលនៅទីនោះ ទើបនាយឧត្តមសេនីយ៏ នេត សាវឿន អគ្គស្នងការនគរបាលជាតិ បានណែនាំឲ្យក្រុម ការងារ ខាងវិស័យសុខាភិបាល ចុះមកផ្សព្វផ្សាយលើការងារនេះ និងចែកមុងជ្រលក់ផងដែរ។
លោកឧត្តមស្នងការក៏ បានអំពាវនាវ ដល់កងកម្លាំងទាំងអស់ ត្រូវយកចិត្តទុកដាក់ និងថែទាំ សុខភាពឲ្យបានល្អប្រសើរ និងខិតខំបន្តការពង្រឹងសន្តិសុខ និងទប់ស្កាត់បទល្មើស តាមព្រំដែន កាន់តែមានភាពប្រសើរឡើង៕
