កំពង់ឆ្នាំង៖យុវជនជាកម្មករម្នាក់ពេលឡើងពីទូកមកកំពង់ដរបានដួលប្រកាច់ស្លាប់ភ្លាមៗ ដែរ
សមត្ថកិច្ចនិងប្រជាពលរដ្ឋសង្ស័យថាខ្យល់គរ។ហេតុការណ៍គ្រោះថ្នាក់នេះបានកើតឡើងវេលា
ម៉ោង១៣និ៣០នាទីរលៀសថ្ងៃទី២០ ខែឧសភា ឆ្នាំ២០១៥ នៅកំពង់ដរមាត់ទន្លេផ្សារក្រោមក្នុងភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង។
លោកនាយប៉ុស្តិនគរបាលរដ្ឋបាលផ្សារឆ្នាំងបាននិយាយអោយដឹងថា៖យុវជនរងគ្រោះ
រូបនេះមានឈ្មោះ សៃ សុង អាយុ៣២ឆ្នាំ រស់នៅក្នុងភូមិដា ឃុំដា ស្រុកកំពង់លែង។មុនពេល
កើតហេតុនៅព្រឹកថ្ងៃទី២០ ខែឧសភា ឆ្នាំ២០១៥ ឈ្មោះ សៃ សុង ដែលជាកម្មករស៊ីឈ្នួលវាយសណ្តែក និងបេះល្អអោយគេនៅភូមិអន្លុងកញ្ចុះ ឃុំប្រឡាយមាស ស្រុកកំពង់លែង បានសុំដោ
យសារតាមកាណូត ឈ្មោះ ចាន់ សុជាតិ អាយុ២៤ឆ្នាំរស់នៅក្នុងភូមិអន្លុងកញ្ចុះ មកកាន់កំពុង
ដរផ្សារក្រោម ក្នុងគោលបំណងទៅផ្ទះខ្លួននៅភូមិដាវិញ។
ឈ្មោះ ចាន់ សុជាតិ បាននិយាយអោយដឹងថា៖ក្នុងពេលធ្វើដំណើរតាមការណូត ឈ្មោះ
សៃ សុង ដូចជាមានសុខភាពធម្មតាទេ តែគេបានដឹងថាឈ្មោះ សៃ សុង ចូលញៀនស្រាផឹក
រាល់ថ្ងៃមិនដែលខានឡើយ មានពេលខ្លះផឹកស្រវឹងខ្លាំងដេកដួលធ្វើការមិនកើតទៀតផង។
នៅព្រឹកថ្ងៃទី២០ ខែឧសភា គាត់ ( ចាន់ សុជាតិ ) បានបើកកាណូតជេញពីភូមិអន្លុងកញ្ចុះនៅម៉ោង១០ព្រឹក មកដល់កំពង់ដរផ្សារក្រោមនៅម៉ោង១១និង៣០នាទី ហើយគាត់ក៏បាន
ដើរទៅផ្សារឆ្នាំងទិញក្បាលជ្រូក។ចំណែកឈ្មោះ សៃ សុង នៅរស់ចាំកាណូតដរធ្វើដំណើរទៅ
ផ្ទះភូមិដា ឃុំដា ស្រុកកំពង់លែង។ពេលត្រឡប់មកពីទិញក្បាលជ្រូកវិញក៏ឃើញគេដេកស្លាប់ទៅហើយដែលអ្នកផ្សារជើងកំពុងលើកសពគេដាក់លើគ្រែក្នុងតូបមួយ។
អ្នកផ្សារនៅជើងកំពង់ផ្សារមាត់ទន្លេផ្សារក្រោមបាននិយាយអោយដឹងថា៖ក្នុងពេលកើត
ហេតុគេឃើញជនរងគ្រោះដើរចុះមកពីកាណូតមកលើគោក កំពុងតែដើរៗក៏បានដួលប្រកាច់
ស្លាប់ភ្លាមៗតែម្តង ដែលពួកគាត់និងសមត្ថកិច្ចសង្ស័យថាជនរងគ្រោះខ្យល់គរ។
នៅម៉ោង២រសៀល ស្ត្រីម្នាក់ឈ្មោះ ឃ្លោក នឿន អាយុ៦៧ឆ្នាំ រស់នៅម្តុំទ្រុងក្រពើ ក្នុង
ភូមិផ្សារឆ្នាំង សង្កាត់ផ្សារឆ្នាំង បាននិយាយអោយដឹងថា៖គាត់ត្រូវជាម្តាយធំជនរងគ្រោះ រឿងនេះគាត់និងទាក់ទងទៅក្រុមគ្រួសារនៅភូមិដា សពក្មួយគាត់នេះប្រហែលជាត្រូវសុំអាជ្ញាធរនិងព្រះគ្រូចៅអធិការវត្តយាយទេពបូជាសពក្នុងវត្តយាយទេនេះហើយ ព្រោះបើដឹកទៅផ្ទះនៅក្នុងភូមិដា ក្រុមគ្រួសារគាត់គ្មានលុយដឹកទៅទេ៕
