បុរសម្នាក់ទើបតែស្គាល់គ្នាហើយទៅផឹកស៊ីជាមួយគ្នាបាន២ ៣ដង ដោយមានការជឿជាក់ម្យ៉ាងវិញទៀតជាតិស្រវឹងចូលក្នុងខ្លួនផងនោះត្រូវបុរសជាដៃគូផឹកជាមួយហៅស្រីឱ្យមកអង្គុយក្បែរ និងបាននិយាយថាខ្ចីម៉ូតូមួយភ្លែតត្រូវចាញ់បោកគេយកម៉ូតូទៅបាត់ ប្តឹងសមត្ថកិច្ចបង្កការភ្ញាក់ផ្អើល ហេតុការណ៍នេះបានកើតឡើងកាលពីវេលាម៉ោង១១នឹង១៥នាទីយប់ថ្ងៃទី២០ ខែឧសភាឆ្នាំ ២០១៥ នៅក្នុងភោជនីយដ្ឋានម្ហូមខ្មែរគាប់ចិត្តខាងត្បូងអង់តែនទួលគោកតាមបណ្តោយផ្លូវលេខ២៨៩ ស្ថិតក្នុងសង្កាត់ បឹងកក់១ខណ្ឌទួលគោក។
តាមការឱ្យដឹងពីជនរងគ្រោះ ឈ្មោះហ៊ុយ ឡាយ អាយុ៣១ឆ្នាំ មានទីលំនៅបច្ចុប្បន្នក្នុងភូមិទួលសង្កែ សង្កាត់ទួលសង្កែខណ្ឌឬស្សីកែវបានប្រាប់ឱ្យដឹងថារូបគាត់និងបុរសម្នាក់ទៀតដែលបានយកម៉ូតូខ្លួនទៅបាត់ នោះទើបតែស្គាល់គ្នាក្នុងរយះពេលខ្លីនិងធ្លាប់បានដើរលេងផឹកស៊ីជាមួយគ្នាបាន២ ៣ដង។ ហើយនៅ ពេល ក្បាលព្រលប់ជនសង្ស័យបានខលហៅរូបគាត់ឱ្យមកជួបគ្នាផឹកស៊ីនៅក្នុងភោជនីយដ្ឋានខាងលើលុះបានបន្តិចក្រោយមកជនសង្ស័យបានហៅនារីម្នាក់ដែលខ្លួនមិនធ្លាប់ស្គាល់ឱ្យមកអង្គុយកំដោយបានខ្ចីម៉ូតូខ្លួនថាទៅហៅមិត្តភក្ត្រហើយដោយឃើញថាធ្លាប់ផឹកស៊ីជាមួយគ្នានោះក៏បានឱ្យសោរទៅ។ជនរងគ្រោះបានបន្តថាដោយផឹកស៊ីអង្គុយចាំជាមួយនារីមិនធ្លាប់ស្គាល់គ្នាតាំងពីម៉ោង៧ជាងរហូតដល់ម៉ោង 
ប្រមាណជា១១ និងខលទៅ មិន ចូលផងនោះរូបគេក៏សម្រេចចិត្តទំនាក់ទំនងទៅសមត្ថកិច្ចឱ្យចុះមក។តាមការអះអាងពីជនរងគ្រោះរូបគេមានការសង្ស័យទៅលើនារីដែលជនសង្ស័យបានហៅឱ្យមកអង្គុយជាមួយព្រោះថាជនសង្ស័យ បានប្រាប់ខ្លួន ថា នាងជាសង្សាររបស់ខ្លួន។ប៉ុន្តែនារីម្នាក់នោះប្រកែកថានាងជាអ្នករកស៊ីតែប៉ុណ្ណោះហើយនៅពេលដែលគេហៅនាង គឺត្រូវតែមកអញ្ចឹងហើយព្រោះអោយតែ ប្រាក់ដើម្បីចិញ្ចឹមជីវិត។
ក្រោយមកសមត្ថកិច្ចក៏បាននាំជនរងគ្រោះទៅដាក់ពាក្យបណ្តឹងនៅបុស្តិ៍នគរបាលរដ្ឋបឹងកក់២ចំណែកនារីសង្ស័យក៏ត្រូវបាននាំខ្លួនយកទៅសួរនាំបន្តផងដែរ៕
