បុរសម្នាក់បានរងរបួសធ្ងន់ដោយសារតែរួបគេបានជិះម៉ូតូចេញមកពីច្រៀងខារាអូខេ ហើយជ្រុលបុក បង្គោលថ្ម រង្វង់មូលវិមានឯករាជ្យ កាលពីវេលាម៉ោង១២និង៣០នាទីរំលងអាធ្រាតឈានចូលថ្ងៃទី២១ ខែឧសភា ឆ្នាំ២០១៥ នៅចំណុចវិមានឯករាជ្យ ស្ថិតក្នុងសង្កាត់បឹងកេងកងទី១ ខណ្ឌចំការមន។ ជនរងគ្រោះឈ្មោះ វិង គីយូ អាយុប្រហែលជាង៣០ឆ្នាំ ផ្ទះលេខ៣៣២ ផ្លូវលេខ២៣២ ស្ថិតក្នុង សង្កាត់បឹងព្រលិត ខណ្ឌ៧មករា ។ តាមសំដីជនរងគ្រោះបានរៀបរាប់ថា មុនពេលកើតហេតុរួបគេបានជិះម៉ូតូមួយគ្រឿងម៉ាកវ៉េវ ពណ៌ខ្មៅ ពាក់ស្លាកលេខ ភ្នំពេញ1S-6298 ធ្វើដំណើរតាមបណ្តោយផ្លូវនរោត្តមក្នុងទិសដៅពីជើងទៅត្បូង ដោយទើបនិងចេញពីច្រៀងខារ៉ាអូខេជាមួយមិត្តភ័ក្ត ក្នុងបំណងត្រលប់ទៅផ្ទះ ខណៈមកដល់ចំណុចកើតហេតុក៏បានជ្រុលបុកបង្គោលថ្ម នៅរង្វង់មូលវិមានឯករាជ្យបណ្តាលឲ្យបាក់បង្គោលថ្មមួយដើម ។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះនៅមន្ទីរពេទ្យឯកជនមួយមកទទួលតែជន រងគ្រោះមិនព្រមឡើងទៅមន្ទីរពេទ្យដោយរងចាំមិត្តភ័ក្ដមកទទួល ចំណែកម៉ូតូត្រូវបានសមត្ថកិច្ចយកទៅ រក្សា ទុកនៅប៉ុស្តិ៍រដ្ឋបាលនគរបាលបឹងកេងកង់ទី១ដើម្បីរងចាំដោះស្រានៅពេលក្រោយ៕
