ខេត្តកំពត៖ប្រជាពលរដ្ឋពីរស្រុក មានក្រុងកំពតនិងស្រុកទឹកឈូ ដែលប្រើប្រាស់ប្រពន្ឋ័
ទឹកស្អាត បានត្អូញត្អែរថា៖ នៅក្នុងខែឧសភានេះ ធាតុអាកាសកំពុងកើនកំដៅកាន់តែខ្លាំង រីឯប្រពន្ឋ័ទឹកស្អាតដែលបងប្អូនកំពុងប្រើប្រាស់ជួបនូវបញ្ហាដាច់ទឹករហូត ធ្វើឲ្យបងប្អូនជួបការលំបាកក្នុងការប្រើប្រាស់ទឹកយ៉ាងខ្លាំងមិនដឹងជាមកពីមូលហេតុអ្វីនោះទេ ។ ក្នុងការដាច់ទឹកស្ទើរតែគ្រប់កន្លែងនេះ ត្រូវបានបងប្អូនមានការយល់ច្រឡំខុសៗគ្នាខ្លះយល់ថា៖ ប្រពន្ឋ័ទឹកអង្គភាពផលិតទឹកស្អាតបានបូមពីជ្រោះទឹកឈូមកធ្វើការចែកចាយដល់បងប្អូនអ្នកប្រើប្រាស់
ឥឡូវរាំងពេកទឹកជ្រោះរីងរដ្ឋករទឹកបូមមិនទាន់ទើបបណ្តាលឲ្យការចែកចាយមានការខ្វះខាតយ៉ាងនេះ ។ អ្នកខ្លះយល់ថាមកពីអង្គភាពរដ្ឋករទឹកផ្តាច់ពីអ្នកប្រើប្រាស់លក្ខណៈគ្រួសារ ទុកបំពេញតម្រូវការទៅឲ្យរោងចក្រផលិតទឹកកកថ្មីនិងរោងចក្រផលិតទឹកបរិសុទ្ឋទើបធ្វើអាជីវកម្មថ្មី ទើបបណ្តាលឲ្យទឹកប្រើប្រាស់របស់បបងប្អូនជួបបញ្ហាខ្វះខាតនាពេលបច្ចុប្បន្ននេះ ។
ជុំបញ្ហាខ្វះខាតទឹកប្រើប្រាស់ខាងលើ ត្រូវបានលោក ប៊ុន ចាន់គង់ ប្រធានរដ្ឋករទឹកឲ្យដឹងថាៈ ការខ្វះខាតទឹកមិនបានគ្រប់គ្រាន់តាមតម្រូវការរបស់បងប្អូនប្រជាពលរដ្ឋនាពេលបច្ចុប្បន្ននេះ មិនមែនដូចបងប្អូនមួយចំនួនយល់ច្រឡំនោះទេ ។ ពីមុនប្រជាពលរដ្ឋជាអតិថិជនប្រើប្រាស់ទឹកស្អាតមានចំនួនតិចហើយអង្គភាពធ្វើការចែកចាយបានគ្រប់គ្រាន់មិនដែលខ្វះទេ តែបច្ចុប្បន្ននេះកំណើននៃការប្រើប្រាស់របស់អតិថិជនបាកើនឡើងជិតទ្វេដងទៅហើយ រីឯបរិម៉ាណទឹកដែលបូមមកផលិតនោះគឺនៅជាធម្មតាដដែល ។ដូច្នេះហើយទើបការចែកចាយទឹកប្រើប្រាស់មិនបានគ្រប់តាមតម្រូវការរបស់អតិថិជន លោកសូមអធ្យាស្រយ័ចំពោះបងប្អូនជាអតិថិជនផងចុះ ។ លោកប្រធានរដ្ឋករទឹកឲ្យដឹងទៀតថាៈនៅពេលថ្មីៗកន្លងមកនេះ ជុំវិញការខ្វះខាតទឹកខាងលើ អង្គភាពរដ្ឋករទឹកបានធ្វើសេចក្តីជូនដំណឹងមួយដល់អតិថិជនអ្នកប្រើ
ប្រាស់ទឹកស្អាតនិងអង្គភាព អាជ្ញាធរពាក់ពន្ឋ័មួយចំនួនឲ្យបានដឹងផងដែរអំពីភាពរអាក់រអួលទឹកនេះឲ្យបានជ្រាបផងដែរ ហើយលោកបានរៀបចំការផ្គត់ផ្គង់ទឹកឲ្យបានប្រើប្រាស់ដូចគ្នា ដោយអនុវត្តន៍ជាលក្ខណៈវិលជុំជាបណ្តោះអាសន្នមួយរយៈសិនទើបបងប្អូនប្រើប្រាស់បានដូចគ្នា ។ ដោយផ្អាកកន្លែងមួយ បើកកន្លែងមួយ មួយថ្ងៃម្តងៗវិលជុំរហូតមួយរយៈសិនរង់ចាំការពង្រីកប្រពន្ឋ័ទឹកស្អាតថ្មីសាងសង់ហើយរួចរាល់អង្គភាពនិងបំពេញតម្រូវការបងប្អូនមិនឲ្យខ្វះខាតដូចពេលនេះឡើយ សូមបងប្អូនមេត្តាអធ្យាស្រយ័ដល់អង្គភាពរដ្ឋករទឹកផងចុះ ៕
