ស្ទឹងត្រែង៖ជនសង្ស័យចំនួន៥នាក់រួមជាមួយគ្រឿងញៀន(ICE)ចំនួន៧កញ្ចប់ធំនិង៦កញ្ចប់តូចត្រូវបានកំលាំងអាវុធហត្ថខេត្តធ្វើការឃាត់ខ្លួន កាលពីវេលាម៉ោង២០និង១០នាទីយប់ថ្ងៃទី១៤ខែកក្កដាឆ្នាំ២០១៥ពីចំនុចផ្សេងគ្នាស្ថិតក្នុងភូមិរាជានុកូល សង្កាត់ ក្រុង ខេត្តស្ទឹងត្រែង។
លោកវរៈសេនីយ៍ទោដួង វិចិត្រប្រធានមន្ទីរព័ត៍មាននិងសន្តិសុខអាវុធហត្តខេត្តបានអោយដឹងថាជនសង្ស័យពាក់ព័ន្ធករណីជួញដូរនៅសាធាតុញៀនខុសច្បាប់៥នាក់ខាងលើមាន១ឈ្មោះឃុន ច័ន្ទធឿន (ហៅពាង)ភេទប្រុស អាយុ២០ឆ្នាំមុខរបរមិនពិតប្រាកដ មានទីលំនៅ
ក្នុងភូមិរាជានុកូល សង្កាត់ ក្រុងស្ទឹងត្រែង ២ឈ្មោះ ផាត់ចាន់ថាវភេទប្រុស អាយុ៣៥ឆ្នាំ(ទាហាន)មានស្រុកកំណើតភូមិកន្លែង១ ឃុំកន្លែង១ ស្រុកលំផាត់ ខេត្តរតនគីរី បច្ចុប្បន្នស្នាក់នៅភូមិរាជានុកូលសង្កាត់ក្រុងស្ទឹងត្រែង ៣ឈ្មោះក្តៀន បូរិន (ហៅទុង )ភេទប្រុស អាយុ៣៥ឆ្នាំមុខរបរ(លក់អេតចាយ)រត់ម៉ូតូ ភូមិកំណើត ភូមិប្រមូល ឃុំតំបែរ ស្រុកឈូកខេត្តកំពត បច្ចុប្បន្នស្នាក់នៅភូមិស្រែពោធិ សង្កាត់ស្រះឬស្សី ក្រុងស្ទឹងត្រែង ៤ឈ្មោះសេង សុខជៀនភេទប្រុសអាយុ២៩ឆ្នាំ មុខរបររកស៊ីឈើ ស្រុកកំណើត ភូមិស្ទឹងស្លូត ឃមពាមរ៍ ស្រុក ខេត្តព្រៃវែង ៥ឈ្មោះដួង ចន្ធី ភេទប្រុស អាយុ៣០ឆ្នាំមុខរបរមិនពិតប្រាកដ បច្ចុប្បន្នស្នាក់ ភូមិស្រែពោធិ សង្កាត់ស្រះឬស្សី ក្រុងស្ទឹងត្រែង។
លោកវរសេនីយ៍ទោបន្តអោយដឹងទៀតថាការឃាត់ខ្លួនជនសង្ស័យ៥នាក់ខាងលើ ស្ថិតក្រោមការចង្អុលបង្ហាញពីលោកកុលសំអុលអភិបាលនៃគណអភិបាលខេត្តស្ទឹងត្រែង ក្នុងកិច្ចប្រជុំមួយជំរុញអោយកំលាំងសមត្ថកិច្ចគ្រប់លំដាប់ថ្នាក់ទូទាំងខេត្ត ទប់ស្កាត់រាល់បទល្មើសដែលកំពុងកើតមាន ជាពិសេសបទគ្រឿងញៀននេះតែម្តង។
លោកបន្តថាក្រោយពីមានការចង្អុលបង្ហាញពីលោកអភិបាលខេត្តនិងស្ថិក្រោមការបញ្ចាផ្ទាលពីលោកឧត្តមសេនីយ៍ត្រីអៀន វ៉ាន់ឌី មេបញ្ជាការកងរាជអាវុហត្ថខេត្ត បានដាក់កំលាំងនៅ
គ្រប់ទីកន្លែងក្នុងខេត្ត ធ្វើការស៊ើបអង្កេតស្រាវជ្រាវ ទើបឈានទៅធ្វើការឃាត់ខ្លួនជនសង្ស័យ៥នាក់ខាងលើ ដែលកំពុងធ្វើសកម្មភាព ជាក់ស្តែងចំនួន២ករណីផ្សេងគ្នា និងបានដកហូតវត្ថុតាងថ្នាំញៀន ប្រភេទមេតំហ្វេតាមីនម្សសៅក្រាមពណិ៍ថ្លាស(ICE)ចំនួន៧កញ្ចប់ធំនិង៦កញ្ចប់តូច ម៉ូតូ២គ្រឿង រួមនិងសម្ភារៈប្រើប្រាស់មួយចំនួន និងបានបញ្ចូនខ្លួនមកទីបញ្ជាការអាវុធហត្ថខេត្តធ្វើការសាកសួរ។
ជនសង្ស័យបានឆ្លើយសារភាពថាគ្រឿងញៀនពិតជារបស់ខ្លួនពិតប្រាកដមែន គ្រឿងញៀនត្រូវបានធ្វើតេស្តចំពោះមុខជនសង្ស័យ និងមានការចូលរួមពីលោកស្រី ស៊ុនយ៉ឺតព្រះរាជអាជ្ញារងសាលាដំបូងខេត្ត ថាថ្នាំញៀនពិតជាមានសាធាតុញៀនពិតប្រាកដមែន។
បច្ចុប្បន្នជនសង្ស័យទាំង៥នាក់រួមនិងវត្ថុតាងគ្រឿងញៀន១៣កញ្ចប់ធំតូចហើយនិងសម្ភារៈជាច្រើនទៀតបម្រើអោយបទល្មើសខុសច្បាប់ ត្រូវបានសមត្ថកិច្ចជំនាញរៀបចំកសាងសំណុំរឿង បញ្ជូលទៅតុលាការសាលាដំបូងខេត្តចាត់ការបន្តទៅតាមនីតិវិធីច្បាប់៕
