សៀមរាប : នៅសាលប្រជុំសាលាខេត្តសៀមរាប ព្រឹកថ្ងៃទី ២៣ ខែ មេសា ឆ្នាំ២០១៤ បានប្រារព្ធធ្វើពិធីប្រកាស និងចូលកាន់មុខតំណែង ប្រធានសាលាដំបូង និងព្រះរាជអាជ្ញាអមសាលាដំបូងខេត្តសៀមរាប ក្រោមអធិបតីភាព ឯកឧត្តម អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ និងឯកឧត្តម ព្រមទាំងមន្ត្រីរាជការ កងកម្លាំងប្រដាប់អាវុធ ប្រធាន អនុប្រធានមន្ទីរជុំវិញខេត្តបានចូលរួមយ៉ាងច្រើនផងដែរ ។
បន្ទាប់ពីលោក ណិល ណុន ប្រធានសាលាដំបូងខេត្ត និងលោក ទី សុវិនថាល់ ព្រះរាជអាជ្ញាអមសាលាដំបូងខេត្តសៀមរាប បានអានពីប្រវិត្តការងារ ដែលបានអនុវត្តន៍ នៅក្នុងខេត្ត រួចមក ក៏ត្រូវបានប្រកាស ផ្លាស់ប្តូរមុខតំណែង អានព្រះរាជក្រឹត្យតែងតាំងដោយ ឯកឧត្តម ច័ន្ទ មនោ អគ្គនាយករដ្ឋបាល និង ហិរញ្ញវត្ថុ ក្រសួងយុត្តិធម៌ ដែលតំរូវឲ្យទី០១,លោក ណិល ណុន ប្រធានសាលាដំបូងខេត្តសៀមរាប ទៅបំពេញការងារជាអនុប្រធានតុលាការកំពូល លោក ងួន ណារ៉ា អតីត
អនុប្រធានសាលាដំបូងខេត្តកំពត មកជាប្រធានសាលាដំបូងខេត្តសៀមរាបវិញ ទី០២ លោក កើត វណ្ណារ៉េត ព្រះរាជអាជ្ញាអមសាលាដំបូងខេត្តព្រៃវែង មកជាព្រះរាជអាជ្ញាអមសាលាដំបូងខេត្តសៀមរាប ជំនូសលោក ទី សុវិនថាល់ ព្រះរាជអាជ្ញាអមសាលាដំបូងខេត្តសៀមរាប ទៅបំពេញការងារនៅខេត្តក្រចេះ ក្នុងមុខតំណែងជាព្រះរាជអាជ្ញាអមសាលាដំបូង
ខេត្តក្រចេះផងដែរ។ ឯកឧត្តម ប៊ុន ថាឬទ្ធិ អភិបាលរងនៃគណៈអភិបាលខេត្តសៀមរាប បានមានប្រសាសន៍ សម្តែងនូវការស្វាគមន៍ របស់លោកប្រធានសាលាដំបូង និងព្រះរាជអាជ្ញាសាលាដំបូងខេត្តសៀមរាប ដែលទើបតែមកកាន់ តំណែងថ្មី សូមឲ្យទទួលនូវ លទ្ធផលជោគជ័យ ក្នុងការងារ និងអនុវត្តន៍ ការងារប្រកបដោយ សច្ចះធម៌ ស្មោះត្រង់ និងយុត្តិធម៌ ជាទីពឹង ជាខ្នងបង្អែកសម្រាប់ បងប្អូនប្រជាពលរដ្ឋ ក្នុងនាមជាអ្នកអនុវត្តន៍ច្បាប់ ត្រូវប្រកាន់ភ្ជាប់នូវភាពយុត្តធម៌ និង ជាទី
ជម្រករបស់ប្រជាពលរដ្ឋ ។ ឯកឧត្តម អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ បានមានប្រសាសន៍ ផ្តាំផ្ញើរ ដល់លោក ងួន ណារ៉ា និង លោក កើត វណ្ណារ៉េត ដែលត្រូវបានរាជរដ្ឋាភិបាល ប្រគល់តួនាទីភារៈកិច្ច មកបំពេញការងារជាព្រះរាជអាជ្ញា អមសាលាដំបូង ខេត្តសៀមរាបនាពេលនេះ ឲ្យប្រឹងប្រែងអនុវត្តន៍ការងារ អនុវត្តន៍ច្បាប់ឲ្យមានប្រសិទ្ធិភាព និងតម្លាភាព
ស្មោះត្រង់ចំពោះជាតិ សាសនា ព្រះមហាក្សត្រ និងប្រជាពលរដ្ឋ រក្សានូវវិន័យសេចក្តីថ្លៃថ្លូរ របស់ស្ថាប័នច្បាប់ មិនយកអំណាចទៅប្រើប្រាស់ នូវអំពើខុសច្បាប់ និងជាបង្គោលយុត្តិធម៌របស់ប្រជាពលរដ្ឋឲ្យបានកាន់តែល្អប្រសើរថ្វេរដង ៕ ដោយ លោក ខេង ខេមរា
