ខេត្តកំពង់ឆ្នាំង៖ក្រុមការងារចម្រុះ រួមមានមន្ទីរវប្បធម៏និងវិចិត្រសិល្បះខេត្ត មន្ទីរធម្មការខេត្ត សមត្ថកិច្ចនគរបាលខេត្ត លោកអភិបាលស្រុក ដឹកនាំដោយ ស្ថាប័នតុលាការខេត្ត នៅរសៀលថ្ងៃទី២៨ ខែកក្កដា ឆ្នាំ២០១៥ បានទៅចុះពិនិត្យ និងវាយយកឥដ្ឋបុរាណ ដែលមានជនមិន
ស្គាល់មុខបានលួចយកទៅធ្វើជាខឿន ដាក់ដំកល់ទេវរូប ព្រះវៀតណាម នៅលើទីទួលបុរាណទួលកំពង់ព្រះ ស្ថិតក្នុងភូមិកំពង់ព្រះ ឃុំឆ្នុកទ្រូ ស្រុកបរិបូរណ៌យកមកទុកកន្លែងដើមវិញ។ ការលួចយកឥដ្ឋបុរាណ ដែលគរទុកនៅក្បែរប្រាសាទបុរាណឈ្មោះ ប្រាសាទកំពង់ព្រះ នេះគ្មានអ្នកអះអាងថាបានដឹងពីសកម្មភាពគេលួចយកធ្វើអ្វីឡើយ ដែលគណៈកម្មការវត្ត តាអាចារ្យ ពិសេសឆ្មាំប្រាសាទ នៅទីនោះក៏សុទ្ឋតែឆ្លើយថាមិនដឹងទេ។
លោក សុខ ធួក ប្រធានមន្ទីរវប្បធម៏ និង វិចិត្រសិល្បៈខេត្តកំពង់ឆ្នាំង បាននិយាយអោយដឹងថា៖ ការសាងសង់ រូបសំណាក ក្នុងទីទួលខាងលើគឺខុសនិងច្បាប់ ព្រោះមិនបានសុំការអនុញ្ញាត្តិអ្វីឡើយ ក្រៅពីនោះ ជនល្មើសបានយកឥដ្ឋបុរាណរបស់ប្រាសាទ ដែលបានរក្សាគរទុកម្តុំនៅក្បែរប្រសាទ យកមក
តម្រៀបគ្នាធ្វើជាខឿន ឬហៅថាបាល្ល័ង្គសម្រាប់តំកល់ទេវរូប បែបវៀតណាម ។ ព្រោះតែហេតុនេះ សមត្ថកិច្ចចម្រុះ រួមទាំងរូបលោកជា សាម៉ីមន្ទីរផង បានមកពិនិត្យ ហើយបានទទួលបញ្ជារអោយវាយយកឥដ្ឋនោះមករក្សាទុកនៅកន្លែងដើមវិញ និងមិនប៉ះពាល់ទេវរូបនោះឡើយ ។
លោក សុខ ធួក បានបញ្ជាក់ថាៈ មានខឿនថ្មីចំនួន៤កន្លែង នៅជុំវិញវិហារ វៀតណាមដែលសល់ពីសង្គមចាស់ ក្នុងនោះមានតែខឿនមួយកន្លែងប៉ុណ្ណោះ ដែលបានលួចយកឥដ្ឋបុរាណ របស់ប្រសាទកំ ពង់ព្រះមកសាងសង់ជាខឿនសម្រាប់ដាក់ទេវរូបវៀតណាម ចំ ណែក៣កន្លែងទៀត គឺបានសាង់សងពីឥដ្ឋថ្មី ហេតុនេះ ទើបគណៈកម្មការចម្រុះបានសម្រេច វ៉ៃយកឥដ្ឋបុរាណ មួយកន្លែងនោះមករក្សាទុកនៅកន្លែងដើមវិញ។ ចំណែកទេវរូបបែបវៀតណាម ចំនួន២ ដែលនៅលើខឿននេះ ត្រូវបានលើកទៅបញ្ឈរទុកនៅក្នុងវិហារ វៀតណាមនៅទីនោះវិញ ហើយក៏ បានអោយសមាគមន៏វៀតណាមនៅតំបន់នោះធ្វើច្បាប់អោយបានត្រឹមត្រូវ មុននឹងធ្វើអ្វីមួយនៅទីនោះ ព្រោះទីនោះជាទួលប្រសាទបុរាណ គឺមិនត្រូវធ្វើអ្វីតាមទំនើងចិត្តនោះទេ ។
ជុំវិញបញ្ហានេះ ទាំងគណៈកម្មការ ទាំងព្រះសង្ឃ ពិសេសឆ្មាំប្រសាទ២នាក់ ម្នាក់ឈ្មោះ ថោង
ចាន់ណា ម្នាក់ទៀតឈ្មោះ ជា សុភ័ក្រ សុទ្ឋតែឆ្លើយថាៈមិនដឹងទាំងអស់ មិនដឹងថាៈមានជនល្មើសលួច
យក ឥដ្ឋបុរាណមកធ្វើបាល្ល័ង្គ ដាក់ព្រះវៀតណាម ពីពេលណានោះទេ ។
សូមបញ្ជាក់ថាៈ កាលពី៤ ទៅ ៥ ឆ្នាំមុន ពេលដែលក្រុមទូរស័ព្ទ ខាំឈីន ០១១ នៅដំណើរការ
ក្នុងប្រទេសកម្ពុជា ក្រុមហ៊ុនទូរសព្ទ័ខាងលើ បានមកជីកដាក់បង្គោលអង់តែន ក្បែរគ្រឹះប្រាសាទកំពង់ព្រះនេះ ដោយប៉ះចំលើខឿនប្រសាទចាស់ នៅពេលនោះមន្ទីរវប្បធម៌ខេត្ត និងក្រសួងវប្បធម៌និងវិចិត្រសិល្បះ បានប្តឹងទៅតុលាការខេត្តហើយបានចាប់ខ្លួនមនុស្សចំនួន៥នាក់ដាក់ពន្ឋនាគារក្នុងនោះមានជនជាតិថៃម្នាក់ផងដែរ។ ក្រោយមកបានដោះលែងទៅវិញបន្ទាប់បានសំណងការខូចខាត និងលុបរណ្តៅដីនៅកន្លែងនោះឡើងវិញ។ ប៉ុន្តែពេលនោះដល់ជនជាតិវៀតណាមដែលមិនស្គាល់អត្តសញ្ញាណ ដែលពេលនេះកំពុងរត់គេចខ្លួន គេមិនដឹងថ សមត្ថកិច្ចនិងអាជ្ញាធរ មានវិធានការបែបណាឡើយលើករណីនេះ ចំពោះជនខិលខូច ក្នុងនោះដែរ ប្រជាពលរដ្នបានសំណូមពរអោយអាជ្ញាធរ កំទេចរូបព្រះយួនទាំង២នេះចូលទៅ កុំអោយវាប្រព្រឹត្តអំពើឆ្កួតៗបែបនេះទៀត៕
កំពង់ឆ្នាំង ឈៀង ថារិទ្ធ
