ខេត្តបន្ទាយមានជ័យ ៖ ពលករម្នាក់ ជាន់មីនដាច់ជើង ខណះឆ្លងដែនតាមច្រករបៀងបឹងសាគូរ ទៅធ្វើការនៅដីថៃ- ខេត្តបន្ទាយមានជ័យ៖ ពលករម្នាក់ ជាន់មីនដាច់ជើង ខណះឆ្លងដែនតាមច្រករបៀង ទៅធ្វើការនៅដីថៃ កាលវេលាម៉ោង៣និង១៥នាទី ថ្ងៃទី២៣ ខែមេសា ឆ្នាំ នៅចំនុចច្រករបៀង ខាងលិចកាស៊ីណូផ្កាយ៥ មាត់អូរព្រំដែនកម្ពុជា ថៃ ក្រោមការ គ្រប់គ្រងរបស់នគរបាលប៉ុស្តិបឹងសាគូរ បាលការពារព្រំដែនគោកលេខ៩១១ ក្នុងភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ។
ជនរងគ្រោះត្រូវបានគេស្គាល់ថា មានឈ្មោះ អ៊ុក បូរឹទ្ធ ភេទប្រុស អាយុ19ឆ្នាំ រស់នៅភូមិវាល៧ ឃុមទ្រាល ស្រុកបារាយណ៍ ខេត្តកំពង់ បានរងរបួសដាក់ជាងខាងស្តាំ ខណះដែលជនរងគ្រោះនិង ពលករជាច្រើននាក់ផ្សេងទៀត កំពុងឆ្លងដែនតាមរយះមេខ្យល់ តាមច្រករបៀងបឹងសាគូ ក្រោមការគ្រប់គ្រងរបស់លោក លឹម សាវុធ ។ក្រោយ កើតហេតុភ្លាមៗជនរងគ្រោះត្រូវបានគេដឹកតាមរថយន្តកាមា់រីបញ្ជូនទៅសង្គ្រោះនៅមន្ទីរពេទ្យ។
គួរបញ្ជាក់ថា លោក លឹម សាវុធ ទើបតែឡើងកាន់តំណែងជានាយប៉ុស្តិជាង២ខែ ប៉ុណ្ណោះ ជំនួសលោក សួង សៅ ហៅ ប្រុសផែនដី ស្រាប់តែលោក លឹម សាវុធ ហ៊ានបើកឲ្យមានបទល្មើសឆ្លងដែនខុសច្បាប់ទាំងថ្ងៃ ទាំង យប់យ៉ាង គគ្រឹកគ្រែង គ្មានញញើតថ្នាក់លើឡើយ ឲ្យតែមានលុយបង់ ពលករចង់ឆ្លងដែនខុសច្បាប់តាមច្រករបៀងរបស់លោក មួយថ្ងៃប៉ុន្មានពាន់នាក់ក៏បានដែរ ព្រោះលោកមានខ្សែអ្នកធំកាងពីក្រោយ។
មានមតិមួយចំនួនរិះគន់ថា ដោយសារតែលោក លឹម សាវុធ មានចិត្តលោភលន់ពេក ទើបតែមកនៅប៉ោយប៉ែត ម្សិលមិញសោះ ដូចមកកើបលុយពីបទល្មើសអីចឹង បើកឲ្យមានបទល្មើសឆ្លងដែនខុសច្បាប់ពេញទំហឹងពេក ទើបបណ្តាល ឲ្យពលករ អ៊ុក បូរឹទ្ធ ដែលឆ្លងដែនទៅថៃ បានជាន់មីនដាច់ជើងបែបនេះ។
លោក សូរ ចាន់ណារី មេបញ្ជាការវរះនគរបាលការពារព្រំដែនគោក៩១១ និង លោក ខេង ស៊ុម ស្នងការនគរបាលខេត្តបន្ទាយមានជ័យ គួរពិនិត្យភាពមិនប្រកតីរបស់មន្ត្រីខ្លួន នៅគោលដៅខាងលើ និងប្រមូលទៅដុសក្អែល ងូតទឹក ចេញឲ្យអស់លោកដែលឈរជើងនៅចំនុចខាងលិចកាស៊ីណូផ្កាយប្រាំផង ពលករឆ្លងដែនទៅថៃតាមច្រកខាងលើ ដូចជាច្រើនពេកហើយ?៕
