ខេត្តកំពង់ធំ ៖ នៅព្រឹកថ្ងៃទី ២៥ ខែ មេសា ឆ្នាំ ២០១៤នេះ គណៈកម្មាការរៀបចំបោះឆ្នោត ខេត្តកំពង់ធំ បាន ប្រារព្វពិធីបិទវគ្គបណ្តុះបណ្តាល និតិវិធី និងការទទួលតួរនាទី ភារៈកិច្ចទទួលខុសត្រូវ ក្នុងកិច្ចការរៀបចំបោះ ឆ្នោត អណ្ណត្តិទី២ ក្រោមអធិបតីភាព ឯកឧត្តម គង់ វិមាន អភិបាលរងខេត្តកំពង់ធំ និងជាតំណាងរបស់ ឯកឧត្តម អ៊ុត សំអន អភិបាល នៃគណៈអភិបាលខេត្តកំពង់ធំ ព្រមទាំងអភិបាលក្រុង អភិបាលស្រុកទាំង ៨ ចូលរួមផងដែរ។
លោក ប្រែង សាវុធ ប្រធានគណៈកម្មាការរៀបចំបោះឆ្នោតខេត្តកំពង់ធំ បានមានប្រសាន៍ថា ក្នុងគណៈបក្សទាំង៤នេះ គឺមានគណៈបក្ស៣ ដែលបាន ដាក់ពាក្យទាំង៩មណ្ឌល គឺគណៈបក្សប្រជាជន គណបក្សសង្គ្រោះជាតិ និងគណបក្សហ៊ិនស៊ិនប៉ិច នៅក្នុងខេត្ត កំពង់ធំមានការិយាល័យតែ ៨ទេ សម្រាប់អង្គបោះឆ្នោតទាំងអស់មាន ៥៧៧នាក់ បញ្ជីបោះឆ្នោតផ្លូវការ ត្រូវ បានបិទផ្សាយនៅថ្ងៃទី១៨ជាផ្លូវការ ករណីក្រុមប្រឹក្សាណាម្នាក់ទទួលមរណៈភាពឬអ្វីការណ៍អ្វីនោះ អាចស្នើរសុំដោះដូរមុន៧ថ្ងៃមុនថ្ងៃបោះឆ្នោត និងសុំស្នើឲ្យតំណាងគណៈនយោបាយទាំង៤ ដាក់តំណាងអ្នកសង្កេត ការបោះឆ្នោត នៅតាមការិយាល័យបោះឆ្នោតទាំង៨ ដោយមានកំណត់ត្រឹមថ្ងៃទី ១១ខែឧសភា ឆ្នាំ ២០១៤ ។
ការត្រៀមលក្ខណៈតាមការិយាល័យបោះឆ្នោត ការផ្តល់ប័ណ្ណសម្គាល់ខ្លួនជូនអង្គបោះឆ្នោត និងត្រៀមបើក យុទ្ធនាការឃោសនាបោះឆ្នោត និងបញ្ហាដាក់ពាក្យបណ្តឹង គឺជារៀងសំខាន់ គណៈនយោបាយដែលមាន បំណង់ឃោសនាបោះឆ្នោត
ត្រូវស្នើរសុំអាជ្ញាធរ នៅតាមកន្លែងផ្សេងៗដែលមានបំណង ឲ្យបាន៣ថ្ងៃមុន ថ្ងៃឃោសនា ចៀសវាងជាន់កន្លែងគ្នា និងសូមឲ្យគណៈបក្សនយោបាយយោគយល់គ្នា និងអត់ធ្មត់ អនុវត្តន៍ តាមក្រមសីលធម៌ ក្នុងរយះពេលឃោសនាបោះឆ្នោត១៥ថ្ងៃ សម្រាប់ដាក់ពាក្យបណ្តឹង ករណីមានភស្តុតាង គ្រប់គ្រាន់ ក្នុងរយះពេល៣ថ្ងៃប៉ុណ្ណោះ ។
ឯកឧត្តម គង់ វិមាន អភិបាលរងខេត្តកំពង់ធំ បានមានប្រសាសន៍ ណែនាំដល់គ្រប់មន្ត្រីតំណាងឲ្យគណៈបក្សនយោបាយ ដែលបានត្រៀមចូលខ្លួន ចូលរួមប្រកួតប្រជែង សូមឲ្យមានការអត់ធ្មត់ អត់អោនឲ្យគ្នាទៅ វិញទៅមក ក្នុងអំឡុងឃោសនាបោះឆ្នោត ដែលមានករណី ជាន់លើទីកន្លែដែលបានសុំ ផ្ទួនគ្នា គ្រប់គណៈ បក្សនយោបាយ ត្រូវជំរាប់ដល់
អាជ្ញាធរ និងម្ចាស់មូលដ្ឋាន ដូចជាវត្តអារាម និងកន្លែងសាធារណៈផ្សេងៗ ចំណែកនៅក្នុងបរិវេណទីធាសាលារៀន មិនគួរបើការឃោសនានៅទៅនោះឡើយ ដោយសារតែវាអាធ្វើឲ្យ មានការរំខានដល់សិស្សដែលកំពុងសិស្សា ជាចុងក្រោយដោយបានការផ្តាំផ្ញើរពី ឯកឧត្តម អភិបាលខេត្ត សុំឲ្យកងកំលាំងប្រដាប់អាវុធ ទាំងបីប្រភេទ សហការការពារសន្តិសុខឲ្យបានល្អ និងសូមឲ្យការបោះឆ្នោត អសកលនេះ ប្រព្រឹត្តទៅដោយរលូន ។ ដោយ ប៊ុន រដ្ឋា 
