រាជធានីភ្នំពេញ៖ នៅថ្ងៃទី២៨ ខែមេសា ប្រព័ន្ធផ្សព្វផ្សាយនានារបស់កូរ៉េខាងជើងបានផ្សព្វផ្សាយថា លោក Hwang Pyong So ទី ប្រឹក្សាសន្ដិសុខដែលមានភាពជិតស្និទ្ធ បំផុតរបស់មេដឹកនាំគីម ជុងអ៊ុនត្រូវ បានតែងតាំងជានាយសេនាធិការរង ។ សារព័ត៌មាន KCNA របស់កូរ៉េខាង ជើងបានផ្សព្វផ្សាយពីការតែងតាំងខាង លើ ។ លោក Hwang Pyong So ត្រូវ បានតែងតាំងជានាយសេនាធិការរង ក្រោយរយៈពេលតែពីរសបា្ដហ៍ប៉ុណ្ណោះ ដែលលោកបង្ហាញវត្ដមាននៅក្នុងពិធី មួយនៅទីក្រុងព្យុងយ៉ាងដោយស្លៀកឯក សណ្ឋានយោធាបំពាក់ផ្កាយ៤រួចជាស្រេច។
លោក Pyong So អាយុ៦៥ឆ្នាំ មិន សូវមាននរណាបានដឹង បានស្គាល់ពី ប្រវត្ដិរូបរបស់គាត់ឡើយ ពេលដែល លោកមិនទាន់ក្លាយជាទីប្រឹក្សារបស់ លោកគីម ជុងអ៊ុន ។ នៅឆ្នាំ២០១០ លោកត្រូវបានគេឃើញមុខជាញឹកញាប់ ក្រោយលោកគីម ជុងអ៊ុនឡើងទទួល តំណែងជំនួសឪពុក និងតែងតាំងលោក ជាទីប្រឹក្សា ។
កាលពីដើមខែមេសា សារព័ត៌មានកូរ៉េខាងត្បូងបានផ្សព្វផ្សាយថា លោក Pyong So ត្រូវបានតែងតាំងជាអនុ ប្រធានក្រសួងគ្រប់គ្រងណែនាំរបស់ បក្សពលករកូរ៉េខាងជើងដែលជាតំណែង មានសិទ្ធិអំណាចបំផុតក្នុងប្រទេសនេះ។ ក្រសួងខាងលើមានតួនាទីតាមដាន សកម្មភាពរបស់មន្ដ្រីជាន់ខ្ពស់នៅក្នុងប្រទេសនេះ ។
សារព័ត៌មានកូរ៉េខាងត្បូង បានបញ្ជាក់ទៀតថា ក្រសួងដែលលោក Pyong So គ្រប់គ្រងបានតាមដាន សកម្មភាពលោកចាង ស៊ុងទិក ទើបឈានដល់ការចាប់ខ្លួន និងកាត់ទោសប្រហារជីវិត ៕
