- ភ្នំពេញ៖ បុរសជនជាតិចិនពីរនាក់ផឹកស្រាស្រវឹងជោគជាំ បើករថយន្តកាមរីមួយគ្រឿង ពណ៌ខ្មៅ ពាក់ស្លាកលេខភ្នំពេញ 2V-5756បើកធ្លាក់ប្រឡាយដែលស្ថិតតាមបណ្តោផ្លូវបេតុងមួយកន្លែង ជាប់របងកាណាឌីយ៉ា ក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ។
តាមសាក្សីដែលបានឃើញហេតុការណ៍បានឲ្យដឹងថា នៅមុនពេលកើតហេតុគេសង្គេតបុរសជាជនជាតិចិនទាំងពីរនាក់ខាងលើជិះរថយន្តមួយគ្រឿងម៉ាកកាមរី ធ្វើដំណើរតាមបណ្តោយផ្លូវបេតុងក្នុងភូមិសាស្ត្រខាងលើ ក្នុងល្បឿនយ៉ាងលឿន លុះចូលបានប្រមាណជា២០០ម៉ែត្រពីផ្លូវជាតិ ក៏ជ្រុលល្បឿនបើកទៅធ្លាក់ប្រលាយតែម្តងបណ្តាលឲ្យរថយន្តផ្ញារជើងម្ខាងឡើង
ចំណែកឯជនជាតិចិនដែលជាម្ចាស់រថយន្តទាំងពីរនាក់បានតេហៅគ្នាមកទទួលយកទៅបាត់ដោយបន្សល់ទុករថយន្តចោលនៅកន្លែងកើតហេតុ មិនដឹងថា ពេលណាមកស្ទូចយកត្រឡប់ទៅវិញនោះទេ៕ 
