ប្រិយមិត្តប្រហែលជាដឹងហើយថា ការទទួលទានទឹកច្រើនអាចជួយរក្សារាងកាយរបស់យើងឲ្យមានសុខភាពល្អ ប៉ុន្តែនៅមានអត្ថប្រយោជន៍ពិសេសមួយចំនួនទៀតដែលអ្នកមិនទាន់ដឹង។ ខាងក្រោមនេះគឺអត្ថប្រយោជន៍ដល់អស្ចារ្យ ៥ យ៉ាងដែលអ្នកគួរតែទទួលទានទឹកឲ្យបានច្រើនដើម្បីទទួលបាននូវ ភាពស្រស់ស្អាត។
១. ភ្នែកភ្លឺច្បាស់
កាទទួលទានទឹកច្រើនធ្វើឲ្យភ្នែករបស់អ្នកភ្លឺច្បាស់ និងធ្វើឲ្យមានសម្រស់ក្មេងជាងវ័យ។
២. ស្បែកភ្លឺថ្លា
ការទទួលទានទឹកគ្រប់ចំនួនកំណត់ ដែលសារពាង្គកាយក្នុងខ្លួនត្រូវការ អ្នកនឹងទទួលបានស្បែកភ្លឺថ្លាជាធម្មតា។
៣. ចរន្ធឈាមរត់បានស្រួលជាងមុន
ទឹកអាចជួយធ្វើចរន្ធឈាមរត់បានល្អ ការពារស្នាមជ្រួញ និងធ្វើឲ្យស្បែករបស់អ្នកមានសុខភាពល្អតាមបែបធម្មជាតិ។
៤. ព្យាបាលជម្ងឺសើរស្បែក
ទឹកក៏មានតួនាទីសំខាន់ក្នុងការជួយកាត់បន្ថយ និងព្យាបាលជម្ងឺសើរស្បែក ស្បែកស្ងួត ស្បែកមានអ៊ុចខ្មៅៗ…។ ជាពិសេសមុនពេលចូលគេត្រូវពិសាទឹកឲ្យបានមួយកែវដើម្បីការពារ ស្បែកស្ងួត។
៥. ទឹកធ្វើឲ្យអារម្មណ៍ស្រស់ថ្លា
មានន័យថាការទទួលទានទឹកច្រើនអាចជួយឲ្យអារម្មណ៍របស់អ្នកស្រស់ថ្លាគេងលក់បានស្រួល និងស្បែករបស់អ្នកប្រសើរជាងមុន។
៦. រក្សារស្ថេរភាពខាងក្នុងឲ្យមានសុខភាពល្អ
ទឹកក៏អាចជួយរក្សាចង្វាក់បេះដូង ចលនានៃពោះវៀន ព្រមទាំងប្រឆាំងនិងការឆ្លងមេរោគ។ ប្រសិនបើផ្នែកខាងក្នុងរបស់លោកអ្នកមានសុខភាពល្អ ផ្នែកខាងក្រៅរបស់អ្នកក៏មានសុខភាពល្អផងដែរ៕
