កំពង់ធំ= កាលពីព្រឹកថ្ងៃទី១៣ ខែកញ្ញា ឆ្នាំ២០១៥ វេលាម៉ោង ៧និង៣០នាទីនៅវិទ្យាល័យកំពង់ធំ បានបើកកញ្ចប់លទ្ធផលប្រឡង មធ្យមសិក្សាទុតិយភូមិ ដោយមានការចូលរួមពីលោក ហុករិន អភិបាលក្រុងស្ទឹងសែន លោក ជូ វុន្ធី ប្រធានមន្ទីរអប់រំយុវជននិងកីឡាខេត្តកំពង់ធំ 
លោក យាន ស៊ុន ហឿង ចៅសង្កាត់ អាចារ្យលាក់ លោកគ្រូអ្នកគ្រូ ព្រមទាំង សិក្សានុសិស្ស បានមកមើលលទ្ធផលប្រឡង បន្ទាប់មកធ្វើការចែកលទ្ធផលតាមមណ្ឌល ប្រលងចំនួនទាំង ៣មណ្ឌល និងមណ្ឌល៤ ផ្សេងទៀត មាន អភិបាលរងក្រុង និងមេឃុំចូលរួម សិស្សដែលត្រូវប្រឡង មានចំនួនសរុប ៣៤២២នាក់ ស្រី១៧៣២នាក់ លទ្ធផលប្រឡងឆ្នាំ២០១៥នេះ សិស្សដែលជាប់មានចំនួន ១៨១៨នាក់ ស្រី៩៣០នាក់ ត្រូវនិង៥៣,១៣% ក្នុងនោះស្រីស្មើនិង ៥៣,៧០% ។
ក្នុងនោះនិទ្ទេស A មានចំនួន ពីរនាក់ ទី ១ ឈ្មោះ ឡុង រ៉ុមសាន ភេទប្រុស រៀននៅវិទ្យាល័យកំពង់ធំបាន ៩៩,៩៧ពិន្ទុ ទី២ ឈ្មោះ យន់ ស្រីណុច ភេទស្រីរៀននៅវិទ្យាល័យហ៊ុនសែនបល្ល័ង្ក បាន ៩៩,៩៦ ពិន្ទុ។
និទ្ទេសB ៤៦នាក់ ស្រី២០នាក់
និទ្ទេសC ១២៧ ស្រី៥៩នាក់
និទ្ទេសD ២៣១ ស្រី ១៣០នាក់
និទ្ទេសE ១៤១២ ស្រី៧២០នាក់
លោក ជូ វុន្ធី ប្រធានមន្ទីរអប់រំយុវជននិងកីឡាខេត្តកំពង់ធំបានឲ្យដឹងថាបើប្រៀបធៀបឆ្នាំ២០១៤ និងឆ្នាំ២០១៥នេះបេក្ខជនប្រឡងមានចំនួន ៣៤២២នាក់ ស្រី១៧៣២នាក់ បានប្រឡងជាប់១២៣៣នាក់ស្រី ៦៧០នាក់គិតជាភាគរយស្មើ ៣៤,១៦% ស្រី ៣៨,៤០% កើនឡើងចំនួន ៥៨៥នាក់ ក្នុងនោះស្រី២៦០នាក់ ស្មើនិង ១៩% លោកក៏បានបញ្ចាក់ដែរថាសិស្ស ដែលជាប់និទ្ទេស A ទាំង ២នាក់ និងបានទទួល រង្វាន់លើកទឹកចិត្តពីឧត្តម អ៊ុត សំអន អភិបាលខេត្តកំពង់ធំនៅថ្ងៃទី១៥ ខែកញ្ញា ឆ្នាំ២០១៥ខាងមុខនេះ៕ ប៊ុនរិទ្ធី
